ಕಂದ್ರಪ್ಪಾಡಿ ಶಾಲಾ ಶತಮಾನೋತ್ಸವ ಸಮಾರೋಪ- ಶಾಲೆಯಲ್ಲಿ ಸೇವೆ ಸಲ್ಲಿಸಿದ ಶಿಕ್ಷಕರುಗಳಿಗೆ ಸನ್ಮಾನ

ಕಂದ್ರಪ್ಪಾಡಿ ಸ.ಹಿ.ಪ್ರಾ. ಶಾಲಾ ಶತಮಾನೋತ್ಸವ ಕಾರ್ಯಕ್ರಮದ ಸಮಾರೋಪ ಸಮಾರಂಭ ಹಾಗೂ ಶಾಲೆಯಲ್ಲಿ ಸೇವೆ ಸಲ್ಲಿಸಿದ ಎಲ್ಲಾ ಶಿಕ್ಷಕರಿಗೆ ಸನ್ಮಾನ , ಸ್ಮರಣ ಸಂಚಿಕೆ ಬಿಡುಗಡೆ ನಡೆಯಿತು.

. . . . . . . . .

ಸ್ಮರಣ ಸಂಚಿಕೆ ಬಿಡುಗಡೆ ಮಾಡಿದ ಮಾಜಿ ಸಚಿವ ರಮಾನಾಥ ರೈ ಅವರು ಮಾತನಾಡಿ ಊರು ಹೇಗೆ ಉಂಟು ಎಂದು ನೋಡಬೇಕಾದರೇ ಶಾಲೆ ಹೇಗೆ ಇದೆ ಎಂದು ನೋಡಬೇಕು. ನಮ್ಮೂರ ಶಾಲೆಯನ್ನು ಬೆಳೆಸುವ ಜವಾಬ್ದಾರಿ ನಮ್ಮದು ಕೂಡ ಇದೆ. ಶಾಲೆಯ ಇತಿಹಾಸ ದಾಖಲೀಕರಣ ಮಾಡುತ್ತಿರುವುದು ಉತ್ತಮ ಕಾರ್ಯ ಎಂದರು.

ಮುಖ್ಯ ಅತಿಥಿಯಾಗಿ ಆಗಮಿಸಿದ ಮಾಜಿ ಸಚಿವ ಎಸ್.ಅಂಗಾರ ಮಾತನಾಡಿ ಪಡೆದ ವಿದ್ಯೆಯನ್ನು ಬಳಸುವ ಬಗ್ಗೆ ಹಿರಿಯರ ಮಾರ್ಗದರ್ಶನ ಅತ್ಯಗತ್ಯ ಆಗ ಮಾತ್ರ ಉತ್ತಮ ದಾರಿಯಲ್ಲಿ ಸಾಗಲು ಸಾಧ್ಯ. ಹಿರಿಯರಿಗೆ ಗೌರವ ಕೊಡುವುದನ್ನು ಮಕ್ಕಳಲ್ಲಿ ಬೆಳೆಸಬೇಕು ಎಂದರು.

ದಿಕ್ಸೂಚಿ ಬಾಷಣಕಾರರಾಗಿ ಆಗಮಿಸಿದ ವಿಶ್ರಾಂತ ಕುಲಪತಿಗಳಾದ ಡಾ. ಕೆ. ಚಿನ್ನಪ್ಪ ಗೌಡ ಮಾತನಾಡಿ
ಶಾಲೆಗಳು ಘನತೆಯ ಬದುಕನ್ನು ಕಟ್ಟಿ ಕೊಟ್ಟಿದೆ.‌ ಸರಕಾರಿ ಶಾಲೆಯ ಗುಣಮಟ್ಟ ಇನ್ನೂ ಉಳಿದುಕೊಂಡಿದೆ. ಶಾಲೆಗಳು ಜ್ಞಾನವನ್ನು ಹಂಚುವ ಕೆಲಸ ಮಾಡುತ್ತಿದೆ. ಜ್ಞಾನ ನಮಗೆ ಅಂತರಂಗದಲ್ಲಿ ಹುಟ್ಟಬೇಕು ಆ ಕೆಲಸ ಸರಕಾರಿ ಶಾಲೆಗಳಲ್ಲಿ ಆಗುತ್ತಿದೆ. ಶಿಕ್ಷಣ ಬಂದರೂ ಸಂಬಂಧಗಳು ಛಿದ್ರಗೊಳ್ಳುತ್ತಿರುವ ಬಗ್ಗೆ ಆಲೋಚಿಸಬೇಕಿದೆ. ಶಿಕ್ಷಣ ಆರೋಗ್ಯ ಎಲ್ಲರಿಗೂ ಸಮಾನವಾಗಿ ಸಿಗಬೇಕಾಗಿದೆ. ಶಿಕ್ಷಣ ಕಲ್ಪಿಸಿ ಸದುಪಯೋಗ ಮಾಡಲು ಸಲಹೆ ನೀಡಿದಾಗ ಉತ್ತಮ ವ್ಯಕ್ತಿಯಾಗಲು ಸಾಧ್ಯ ಎಂದರು.

ವಿಧಾನ ಪರಿಷತ್ ಸದಸ್ಯ ಹಾಗೂ ವಿಪಕ್ಷ ನಾಯಕ ಕೋಟ ಶ್ರೀನಿವಾಸ ಪೂಜಾರಿ ಮಾತನಾಡಿ ಮೆರಿಟ್ ನಲ್ಲಿ ಇರುವ ಶಿಕ್ಷಕರಿದ್ದರೇ ಅದು ಸರಕಾರಿ ಶಾಲೆಯಲ್ಲಿ ಮಾತ್ರ. ಶಿಕ್ಷಣ ಜಾಸ್ತಿ ಆದಂತೆಯೇ ನಾಗರಿಕ ಸಮಾಜದ ತಪ್ಪು ದಾರಿ ಹಿಡಿಯುವುದು ಕಡಿಮೆಯಾಗಿಲ್ಲ. ದೇಶಾಭಿಮಾನ ಮೂಡುವ ಶಿಕ್ಷಣ ನೀಡುವ ಅಗತ್ಯವಿದೆ
ಕಾರ್ಯಕ್ರಮದಲ್ಲಿ ಶಾಸಕಿ ಭಾಗೀರಥಿ ಮುರುಳ್ಯ, ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಮೋಹನ್ ರಾಮ್ ಸುಳ್ಳಿ, ದೇವಚಳ್ಳ ಗ್ರಾ.ಪಂ. ಸದಸ್ಯರಾದ ರಮೇಶ್ ಪಡ್ಪು, ಭವಾನಿಶಂಕರ ಮುಂಡೋಡಿ, ಕಾಳಿಕಾಪ್ರಸಾದ್ ಮುಂಡೋಡಿ, ದಾನಿ,ಉದ್ಯಮಿ ಉಮೇಶ್ ಮುಂಡೋಡಿ, ಶಾಲಾ ಶತಮಾನೋತ್ಸವ ಸಮಿತಿ ಅಧ್ಯಕ್ಷ ನಿತ್ಯಾನಂದ ಮುಂಡೋಡಿ, ಪ್ರ.ಕಾರ್ಯದರ್ಶಿ ಲಿಂಗಪ್ಪ ಗೌಡ ಚಿತ್ತಡ್ಕ, ಶಾಲಾ ಮುಖ್ಯ ಶಿಕ್ಷಕಿ ವಾಣಿ ಕೆ.ಎಸ್., ಎಸ್.ಡಿ.ಎಂ.ಸಿ. ಅಧ್ಯಕ್ಷ ಚಂದ್ರಶೇಖರ ಕಂದ್ರಪ್ಪಾಡಿ, ಸಮಿತಿಯ ಗೌರವಾಧ್ಯಕ್ಷ ಕುಶಾಲಪ್ಪ ಮಾಸ್ತರ್ ರುದ್ರಚಾಮುಂಡಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಶಾಲೆಯಲ್ಲಿ ಸೇವೆ ಸಲ್ಲಿಸಿದ ಶಿಕ್ಷಕರುಗಳಾದ ತೇಜಪ್ಪ ಸಂಪ್ಯಾಡಿ, ಜಯಕುಮಾರ್ ಡಿ.ಆರ್. , ವೀರಪ್ಪ ಗೌಡ ಎಂ., ಚಂದ್ರಕಲಾ ಕೆ.ಸಿ., ರಾಮಕ್ಕ ಡಿ., ಬೆಳ್ಯಪ್ಪ ಗೌಡ ಕೋಡ್ತುಗುಳಿ, ಲಲಿತಾ ಕುಮಾರಿ ಎಸ್., ಪ್ರಭಾಕರ ಟಿ., ಮಮತಾ ಎಂ.ಜೆ., ಶೇಷಮ್ಮ, ಸೀತಮ್ಮ ಕುಡೆಕಲ್ಲು ಆಶಾರಾಣಿ, ಅಜಯ ಕೆ.ಎಂ., ಮಾಧವ ಮೂಕಮಲೆ, ಜತ್ತಪ್ಪ ಮಾಸ್ತರ್ ಚಿಲ್ತಡ್ಕ, ವಾಣಿ ಕೆ.ಎಸ್., ಮನೋರಮ ಕೆ, ಪರಮೇಶ್ವರಿ ಉಬರಡ್ಕ, ಜೋಸೇಫ್ ಪಿರೇರಾ, ವೆಂಕಟ್ರಮಣ ಅಡ್ಡನಪಾರೆ, ಕುಶಾಲಪ್ಪ ರುದ್ರಚಾಮುಂಡಿ, ರೇಗಪ್ಪ ಬಿಳಿಮಲೆ ಇವರುಗಳನ್ನು ಸನ್ಮಾನಿಸಲಾಯಿತು. ‌ಸ್ಮರಣ ಸಂಚಿಕೆ “ಶತಯಾನ” ಬಗ್ಗೆ ಸಾಹಿತಿ ಎ.ಕೆ. ಹಿಮಕರ ಪ್ರಾಸ್ತಾವಿಕ ಮಾತುಗಳನ್ನಾಡಿದರು.
ವೇಣುಕುಮಾರ್ ಚಿತ್ತಡ್ಕ ಪ್ರಾರ್ಥಿಸಿದರು , ಹಿರಿಯ ವಿದ್ಯಾರ್ಥಿ ಸಂಘದ ರಾಕೇಶ್ ರಾಜ್ ಹಿರಿಯಡ್ಕ ಸ್ವಾಗತಿಸಿ, ನಿತ್ಯಾನಂದ ಮುಂಡೋಡಿ ವಂದಿಸಿದರು. ಸೋಮಶೇಖರ ನೇರಳ ಕಾರ್ಯಕ್ರಮ ನಿರೂಪಿಸಿದರು.