ಚಂದನ ಸಾಹಿತ್ಯ ವೇದಿಕೆಯಿಂದ “ಕರೋನ ಫಜೀತಿ” ಮ್ಯೂಸಿಕ್ ಆಲ್ಬಮ್ ಬಿಡುಗಡೆ

ಸುಳ್ಯದ ಚಂದನ ಸಾಹಿತ್ಯ ವೇದಿಕೆ ಮತ್ತು ಗೋಮುಖ ವ್ಯಾಘ್ರ ಧಾರಾವಾಹಿ ಚಿತ್ರತಂಡದ ಜಂಟಿ ಸಹಯೋಗದಲ್ಲಿ ಸುಳ್ಯದ ಶ್ರೀ ರಾಘವೇಂದ್ರ ಸ್ವಾಮಿ ಮಠದ ಹೊರಾಂಗಣದಲ್ಲಿ “ಕರೋನ ಫಜೀತಿ” ಮ್ಯೂಸಿಕ್ ಆಲ್ಬಮ್ ಬಿಡುಗಡೆ ಕಾರ್ಯಕ್ರಮವು ನೆರವೇರಿತು.
ಸುಳ್ಯದ ಖ್ಯಾತ ಜ್ಯೋತಿಷ್ಯರು , ಸಾಹಿತಿ , ಚಿತ್ರ ನಿರ್ದೇಶಕ ಹಾಗೂ ಸಂಘಟಕರಾದ ಎಚ್ .ಭೀಮರಾವ್ ವಾಷ್ಠರ್ ರವರು ಸಾಹಿತ್ಯ ರಚಿಸಿ ಹಾಡಿರುವ “ಕರೋನ ಫಜೀತಿ” ಮ್ಯೂಸಿಕ್ ಆಲ್ಬಮ್ ನ್ನು ಪತ್ರಕರ್ತ ಯಶ್ವಿತ್ ಕಾಳಮ್ಮನಮನೆ ಬಿಡುಗಡೆ ಮಾಡಿದರು .
ಮುಖ್ಯ ಅತಿಥಿಗಳಾಗಿ ಮಠದ ಅರ್ಚಕರಾದ ರವಿರಾಜ್ ಮತ್ತು ಧಾರಾವಾಹಿ ನಿರ್ದೇಶಕ ಕುಂದಾಪುರ ನಾಗರಾಜ್ ಉಪಸ್ಥಿತರಿದ್ದರು . ಭಾವನಾ ಮೀಡಿಯಾ ಸುಳ್ಯ ಅರ್ಪಿಸುವ 12 ನೇ ಕಲಾ ಕಾಣಿಕೆಯಾಗಿದೆ .ಕರೋನ ಹಾವಳಿಯ ಪ್ರಸ್ತುತ ದಿನಗಳ ಘಟನೆಗಳ ಸುತ್ತ ಹೆಣೆದಿರುವ ಈ ಗೀತೆಯನ್ನು ಪ್ರವೀಣ್ ಜಯ್ ವಿಟ್ಲ ರವರು ಸಂಕಲನ , ಪ್ರಜ್ವಲ್ ವಾಷ್ಠರ್ ಚಿತ್ರೀಕರಣ ಮತ್ತು ಕಬಕದ ಶ್ರೀರಾಜ್ ರೆಕಾರ್ಡಿಂಗ್ ಸ್ಟುಡಿಯೋದಲ್ಲಿ ಧ್ವನಿಮುದ್ರಣ ಮಾಡಿದ್ದಾರೆ . ಪೆರುಮಾಳ್ ಐವರ್ನಾಡು , ಛಾಯಾಗ್ರಾಹಕ ಸಂಪ್ರೀತ್ ಸುಳ್ಯ , ಪ್ರವೀಣ್ ಸುಳ್ಯ , ಗಣೇಶ ಬಿ ಎಸ್ , ಇನ್ನಿತರರಿದ್ದರು.

. . . . . . .