ಹರಿಹರ ಪಲ್ಲತ್ತಡ್ಕ :- ಲ್ಯಾಂಡ್ ಲೈನ್ ಕೇಬಲ್ ಕಳವು

ಹರಿಹರ ಪಲ್ಲತ್ತಡ್ಕ ಗ್ರಾಮದ ಕಜ್ಜೋಡಿಯಲ್ಲಿ ಸುಮಾರು 4 ಕಿಲೋಮೀಟರ್ ಉದ್ದದ ಲ್ಯಾಂಡ್ ಲೈನ್ ಕೇಬಲ್ ಹಾದುಹೋಗಿದ್ದು, ಊರಿನವರು ಮಂಗಳೂರಿನಿಂದ ತಂದು ಗುಂಡಿ ತೆಗೆದು ಕೇಬಲ್ ಅನ್ನು ನೆಲದ ಒಳಗೆ ಅಳವಡಿಸಿದ್ದರು. ಆದರೆ ಒಂದು ಕಡೆ ಕಾಂಕ್ರೀಟ್ ರಸ್ತೆ ಇದ್ದ ಕಾರಣ ಕೇಬಲ್ ಅನ್ನು ಸುಮಾರು 50 ಮೀಟರ್ ಉದ್ದ ನೆಲದ ಹೊರಗೆ ಅಳವಡಿಸಲಾಗಿತ್ತು. ಈ ನೆಲದ ಹೊರಗೆ ಅಳವಡಿಸಲಾಗಿದ್ದ ಸುಮಾರು 50 ಮೀಟರ್ ಉದ್ದದ ಕೇಬಲ್ ಅನ್ನು ಯಾರೋ ಕತ್ತರಿಸಿ ಕಳವುಗೈದಿದ್ದು, ಅದೇ ರೀತಿ ಮುಳ್ಳುಬಾಗಿಲು ಸಮೀಪದಲ್ಲಿ ಸಹ ಕೇಬಲ್ ಅನ್ನು ಕತ್ತರಿಸಿ ಕಳವುಗೈದಿದ್ದಾರೆ, ಜನರು ಆಕ್ರೋಶ ವ್ಯಕ್ತಪಡಿಸಿದ್ದು, ಕಳವುಗೈದವರ ವಿರುದ್ಧ ಕಾರ್ಣಿಕದ ಜಾಗದಲ್ಲಿ ಹರಕೆ ಹೇಳುವುದಾಗಿ ತಿಳಿಸಿದ್ದಾರೆ.

. . . . .

ವರದಿ :- ಉಲ್ಲಾಸ್ ಕಜ್ಜೋಡಿ