ಇಂದಿನ(ಜೂನ್ 17) ಕ್ಯಾಂಪ್ಕೋ ಮಾರುಕಟ್ಟೆ ಮಾಹಿತಿ - ಸತತವಾಗಿ ಏರಿಕೆಯತ್ತ ಮುನ್ನುಗ್ಗುತ್ತಿರುವ ರಬ್ಬರ್ ಧಾರಣೆ ; ಕಾಳುಮೆಣಸು, ಕೊಬ್ಬರಿ ಬೆಲೆಯಲ್ಲಿ ಮತ್ತಷ್ಟು ಕುಸಿತ - ಅಡಿಕೆ, ಕಾಳುಮೆಣಸು, ರಬ್ಬರ್, ಕೊಕ್ಕೋ ಹಾಗೂ ಕೊಬ್ಬರಿ ಬೆಳೆಗಳ ಇಂದಿನ ಮಾರುಕಟ್ಟೆ ಧಾರಣೆಯನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ

ದಿನಾಂಕ : 17 ಜೂನ್ 2026
ವಾರ : ಬುಧವಾರ
ಮಾಹಿತಿ ಕೃಪೆ : ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)

ಸುಳ್ಯ ತಾಲೂಕಿನ ಕೃಷಿಕರಿಗೆ ಸಹಾಯಕವಾಗಲಿ ಎನ್ನುವ ಸದುದ್ದೇಶದಿಂದ ಪ್ರಮುಖ ಕೃಷಿ ಉತ್ಪನ್ನಗಳ ಇಂದಿನ(ಜೂನ್ 17) ಮಾರುಕಟ್ಟೆ ಧಾರಣೆಯನ್ನು ಇಲ್ಲಿ ನೀಡಲಾಗಿದ್ದು, ಈ ಮಾಹಿತಿಯನ್ನು “ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)” ಇವರಿಂದ ಪಡೆದುಕೊಳ್ಳಲಾಗಿದೆ.

ಅಡಿಕೆ ಧಾರಣೆ
ಹೊಸ ಅಡಿಕೆ : 390 ರಿಂದ 470
ಹಳೆ ಅಡಿಕೆ : 390 ರಿಂದ 550
ಡಬಲ್ ಚೋಲ್ : 390 ರಿಂದ 550
ಫಟೋರಾ : 335 ರಿಂದ 382
ಉಳ್ಳಿಗಡ್ಡೆ : 265 ರಿಂದ 285
ಕರಿಗೋಟು : 245 ರಿಂದ 275
(ಅಡಿಕೆಯ ಗಾತ್ರ ಮತ್ತು ಗುಣಮಟ್ಟದ ಆಧಾರದಲ್ಲಿ ದರವನ್ನು ನಿಗದಿಪಡಿಸಲಾಗುವುದು)
ಕ್ಯಾಂಪ್ಕೋ ಅಡಿಕೆ ಮಾರುಕಟ್ಟೆಯಲ್ಲಿ ಇಂದು(ಜೂನ್ 17) ಸಂಪೂರ್ಣ ಸ್ಥಿರತೆ ಕಂಡುಬಂದಿದೆ. ನಿನ್ನೆಯ(ಜೂನ್ 16) ದರಕ್ಕೆ ಹೋಲಿಸಿದರೆ ಇಂದು ಹೊಸ ಅಡಿಕೆ, ಹಳೆ ಅಡಿಕೆ ಸೇರಿದಂತೆ ಎಲ್ಲಾ ಉಪ ಉತ್ಪನ್ನಗಳ ಬೆಲೆಯಲ್ಲಿ ಯಾವುದೇ ರೀತಿಯ ಏರಿಳಿತಗಳು ಸಂಭವಿಸದೆ ವಹಿವಾಟು ಯಥಾಸ್ಥಿತಿ ಮುಂದುವರಿದಿದೆ.
ಮುಖ್ಯ ಅಡಿಕೆ ವಿಭಾಗಗಳು ಭದ್ರ : ಹೊಸ ಅಡಿಕೆ ಗರಿಷ್ಠ ₹470 ಹಾಗೂ ಹಳೆ ಅಡಿಕೆ ಮತ್ತು ಡಬಲ್ ಚೋಲ್ ಧಾರಣೆಗಳು ಪ್ರತಿ ಕೆಜಿಗೆ ಗರಿಷ್ಠ ₹550 ರ ಉತ್ತಮ ದರದಲ್ಲೇ ಮುಂದುವರಿದು ಮಾರುಕಟ್ಟೆಯಲ್ಲಿ ದೃಢತೆ ಪ್ರದರ್ಶಿಸಿವೆ.
ಉಪ ಉತ್ಪನ್ನಗಳಲ್ಲೂ ಯಥಾಸ್ಥಿತಿ : ನಿನ್ನೆ ₹2 ರಷ್ಟು ಚೇತರಿಕೆ ಕಂಡಿದ್ದ ಫಟೋರಾ ಇಂದು ಯಾವುದೇ ಬದಲಾವಣೆ ಕಾಣದೆ ಗರಿಷ್ಠ ₹382 ರಲ್ಲೇ ಸ್ಥಿರವಾಗಿದೆ. ಉಳಿದಂತೆ ಉಳ್ಳಿಗಡ್ಡೆ(ಗರಿಷ್ಠ ₹285) ಹಾಗೂ ಕರಿಗೋಟು(ಗರಿಷ್ಠ ₹275) ವಿಭಾಗಗಳಲ್ಲಿ ಮಾರುಕಟ್ಟೆ ಸಂಪೂರ್ಣ ಶಾಂತವಾಗಿದೆ.

ಇತರ ಪ್ರಮುಖ ಕೃಷಿ ಉತ್ಪನ್ನಗಳ ಧಾರಣೆ
ಕಾಳುಮೆಣಸು : 575 ರಿಂದ 665
ಹಸಿ ಕೊಕ್ಕೋ : 70 ರಿಂದ 100
ಒಣ ಕೊಕ್ಕೋ : 290 ರಿಂದ 320
ಕೊಬ್ಬರಿ : 120 ರಿಂದ 140
(ಕಾಳುಮೆಣಸಿನ ತೇವಾಂಶ ಮತ್ತು ಲೀಟರ್ ತೂಕದ ಆಧಾರದಲ್ಲಿ ದರದಲ್ಲಿ ವ್ಯತ್ಯಾಸವಾಗುವುದು)
(ಮಿಲ್ಲಿಂಗ್ ಕ್ವಾಲಿಟಿ ಕೊಬ್ಬರಿಯನ್ನು ಮಾತ್ರ ಖರೀದಿ ಮಾಡಲಾಗುವುದು)
ಕ್ಯಾಂಪ್ಕೋ ಕೃಷಿ ಮಾರುಕಟ್ಟೆಯಲ್ಲಿ ಇಂದು(ಜೂನ್ 17) ಕೃಷಿಕರಿಗೆ ಕೊಂಚ ನಿರಾಶೆಯ ಸುದ್ದಿ ಸಿಕ್ಕಿದೆ. ನಿನ್ನೆಯ(ಜೂನ್ 16) ದರಕ್ಕೆ ಹೋಲಿಸಿದರೆ ಇಂದು ಕಾಳುಮೆಣಸು ಮತ್ತು ಕೊಬ್ಬರಿ ಬೆಲೆಯಲ್ಲಿ ಇಳಿಮುಖ ಕಂಡುಬಂದಿದ್ದು, ಕೊಕ್ಕೋ ಧಾರಣೆಗಳು ಯಾವುದೇ ಬದಲಾವಣೆಯಿಲ್ಲದೆ ಯಥಾಸ್ಥಿತಿ ಮುಂದುವರಿದಿವೆ.
ಕಾಳುಮೆಣಸು ದರದಲ್ಲಿ ಸತತ ಇಳಿಕೆ : ನಿನ್ನೆ ಕೂಡ ₹5 ಇಳಿಕೆ ಕಂಡಿದ್ದ ಕಾಳುಮೆಣಸು ಇಂದು ಮತ್ತೊಮ್ಮೆ ಪ್ರತಿ ಕೆಜಿಗೆ ₹5 ರಷ್ಟು ಕುಸಿತ ಕಂಡಿದೆ. ಗರಿಷ್ಠ ದರ ₹670 ರಿಂದ ₹665 ಕ್ಕೆ ಹಾಗೂ ಕನಿಷ್ಠ ದರ ₹580 ರಿಂದ ₹575 ಕ್ಕೆ ಇಳಿಕೆಯಾಗಿದೆ.
ಕೊಬ್ಬರಿ ಕನಿಷ್ಠ ದರ ಕುಸಿತ : ಕೊಬ್ಬರಿಯ ಗರಿಷ್ಠ ದರ ₹140 ರಲ್ಲೇ ಮುಂದುವರಿದಿದ್ದರೂ, ಅದರ ಕನಿಷ್ಠ ದರದಲ್ಲಿ ಇಂದು ₹5 ಇಳಿಕೆಯಾಗಿದ್ದು, ₹120 ಕ್ಕೆ ಕುಸಿದಿದೆ.
ಭದ್ರವಾಗಿ ನಿಂತ ಕೊಕ್ಕೋ : ನಿನ್ನೆ ಇಳಿಮುಖ ಕಂಡಿದ್ದ ಕೊಕ್ಕೋ ಮಾರುಕಟ್ಟೆ ಇಂದು ಸ್ಥಿರವಾಗಿದೆ. ಹಸಿ ಕೊಕ್ಕೋ ಗರಿಷ್ಠ ₹100 ಹಾಗೂ ಒಣ ಕೊಕ್ಕೋ ಗರಿಷ್ಠ ₹320 ರ ಮಟ್ಟದಲ್ಲೇ ವ್ಯವಹಾರ ಮುಗಿಸಿವೆ.

ರಬ್ಬರ್ ಧಾರಣೆ
ಗ್ರೇಡ್ : 272
ಲಾಟ್ : 230
ಸ್ಕ್ರ್ಯಾಪ್ ಪ್ರಥಮ ದರ್ಜೆ : 157
ಸ್ಕ್ರ್ಯಾಪ್ ದ್ವಿತೀಯ ದರ್ಜೆ : 148
ಕ್ಯಾಂಪ್ಕೋ ರಬ್ಬರ್ ಮಾರುಕಟ್ಟೆಯಲ್ಲಿ ರಬ್ಬರ್ ಬೆಲೆಯು ಸತತವಾಗಿ ಏರಿಕೆಯ ಹಾದಿಯಲ್ಲಿ ಮುನ್ನುಗ್ಗುತ್ತಿದೆ. ನಿನ್ನೆಯ(ಜೂನ್ 16) ಭರ್ಜರಿ ಜಿಗಿತದ ಬೆನ್ನಲ್ಲೇ, ಇಂದು(ಜೂನ್ 17) ಕೂಡ ಎಲ್ಲಾ ವಿಭಾಗಗಳ ರಬ್ಬರ್ ಧಾರಣೆಯಲ್ಲಿ ತಲಾ 2 ರೂಪಾಯಿಗಳಷ್ಟು ಗಮನಾರ್ಹ ಹೆಚ್ಚಳ ದಾಖಲಾಗಿದ್ದು, ಬೆಳೆಗಾರರಲ್ಲಿ ಸಂತಸ ಇಮ್ಮಡಿಗೊಳಿಸಿದೆ.
ಗ್ರೇಡ್ ಮತ್ತು ಲಾಟ್‌ನಲ್ಲಿ ಮತ್ತೊಂದು ಜಿಗಿತ : ನಿನ್ನೆ ₹270 ತಲುಪಿದ್ದ ಗ್ರೇಡ್ ರಬ್ಬರ್ ಇಂದು ಮತ್ತೊಮ್ಮೆ ₹2 ಮುನ್ನಡೆ ಸಾಧಿಸಿ ಪ್ರತಿ ಕೆಜಿಗೆ ₹272 ರ ಅತ್ಯುತ್ತಮ ಮಟ್ಟಕ್ಕೆ ತಲುಪಿದೆ. ಇನ್ನು ಲಾಟ್ ರಬ್ಬರ್ ಕೂಡ ₹2 ಹೆಚ್ಚಳ ಕಂಡು ಪ್ರತಿ ಕೆಜಿಗೆ ₹230 ಕ್ಕೆ ಏರಿದೆ.
ಸ್ಕ್ರ್ಯಾಪ್ ವಿಭಾಗದಲ್ಲೂ ಭರ್ಜರಿ ಲಾಭ : ನಿನ್ನೆ ತಲಾ ₹1 ಏರಿಕೆ ಕಂಡಿದ್ದ ಸ್ಕ್ರ್ಯಾಪ್ ರಬ್ಬರ್ ಬೆಲೆಗಳು ಇಂದು ಬರೋಬ್ಬರಿ ₹2 ರಷ್ಟು ಜಿಗಿದಿವೆ. ಪ್ರಥಮ ದರ್ಜೆ ಸ್ಕ್ರ್ಯಾಪ್ ರಬ್ಬರ್ ₹157 ಕ್ಕೆ ತಲುಪಿದರೆ, ದ್ವಿತೀಯ ದರ್ಜೆ ಸ್ಕ್ರ್ಯಾಪ್ ರಬ್ಬರ್ ಪ್ರತಿ ಕೆಜಿಗೆ ₹148 ರ ದರದಲ್ಲಿ ವಹಿವಾಟು ಮುಗಿಸಿದೆ.

ಕೃಷಿಕರ ಗಮನಕ್ಕೆ : ಈ ಮೇಲಿನ ಮಾರುಕಟ್ಟೆ ಧಾರಣೆಯು ಇಂದಿನ ಮಾರುಕಟ್ಟೆ ಸ್ಥಿತಿ-ಗತಿಯನ್ನು ಆಧರಿಸಿದ್ದು, ಉತ್ಪನ್ನಗಳ ಗುಣಮಟ್ಟ, ತೇವಾಂಶ ಹಾಗೂ ಮಾರುಕಟ್ಟೆ ಅವಕಕ್ಕೆ ಅನುಗುಣವಾಗಿ ವಿವಿಧ ಸಹಕಾರಿ ಸಂಸ್ಥೆಗಳಲ್ಲಿ ಹಾಗೂ ಖಾಸಗಿ ಮಂಡಿಗಳಲ್ಲಿ ದರಗಳು ಅಲ್ಪಮಟ್ಟಿಗೆ ವ್ಯತ್ಯಾಸವಿರಬಹುದು. ನಿಖರ ಮಾಹಿತಿಗಾಗಿ ಕೃಷಿಕರು ತಮ್ಮ ಸಮೀಪದ ಕ್ಯಾಂಪ್ಕೋ ಶಾಖೆ, ಮಾರುಕಟ್ಟೆ ಕೇಂದ್ರ ಅಥವಾ ಪರಿಚಿತ ವರ್ತಕರನ್ನು ಸಂಪರ್ಕಿಸಬಹುದಾಗಿದೆ.

ಮಾಹಿತಿ ಸಂಗ್ರಹ ಮತ್ತು ವರದಿ : ಉಲ್ಲಾಸ್ ಕಜ್ಜೋಡಿ (ವರದಿಗಾರರು, ಅಮರ ಸುಳ್ಯ ಸುದ್ದಿ ವಾರಪತ್ರಿಕೆ)