ಮೈಸೂರು : ದ.ಕ.ಜಿಲ್ಲಾ ಗೌಡ ಸಂಘದ ವತಿಯಿಂದ ದೀಪಾವಳಿ ಆಚರಣೆ

ದಕ್ಷಿಣ ಕನ್ನಡ ಜಿಲ್ಲಾ ಗೌಡ ಸಂಘ ಇದರ ವತಿಯಿಂದ ಮೈಸೂರಿನಲ್ಲಿ ಸಾಂಕೇತಿಕ ದೀಪಾವಳಿ ಆಚರಣೆ ನಡೆಯಿತು. ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಘದ ಅಧ್ಯಕ್ಷರಾದ ವಿಶ್ವನಾಥ್ ದೇವಶ್ಯ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ವಿಶ್ರಾಂತ ಕುಲಪತಿಗಳಾದ ಚಿದಾನಂದ ಕೊಳಂಬೆ ಹಾಗೂ ಉತ್ತರ ಕನ್ನಡ ಜಿಲ್ಲಾ ಸಾಂಸ್ಕೃತಿಕ ಸಂಘ (ರಿ) ಇದರ ಕಾರ್ಯದರ್ಶಿಯಾದ ತೇಜಸ್ವಿ ನಾಯಕ್ ವಹಿಸಿದ್ದರು. ಸಂಘದ ಕಾರ್ಯದರ್ಶಿಯಾದ ಚಿನ್ನಪ್ಪ ಕೊಲ್ಲಮೊಗ್ರ ಇವರು ಸಂಘ ಬೆಳೆದು ಬಂದ ಹಾದಿಯ ಬಗ್ಗೆ ವಿವರಿಸಿದರು. ಸಂಘದ ಖಜಾಂಜಿಯಾದ ರಾಘವ ಕಡಪಳ ಸ್ವಾಗತಿಸಿದರು. ¸ ಸಂಘದ ನಿರ್ದೇಶಕರಾದ ಆನಂದ ಪರಾರಿರವರು ಧನ್ಯವಾದ ಸಮರ್ಪಿಸಿದರು. ಚಿದಾನಂದ ಪೊಸಹಳ್ಳಿ ರವರು ನಿರೂಪಿಸಿದರು. ಚಿನ್ನಪ್ಪ ಬಿಡಾರ ಇವರು ಬಲಿಯೇಂದ್ರದ ಸಂಪೂರ್ಣ ಅಲಂಕಾರ ಹಾಗೂ ಬಲಿಯಂದ್ರ ಸಂಧಿಯ ಮೂಲಕ ಪೂಜೆ ಕಾರ್ಯವನ್ನು ನೆರವೇರಿಸಿದರು. ಸಂಘದ ಸದಸ್ಯರ ಪ್ರತಿಭಾನ್ವಿತ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರವನ್ನು ನೀಡಲಾಯಿತು. ಕಾರ್ಯಕ್ರಮದ ನಂತರ ಕರಾವಳಿ ಶೈಲಿಯ ಮಾಂಸಾಹಾರ ಹಾಗೂ ಸಸ್ಯಹಾರಿ ಊಟದ ವ್ಯವಸ್ಥೆ ಮಾಡಲಾಗಿತ್ತು.

. . . . . . .