ಎಣ್ಣೆಮಜಲು ಶಾಲೆಯಲ್ಲಿ ಶೈಕ್ಷಣಿಕ ಶಿಬಿರ ಹಾಗೂ ಯೋಗ ಕಾರ್ಯಕ್ರಮ

ಎಣ್ಣೆಮಜಲು ಕಿ.ಪ್ರಾ.ಶಾಲೆ ಹಾಗೂ ಸಿ ಸಿ ಆರ್ ಟಿ ಗ್ರೂಪ್ ಸಹಯೋಗದೊಂದಿಗೆ ಶೈಕ್ಷಣಿಕ ಶಿಬಿರ ಹಾಗೂ ಯೋಗ ಕಾರ್ಯಕ್ರಮ ಮಾ.6ರಂದು ಉದ್ಘಾಟನೆಗೊಂಡಿತು. ಉದ್ಘಾಟನೆಯನ್ನು ಎಸ್ ಡಿ ಎಂ ಸಿ ಅಧ್ಯಕ್ಷ ಚಂದ್ರಶೇಖರ ಪಟೋಳಿ ನೆರವೇರಿಸಿದರು. ಅಧ್ಯಕ್ಷತೆಯನ್ನು ಗ್ರಾ.ಪಂ.ಅಧ್ಯಕ್ಷೆ ಕುಸುಮಾ ರೈ ವಹಿಸಿದ್ದರು. ಸಿ ಸಿ ಆರ್ ಟಿ ಗ್ರೂಪ್ ಅಧ್ಯಕ್ಷ ಚಿನ್ನಪ್ಪ ಗೌಡ ಕಾರ್ಯಕ್ರಮದ ಉದ್ದೇಶ ವಿವರಿಸಿದರು. ವೇದ ಗಣಿತದ ಬಗ್ಗೆ ಸುಳ್ಯ ಬಿ ಆರ್ ಪಿ ಯ ಹರಪ್ರಸಾದ್, ಕ್ರಾಪ್ಟ್ ಬಗ್ಗೆ ಕೋಲ್ಚಾರ್ ಶಾಲಾ ಶಿಕ್ಷಕಿ ಜಲಜಾಕ್ಷಿ, ವರ್ಲಿ ಆರ್ಟ್ ಬಗ್ಗೆ ಎಣ್ಮೂರು ಹೈಸ್ಕೂಲ್ ನ ಶಿಕ್ಷಕ ಮೋಹನ್, ಗಾಂಧಿನಗರ ಕೆ ಪಿ ಎಸ್ ಶಾಲೆಯ ಚಿನ್ನಪ್ಪ ಗೌಡ ವಿವಿಧ ಭಾಷೆಯ ದೇಶಭಕ್ತಿ ಗೀತೆ ,ಯೋಗ ಶಿಕ್ಷಕ ಶರತ್ ಮರ್ಗಿಲಡ್ಕ ಯೋಗ ತರಬೇತಿ ನಡೆಸಿಕೊಟ್ಟರು. ಸಂಜೆ ಲಿಂಗಪ್ಪ ಬೆಳ್ಳಾರೆ ಮತ್ತು ತಂಡದಿಂದ ಕಂಸವಧೆ ಅರೆಭಾಷೆ ಯಕ್ಷಗಾನ ತಾಳಮದ್ದಳೆ ನಡೆಯಿತು.

. . . . . . .