ಅನಾರೋಗ್ಯಕ್ಕೀಡಾಗಿರುವ ಅಚ್ಚುತ ಪಾಟಾಳಿಯವರಿಗೆ ಬೇಕಿದೆ ನೆರವಿನ ಹಸ್ತ

ಸುಳ್ಯ ತಾಲೂಕಿನ ಜಾಲ್ಸೂರು ಗ್ರಾಮದ ಅಡ್ಕಾರ್ ಕೋನಡ್ಕಪದವು ಅಚ್ಚುತ ಪಾಟಾಳಿ (47ವರ್ಷ) ಹಸಿ ಮೀನು ವ್ಯಾಪಾರ ಮಾಡುತ್ತಿದ್ದು ಇವರಿಗೆ ಮಾರಕ ಬಾಯಿಯ ಕ್ಯಾನ್ಸರ್ ಬಾಧಿಸಿ ವೆನ್ಲಾಕ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಈಗಾಗಲೇ ಪ್ರಥಮ ಶಸ್ತ್ರಚಿಕಿತ್ಸೆಯು ನಡೆಸಿದ್ದು ತುರ್ತು ಇನ್ನೊಂದು ಶಸ್ತ್ರಚಿಕಿತ್ಸೆಯ ಅಗತ್ಯತೆ ಇರುವುದಾಗಿ ಆಸ್ಪತ್ರೆಯಿಂದ ತಿಳಿಸಿರುತ್ತಾರೆ. ಮುಂದಿನ ಚಿಕಿತ್ಸಾ ಖರ್ಚು ಅಂದಾಜು 5 ಲಕ್ಷ ಬರಬಹುದು. ಸದ್ಯ ಇವರ ಕುಟುಂಬದ ಸ್ಥಿತಿಯು ತೀರಾ ಚಿ‌ಂತಾಜನಕವಾಗಿದ್ದು ಕುಟುಂಬದ ಮೂರು ಹೊತ್ತಿನ ಊಟಕ್ಕೂ ಕಷ್ಟಕರವಾಗಿದೆ ಹಲವು ಸಂಘಗಳಿಂದ ತಗೆದ ಸಾಲವೂ ಈ ತನಕದ ಚಿಕಿತ್ಸೆಯ ನಿಟ್ಟಿನಲ್ಲೇ ಖರ್ಚಾಗಿರುತ್ತದೆ.
ಗಂಡ ಹೆಂಡತಿ ಹಾಗೂ ಶಾಲೆಗೆ ಹೋಗುವ ಇಬ್ಬರು ಹೆಣ್ಣು ಮಕ್ಕಳನ್ನೊಳಗೊಂಡ ಸಂಸಾರವನ್ನು ನಿಭಾಯಿಸಲು ಬೈಕಲ್ಲಿ ಊರು ಊರು ಸುತ್ತಿ ಹಸಿಮೀನು ಮಾರಿ ಕಷ್ಟದಲ್ಲಿ ಜೀವನ ಸಾಗಿಸುತಿದ್ದ ಕುಟುಂಬದ ಆಧಾಸ್ಥಂಭವಾಗಿರುವವರೇ ಈ ಸ್ಥಿತಿಯಲ್ಲಿರುವುದರಿಂದ ಕುಟುಂಬವು ತೀರಾ ಹತಾಶವಾಗಿದೆ, ಮಕ್ಕಳ ವಿದ್ಯಾಭ್ಯಾಸವು ಮೊಟಕುಗೊಂಡು ತಿಂಗಳುಗಳೇ ಕಳೆದಿದೆ. ಇವರ ಸಂಕಷ್ಟಕ್ಕೆ ಸಹಾಯಹಸ್ತ ನೀಡಲು ಈ ಕೆಳಕಂಡ ಖಾತೆಗೆ ನೀಡಿ ಸಹಕರಿಸಬೇಕಾಗಿ ಮನೆಯವರು ಮನವಿ ಮಾಡಿದ್ದಾರೆ.