ಕುಲ್ಕುಂದ ಶ್ರೀ ಬಸವೇಶ್ವರ ಭಜನಾ ತಂಡಕ್ಕೆ ಸಮವಸ್ತ್ರ ವಿತರಣೆ

ಸುಬ್ರಹ್ಮಣ್ಯ ಅಕ್ಟೋಬರ್ 25 : ಕುಲ್ಕುoದ ಶ್ರೀ ಬಸವೇಶ್ವರ ಭಜನಾ ತಂಡದ ಎಲ್ಲಾ ಭಜನಾರ್ತಿಗಳಿಗೆ ಡಾ. ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್ ವತಿಯಿಂದ ಕುಮಾರಧಾರ ಬಳಿಯ ದೋಣಿಮಕ್ಕಿಯ ಕುಕ್ಕೆ ಶ್ರೀ ನಿವಾಸದಲ್ಲಿ ಸಮವಸ್ತ್ರಗಳನ್ನು ಶನಿವಾರ ವಿತರಿಸಲಾಯಿತು.

. . . . . . . . .

ಈ ಸಂದರ್ಭದಲ್ಲಿ ಮಾತನಾಡಿದ ಡಾ. ರವಿ ಕಕ್ಕೆಪದವು ಅವರು “ಭಜನೆಯು ನಮ್ಮ ಮನಸ್ಸಿಗೆ ಮುದವನ್ನು ನೀಡುತ್ತದೆ, ಮಾತ್ರವಲ್ಲದೆ ಮನಸ್ಸನ್ನು ಏಕಾಗ್ರತೆಯಿಂದ ಇರಿಸಿಕೊಳ್ಳಲು ಸಹಕಾರಿಯಾಗುತ್ತದೆ. ಪ್ರತಿ ಮನೆಗಳಲ್ಲಿ ನಿತ್ಯ ಭಜನೆ ಮಾಡುವುದರಿಂದ ಆ ಮನೆಯಲ್ಲಿ ಸುಖ, ಶಾಂತಿ, ನೆಮ್ಮದಿ ಸದಾ ಇರುತ್ತದೆ. ಹಾಗೆಯೇ ಭಜನೆಯಿಂದ ಆರೋಗ್ಯದ ಮೇಲೆ ಕೂಡ ಒಳ್ಳೆಯ ಪರಿಣಾಮ ಬೀಳುತ್ತದೆ. ಆದ್ದರಿಂದ ಪ್ರತಿಯೊಬ್ಬರೂ ಸ್ವಲ್ಪ ಹೊತ್ತು ಬಿಡುವು ಮಾಡಿಕೊಂಡು ಭಜನೆಯಲ್ಲಿ ಪಾಲ್ಗೊಂಡು ಸಹಕರಿಸುವುದರೊಂದಿಗೆ ತಾವು ತಮ್ಮ ಮನೆಗಳಲ್ಲಿ ಭಜನೆಯನ್ನು ನಿತ್ಯ ಪಠಿಸಬೇಕಾಗಿ ಕೇಳಿಕೊಳ್ಳುತ್ತೇನೆ”ಎಂದರು.

. . . . . . .

ಇದೇ ಸಂದರ್ಭದಲ್ಲಿ ಕುಲ್ಕುಂದ ಬಸವೇಶ್ವರ ಭಜನಾ ಮಂಡಳಿಯ ಚಂದ್ರಶೇಖರ(ಕಿಟ್ಟ) ಹಾಗೂ ಗಿರೀಶ ಆಚಾರ್ಯ ಅವರುಗಳನ್ನು ರವಿ ಕಕ್ಕೆಪದವು ಹಾಗೂ ಶ್ರೀಮತಿ ಗೀತಾ ರವಿ ಕಕ್ಕೆಪದವು ಅವರು ಸನ್ಮಾನಿಸಿದರು.