ಜಯನಗರ 3ನೇ ವಾರ್ಡ್ ಕಾಂಗ್ರೆಸ್ ಬೂತ್ ಸಮಿತಿ ರಚನೆ

. . . . .

ಸುಳ್ಯ ನಗರ ಪಂಚಾಯತಿಗೊಳಪಟ್ಟ ಜಯನಗರ ಮೂರನೇ ವಾರ್ಡಿನ ಕಾಂಗ್ರೆಸ್ ಪಕ್ಷದ ವಾರ್ಡ್ ಸಮಿತಿ ಸಭೆಯು ನವಂಬರ್ 9 ರಂದು ಜಯನಗರ ಸುರೇಶ್ ಭಟ್ ರವರ ಮನೆಯಲ್ಲಿ ನಡೆಯಿತು. ಸಭೆಯ ಅಧ್ಯಕ್ಷತೆಯನ್ನು ಕಾಂಗ್ರೆಸ್ ಪಕ್ಷದ ಸುಳ್ಯ ನಗರ ಸಮಿತಿ ಅಧ್ಯಕ್ಷ ಶಶಿಧರ ಎಂ ಜೆ ರವರು ವಹಿಸಿದ್ದರು. ನಗರ ಪಂಚಾಯತ್ ಸ್ಥಳೀಯ ಸದಸ್ಯ ಪಕ್ಷದ ಹಿರಿಯರಾದ ಬಾಲಕೃಷ್ಣ ಭಟ್ ಕೊಡಂಕೇರಿ ಸಭೆಯ ನೇತೃತ್ವವನ್ನು ವಹಿಸಿದ್ದರು. ವೇದಿಕೆಯಲ್ಲಿ ಸುಳ್ಯ ತಾಲೂಕು ಸೇವಾದಳ ಸಮಿತಿ ಅಧ್ಯಕ್ಷರಾದ ಕೆ ಗೋಕುಲ್ ದಾಸ್, ಬ್ಲಾಕ್ ಸಮಿತಿ ಮಾಧ್ಯಮ ಸಂಯೋಜಕರಾದ ಭವಾನಿಶಂಕರ್ ಕಲ್ಮಡ್ಕ, ಸುರೇಶ್ ಭಟ್ ಕೊಡಕೆರಿ ಮೊದಲಾದವರು ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ನೂತನ ಸಮಿತಿಯನ್ನು ಆಯ್ಕೆ ಮಾಡಿ ಅಧ್ಯಕ್ಷರಾಗಿ ನವೀನ್ ಮಚಾದೋ ಜಯನಗರ, ಕಾರ್ಯದರ್ಶಿಯಾಗಿ ಸುಂದರ ಕುದ್ಪಾಜೆ, ಮಾಧ್ಯಮ ಸಂಯೋಜಕರಾಗಿ ವಸಂತ ಕುದ್ಪಾಜೆ, ಸದಸ್ಯರುಗಳಾಗಿ ಜಯರಾಮ ಕುದ್ಪಾಜೆ, ಗಣೇಶ್ ಕುದ್ಪಾಜೆ, ಭಾಸ್ಕರ ನಾರಜೆ, ನಿತಿನ್ ಕೊಯಿಂಗೋಡಿ, ಸುಳ್ಯ ತಾಲೂಕು ಸೇವಾದಳ ಸಮಿತಿಗೆ ನವೀನ್ ಮಚಾದೊ, ನಿತಿನ್ ಕೊಯಿಂಗೋಡಿ ಅವರನ್ನು ಆಯ್ಕೆ ಮಾಡಲಾಯಿತು. ಬಾಲಕೃಷ್ಣ ಭಟ್ ಕೊಡಂಕೇರಿ ಸ್ವಾಗತಿಸಿ ವಸಂತ ಕುದ್ಪಾಜೆ ವಂದಿಸಿದರು.