ಇಂದಿನ(ಸೆಪ್ಟೆಂಬರ್ 02) ಕ್ಯಾಂಪ್ಕೋ ಮಾರುಕಟ್ಟೆ ಮಾಹಿತಿ - ರಬ್ಬರ್ ಮಾರುಕಟ್ಟೆಯಲ್ಲಿ ದಿಢೀರ್ ಕುಸಿತ ; ಅಡಿಕೆ, ಕಾಳುಮೆಣಸು ಹಾಗೂ ಕೊಬ್ಬರಿ ಧಾರಣೆಯಲ್ಲಿ ಯಥಾಸ್ಥಿತಿ..! - ಅಡಿಕೆ, ಕಾಳುಮೆಣಸು, ರಬ್ಬರ್, ಕೊಕ್ಕೋ ಹಾಗೂ ಕೊಬ್ಬರಿ ಬೆಳೆಗಳ ಇಂದಿನ ಮಾರುಕಟ್ಟೆ ಧಾರಣೆಯನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ

ಮಾಹಿತಿ ಸಂಗ್ರಹ ಮತ್ತು ವರದಿ : ಉಲ್ಲಾಸ್ ಕಜ್ಜೋಡಿ (ವರದಿಗಾರರು, ಅಮರ ಸುಳ್ಯ ಸುದ್ದಿ ವಾರಪತ್ರಿಕೆ)

ದಿನಾಂಕ : 02 ಸೆಪ್ಟೆಂಬರ್ 2026
ವಾರ : ಬುಧವಾರ
ಮಾಹಿತಿ ಕೃಪೆ : ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)

ಸುಳ್ಯ ತಾಲೂಕಿನ ಕೃಷಿಕರಿಗೆ ಸಹಾಯಕವಾಗಲಿ ಎನ್ನುವ ಸದುದ್ದೇಶದಿಂದ ಪ್ರಮುಖ ಕೃಷಿ ಉತ್ಪನ್ನಗಳ ಇಂದಿನ(ಸೆಪ್ಟೆಂಬರ್ 02) ಮಾರುಕಟ್ಟೆ ಧಾರಣೆಯನ್ನು ಇಲ್ಲಿ ನೀಡಲಾಗಿದ್ದು, ಈ ಮಾಹಿತಿಯನ್ನು “ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)” ಇವರಿಂದ ಪಡೆದುಕೊಳ್ಳಲಾಗಿದೆ.

ಅಡಿಕೆ ಧಾರಣೆ
ಹೊಸ ಅಡಿಕೆ : 400 ರಿಂದ 475
ಹಳೆ ಅಡಿಕೆ : 390 ರಿಂದ 550
ಡಬಲ್ ಚೋಲ್ : 390 ರಿಂದ 550
ಫಟೋರಾ : 320 ರಿಂದ 365
ಉಳ್ಳಿ : 245 ರಿಂದ 250
ಕರಿಗೋಟು : 225 ರಿಂದ 255
ಕ್ಯಾಂಪ್ಕೋ ಸಂಸ್ಥೆಯ ಇಂದಿನ(ಸೆಪ್ಟೆಂಬರ್ 02) ಅಡಿಕೆ ಮಾರುಕಟ್ಟೆ ಧಾರಣೆ ನಿನ್ನೆಗೆ(ಸೆಪ್ಟೆಂಬರ್ 01) ಹೋಲಿಸಿದರೆ ಇಂದಿನ ಮಾರುಕಟ್ಟೆಯಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ. ಪ್ರಮುಖ ತಳಿಗಳಾದ ಹೊಸ ಅಡಿಕೆ, ಹಳೆ ಅಡಿಕೆ, ಡಬಲ್ ಚೋಲ್ ಹಾಗೂ ಉಪ ಉತ್ಪನ್ನಗಳಾದ ಫಟೋರಾ, ಉಳ್ಳಿ ಮತ್ತು ಕರಿಗೋಟು ದರಗಳು ಯಥಾಸ್ಥಿತಿಯಲ್ಲಿ ಸ್ಥಿರವಾಗಿ ಮುಂದುವರಿದಿವೆ.
ಸ್ಥಿರತೆಯಲ್ಲಿ ಪ್ರಮುಖ ತಳಿಗಳು : ಹೊಸ ಅಡಿಕೆ ಪ್ರತಿ ಕೆಜಿಗೆ ಗರಿಷ್ಠ ₹475 ರಂತೆ ಹಾಗೂ ಹಳೆ ಅಡಿಕೆ ಮತ್ತು ಡಬಲ್ ಚೋಲ್ ವಿಭಾಗಗಳು ಗರಿಷ್ಠ ₹550 ರ ಬಲಿಷ್ಠ ಮಟ್ಟದಲ್ಲೇ ಮುಂದುವರಿದಿವೆ.
ಉಪ ಉತ್ಪನ್ನಗಳ ದರ ಸ್ಥಿರ : ನಿನ್ನೆ ಇಳಿಕೆ ಕಂಡಿದ್ದ ಉಳ್ಳಿ ಧಾರಣೆ ಇಂದೂ ಗರಿಷ್ಠ ₹250 ರಲ್ಲೇ ಸ್ಥಿರವಾಗಿದೆ. ಫಟೋರಾ(₹365) ಮತ್ತು ಕರಿಗೋಟು(₹255) ದರಗಳಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ.
(ಅಡಿಕೆಯ ಗಾತ್ರ ಮತ್ತು ಗುಣಮಟ್ಟದ ಆಧಾರದಲ್ಲಿ ದರವನ್ನು ನಿಗದಿಪಡಿಸಲಾಗುವುದು)

ಇತರ ಪ್ರಮುಖ ಕೃಷಿ ಉತ್ಪನ್ನಗಳ ಧಾರಣೆ
ಕಾಳುಮೆಣಸು : 595 ರಿಂದ 690
ಹಸಿ ಕೊಕ್ಕೋ : 70 ರಿಂದ 100
ಒಣ ಕೊಕ್ಕೋ : 290 ರಿಂದ 320
ಕೊಬ್ಬರಿ : 135 ರಿಂದ 165
ಕ್ಯಾಂಪ್ಕೋ ಸಂಸ್ಥೆಯ ಇಂದಿನ(ಸೆಪ್ಟೆಂಬರ್ 02) ಕೃಷಿ ಉತ್ಪನ್ನಗಳ ಮಾರುಕಟ್ಟೆ ಧಾರಣೆ ನಿನ್ನೆಗೆ(ಸೆಪ್ಟೆಂಬರ್ 01) ಹೋಲಿಸಿದರೆ ಇಂದಿನ ಮಾರುಕಟ್ಟೆಯಲ್ಲಿ ಯಾವುದೇ ಬದಲಾವಣೆಯಿಲ್ಲದೆ, ಕಾಳುಮೆಣಸು, ಕೊಬ್ಬರಿ ಹಾಗೂ ಕೊಕ್ಕೋ ಸೇರಿದಂತೆ ಎಲ್ಲಾ ಪ್ರಮುಖ ಉತ್ಪನ್ನಗಳ ದರಗಳು ನಿನ್ನೆಯ ಬಲಿಷ್ಠ ಮಟ್ಟದಲ್ಲೇ ಸ್ಥಿರತೆಯನ್ನು ಕಾಯ್ದುಕೊಂಡಿವೆ.
₹165 ರಲ್ಲೇ ಕೊಬ್ಬರಿ ಸ್ಥಿರ : ಕೊಬ್ಬರಿ ಧಾರಣೆಯು ಪ್ರತಿ ಕೆಜಿಗೆ ₹135 ರಿಂದ ₹165 ರ ಬಲಿಷ್ಠ ಮಟ್ಟದಲ್ಲೇ ವಹಿವಾಟು ನಡೆಸುತ್ತಿದೆ.
₹690 ರ ಬಲಿಷ್ಠ ಮಟ್ಟದಲ್ಲಿ ಕಾಳುಮೆಣಸು : ಕಾಳುಮೆಣಸು ತನ್ನ ಸ್ಥಿರತೆಯನ್ನು ಮುಂದುವರಿಸಿದ್ದು, ಪ್ರತಿ ಕೆಜಿಗೆ ಗರಿಷ್ಠ ₹690 ರಂತೆ ಮಾರಾಟವಾಗುತ್ತಿದೆ.
ಕೊಕ್ಕೋ ದರ ಯಥಾಸ್ಥಿತಿ : ಹಸಿ ಕೊಕ್ಕೋ ಗರಿಷ್ಠ ₹100 ಹಾಗೂ ಒಣ ಕೊಕ್ಕೋ ಗರಿಷ್ಠ ₹320 ರ ನಿನ್ನೆಯ ದರದಲ್ಲೇ ಯಾವುದೇ ಬದಲಾವಣೆಯಿಲ್ಲದೆ ಕಾಯ್ದುಕೊಂಡಿದೆ.
(ಕಾಳುಮೆಣಸಿನ ತೇವಾಂಶ ಮತ್ತು ಲೀಟರ್ ತೂಕದ ಆಧಾರದಲ್ಲಿ ದರದಲ್ಲಿ ವ್ಯತ್ಯಾಸವಾಗುವುದು)
(ಮಿಲ್ಲಿಂಗ್ ಕ್ವಾಲಿಟಿ ಕೊಬ್ಬರಿಯನ್ನು ಮಾತ್ರ ಖರೀದಿ ಮಾಡಲಾಗುವುದು)

ರಬ್ಬರ್ ಧಾರಣೆ
ಗ್ರೇಡ್ : 271
ಲಾಟ್ : 253
ಸ್ಕ್ರ್ಯಾಪ್ ಪ್ರಥಮ ದರ್ಜೆ : 168
ಸ್ಕ್ರ್ಯಾಪ್ ದ್ವಿತೀಯ ದರ್ಜೆ : 158
ಕ್ಯಾಂಪ್ಕೋ ಸಂಸ್ಥೆಯ ಇಂದಿನ(ಸೆಪ್ಟೆಂಬರ್ 02) ರಬ್ಬರ್ ಮಾರುಕಟ್ಟೆ ಧಾರಣೆ ನಿನ್ನೆಗೆ(ಸೆಪ್ಟೆಂಬರ್ 01) ಹೋಲಿಸಿದರೆ ಇಂದಿನ ರಬ್ಬರ್ ಮಾರುಕಟ್ಟೆಯಲ್ಲಿ ಹಿನ್ನಡೆ ಕಂಡುಬಂದಿದ್ದು, ಗ್ರೇಡ್, ಲಾಟ್ ಹಾಗೂ ಸ್ಕ್ರ್ಯಾಪ್ ಸೇರಿದಂತೆ ಎಲ್ಲಾ ಶ್ರೇಣಿಯ ರಬ್ಬರ್ ಧಾರಣೆಯಲ್ಲೂ ಇಳಿಕೆಯಾಗಿದೆ.
₹3 ಇಳಿದ ಗ್ರೇಡ್ ರಬ್ಬರ್ : ನಿನ್ನೆ ₹274 ರಲ್ಲಿದ್ದ ಗ್ರೇಡ್ ರಬ್ಬರ್ ಧಾರಣೆಯು ಪ್ರತಿ ಕೆಜಿಗೆ ₹3 ರಷ್ಟು ಕಡಿಮೆಯಾಗಿ ₹271.00 ಕ್ಕೆ ತಲುಪಿದೆ.
ಲಾಟ್ ರಬ್ಬರ್ ₹253 ಕ್ಕೆ ಕುಸಿತ : ಲಾಟ್ ರಬ್ಬರ್ ದರದಲ್ಲಿ ಪ್ರತಿ ಕೆಜಿಗೆ ₹1 ಇಳಿಕೆಯಾಗಿದ್ದು, ₹253.00 ರಂತೆ ವಹಿವಾಟು ನಡೆಸುತ್ತಿದೆ.
ಸ್ಕ್ರ್ಯಾಪ್ ರಬ್ಬರ್ ದರವೂ ಇಳಿಕೆ : ಸ್ಕ್ರ್ಯಾಪ್ ಪ್ರಥಮ ದರ್ಜೆ(₹168) ಹಾಗೂ ದ್ವಿತೀಯ ದರ್ಜೆ(₹158) ಬೆಲೆಯಲ್ಲಿಯೂ ತಲಾ ₹1 ರಷ್ಟು ಕುಸಿತ ಕಂಡುಬಂದಿದೆ.

ಕೃಷಿಕರ ಗಮನಕ್ಕೆ : ಈ ಮೇಲಿನ ಮಾರುಕಟ್ಟೆ ಧಾರಣೆಯು ಇಂದಿನ ಮಾರುಕಟ್ಟೆ ಸ್ಥಿತಿ-ಗತಿಯನ್ನು ಆಧರಿಸಿದ್ದು, ಉತ್ಪನ್ನಗಳ ಗುಣಮಟ್ಟ, ತೇವಾಂಶ ಹಾಗೂ ಮಾರುಕಟ್ಟೆ ಅವಕಕ್ಕೆ ಅನುಗುಣವಾಗಿ ವಿವಿಧ ಸಹಕಾರಿ ಸಂಸ್ಥೆಗಳಲ್ಲಿ ಹಾಗೂ ಖಾಸಗಿ ಮಂಡಿಗಳಲ್ಲಿ ದರಗಳು ಅಲ್ಪಮಟ್ಟಿಗೆ ವ್ಯತ್ಯಾಸವಿರಬಹುದು. ನಿಖರ ಮಾಹಿತಿಗಾಗಿ ಕೃಷಿಕರು ತಮ್ಮ ಸಮೀಪದ ಕ್ಯಾಂಪ್ಕೋ ಶಾಖೆ, ಮಾರುಕಟ್ಟೆ ಕೇಂದ್ರ ಅಥವಾ ಪರಿಚಿತ ವರ್ತಕರನ್ನು ಸಂಪರ್ಕಿಸಬಹುದಾಗಿದೆ.