ಪಂಜ-ಕರಿಕ್ಕಳ : ಹೆದ್ದಾರಿಯ ಬದಿ ಬರೆ ಕುಸಿತ – ವಿದ್ಯುತ್ ಲೈನ್ ಗೆ ಹಾನಿ

ಪಂಜ ಪರಿಸರದಲ್ಲಿ ಅ. 10 ರಂದು ಸಂಜೆ ಎಡೆಬಿಡದೆ ಸುರಿದ ಭಾರಿ ಮಳೆಗೆ ಅಲ್ಲಲ್ಲಿ ಹಾನಿಯುಂಟಾಗಿದೆ. ರಾಜ್ಯ ಹೆದ್ದಾರಿಯ ಪಂಜ ಸಮೀಪದ ಕರಿಕ್ಕಳ ಕಾಡು ಪ್ರದೇಶದಲ್ಲಿ ಅನೇಕ ಕಡೆ ಗುಡ್ಡ ಕುಸಿದಿದೆ. ಈ ಪ್ರದೇಶದ ರಸ್ತೆಬದಿಯಲ್ಲಿ ಹೊಸದಾಗಿ ನಿರ್ಮಿಸಲಾದ ವಿದ್ಯುತ್ ಲೈನ್‌ಗೆ ಅಪಾರ ಹಾನಿಯಾಗಿದೆ.

. . . . . . .

ಗುಡ್ಡ ಕುಸಿತದಿಂದ ಮರಗಳು ಧರೆಗೆ ಉರುಳಿ ವಿದ್ಯುತ್ ಕಂಬ, ತಂತಿಗೆ ಹಾನಿಯಾಗಿದೆ. ಕುಸಿತಗೊಂಡ ಗುಡ್ಡದಲ್ಲಿ ಅನೇಕ ಮರಗಳು ಸಿಲುಕಿದ್ದು ರಸ್ತೆ ಸಂಚಾರಕ್ಕೆ ಅಪಾಯ ಕಾದಿದೆ. ಅ.11ರಂದು ನೂತನ ವಿದ್ಯುತ್ ಲೈನ್‌ನ ಗುತ್ತಿಗೆದಾರರು ಸ್ಥಳಕ್ಕೆ ಧಾವಿಸಿ ರಸ್ತೆಯಲ್ಲಿದ್ದ ವಿದ್ಯುತ್ ತಂತಿ, ಕಂಬ ಮತ್ತು ಮರಗಳನ್ನು ತೆರವುಗೊಳಿಸಿದರು.