ಬಳ್ಪ ಗ್ರಾಮದ ಮತ್ತೊಂದು ಪ್ರತಿಭೆ -ಬಡತನದ ಜತೆ ಎಸ್ ಎಸ್ ಎಲ್ ಸಿ ಯಲ್ಲಿ 600 ಅಂಕ ಪಡೆದ ಆಶಿತಾ – ಗ್ರಾಮಸ್ಥರಿಂದ ಸನ್ಮಾನ

ಈ ವರ್ಷದ ಎಸ್ಸೆಸ್ಸೆಲ್ಸಿ ಫಲಿತಾಂಶ ದಲ್ಲಿ ಕಡಬ ತಾಲೂಕಿನ ವಿದ್ಯಾಬೋದಿನಿ ಪ್ರೌಢ ಶಾಲೆ ಬಾಳಿಲದ ವಿದ್ಯಾರ್ಥಿನಿ ಬಳ್ಪ ಗ್ರಾಮದ ವಿಷ್ಣುಮಂಗಿಲ ಹೊನ್ನಪ್ಪ ಗೌಡ ಮತ್ತು ವಾರಿಜಾ ದಂಪತಿಗಳ ಮಗಳಾದ ಕುಮಾರಿ “ಆಶಿತಾ” 625ರಲ್ಲಿ 600 ಅಂಕ ಪಡೆದು ಬಳ್ಪ ಗ್ರಾಮಕ್ಕೆ ಮತ್ತೊಂದು ಕೀರ್ತಿ ತಂದಿದ್ದಾಳೆ. ಒಂದು ಕಡೆ ತಾಯಿಯ ಅನಾರೋಗ್ಯ ಮತ್ತು ಕಡುಬಡತನದ ಮಧ್ಯೆಯೂ ಉತ್ತಮ ಸಾಧನೆ ಮಾಡಿದ ವಿದ್ಯಾರ್ಥಿನಿಯನ್ನು ಬಳ್ಪ ಗ್ರಾಮದ ವತಿಯಿಂದ ಅವಳ ಮನೆಗೆ ಹೋಗಿ ಅಭಿನಂದನೆ ಸಲ್ಲಿಸಲಾಯಿತು.

. . . . . . .

ಈ ಸಂದರ್ಭದಲ್ಲಿ ಪಂಜ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಅಧ್ಯಕ್ಷ ಸುಬ್ರಹ್ಮಣ್ಯ ಕುಳ, ಗ್ರಾ.ಪಂ.ಮಾಜಿ ಅಧ್ಯಕ್ಷ ಪ್ರಕಾಶ್ ಮೂಡ್ನೂರು, ಬಳ್ಪ ಗ್ರಾ.ಪಂ. ಮಾಜಿ ಸದಸ್ಯ ರಮಾನಂದ ಎಣ್ಣೆಮಜಲು, ಸುರೇಂದ್ರ ಎಣ್ಣೆಮಜಲು, ಸುರೇಶ್ ಆಲ್ಕಬೆ, ಸತೀಶ್ ಕೊರಪ್ಪಣೆ, ಶಶಿ ಪಾನ, ಸಚಿನ್ ಆಲ್ಕಬೆ, ಸಚಿನ್ ಎಣ್ಣೆಮಜಲ್, ಹೊನ್ನಪ್ಪ ಎಂರ್ಬಿಲ, ಹರ್ಷಿತ್ ಪಂಡಿ, ಗೋಪಾಲ ಕಲ್ಲೇರಿ, ಸುಜಿತ್ ಪಂಡಿ ಮತ್ತಿತರರು ಉಪಸ್ಥಿತರಿದ್ದರು.