ಚೊಕ್ಕಾಡಿ: ಸುಳುಗೋಡು ಕುಳ್ಳಾಜೆ ಹೊಸ ಸಂಪರ್ಕ ರಸ್ತೆ ನಿರ್ಮಾಣಕ್ಕೆ ಗುದ್ದಲಿ ಪೂಜೆ

ಅಮರಪಡ್ನೂರು ಗ್ರಾಮದ ಕುಳ್ಳಾಜೆ, ಪುಂಡೂರು, ಮೋಟುಕಾನ, ಪಾಡಾಜೆ ಜನವಸತಿ ಪ್ರದೇಶಕ್ಕೆ ಸಂಪರ್ಕ ಕಲ್ಪಿಸುವ ನೂತನ ರಸ್ತೆಗೆ ಗ್ರಾಮ ಪಂಚಾಯತ್ 15ನೇ ಹಣಕಾಸಿನ ಅನುದಾನದಲ್ಲಿ ಕಾಮಗಾರಿ ನಡೆದಿದ್ದು, ಗ್ರಾಮ ಪಂಚಾಯತ್ ಸದಸ್ಯರಾದ ಅಶೋಕ್ ಚೂಂತಾರುರವರು ಗುದ್ದಲಿಪೂಜೆ ನಡೆಸಿ ಚಾಲನೆ ನೀಡಿದರು.

. . . . .

ಹಲವು ವರ್ಷಗಳಿಂದ ಬಹು ಬೇಡಿಕೆಯ ರಸ್ತೆ ಇದಾಗಿದ್ದು ಸುಮಾರು 75ಕ್ಕೂ ಮಿಕ್ಕಿ ಮನೆಯ ಫಲಾನುಭವಿಗಳು ಸುಮಾರು ಎರಡು ಕಿ.ಮೀ ಸುತ್ತು ಬಳಸಿ ಬರುವಂತಾಗಿತ್ತು. ಇದೀಗ ಚೊಕ್ಕಾಡಿಗೆ ಸಂಚರಿಸಲು ಸುಮಾರು ಎರಡು ಕಿ.ಮೀ ಉಳಿತಾಯವಾದಂತಾಗಿದೆ. ಕಳೆದ ಗ್ರಾಮ ಪಂಚಾಯತ್ ಚುನಾವಣೆಯ ಸಂದರ್ಭದಲ್ಲಿ ಸ್ಥಳೀಯ ಫಲಾನುಭವಿಗಳು ಅಶೋಕ್ ಚೂಂತಾರುರವರಲ್ಲಿ ಬೇಡಿಕೆ ಇಟ್ಟಿದ್ದರು. ಇದೀಗ ಸಂಪರ್ಕ ರಸ್ತೆ ಪೂರ್ಣಗೊಂಡ ಕಾರಣ ಸ್ಥಳೀಯ ಗ್ರಾಮ ಪಂಚಾಯತ್ ಸದಸ್ಯರುಗಳಾದ ಅಶೋಕ್ ಚೂಂತಾರು, ಮೀನಾಕ್ಷಿ ಚೂಂತಾರು, ಸೀತಾರವರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.