ಇಂದಿನ(ಜುಲೈ 24) ಕ್ಯಾಂಪ್ಕೋ ಮಾರುಕಟ್ಟೆ ಮಾಹಿತಿ - ರಬ್ಬರ್ ಮಾರುಕಟ್ಟೆಯಲ್ಲಿ ಭರ್ಜರಿ ಚೇತರಿಕೆ..! ; ಅಡಿಕೆಯ ಉಪ ಉತ್ಪನ್ನ ಹಾಗೂ ಕೊಬ್ಬರಿ ದರದಲ್ಲಿ ದಿಢೀರ್ ಕುಸಿತ..!! - ಅಡಿಕೆ, ಕಾಳುಮೆಣಸು, ರಬ್ಬರ್, ಕೊಕ್ಕೋ ಹಾಗೂ ಕೊಬ್ಬರಿ ಬೆಳೆಗಳ ಇಂದಿನ ಮಾರುಕಟ್ಟೆ ಧಾರಣೆಯನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ

ಮಾಹಿತಿ ಸಂಗ್ರಹ ಮತ್ತು ವರದಿ : ಉಲ್ಲಾಸ್ ಕಜ್ಜೋಡಿ (ವರದಿಗಾರರು, ಅಮರ ಸುಳ್ಯ ಸುದ್ದಿ ವಾರಪತ್ರಿಕೆ)

ದಿನಾಂಕ : 24 ಜುಲೈ 2026
ವಾರ : ಶುಕ್ರವಾರ
ಮಾಹಿತಿ ಕೃಪೆ : ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)

ಸುಳ್ಯ ತಾಲೂಕಿನ ಕೃಷಿಕರಿಗೆ ಸಹಾಯಕವಾಗಲಿ ಎನ್ನುವ ಸದುದ್ದೇಶದಿಂದ ಪ್ರಮುಖ ಕೃಷಿ ಉತ್ಪನ್ನಗಳ ಇಂದಿನ(ಜುಲೈ 24) ಮಾರುಕಟ್ಟೆ ಧಾರಣೆಯನ್ನು ಇಲ್ಲಿ ನೀಡಲಾಗಿದ್ದು, ಈ ಮಾಹಿತಿಯನ್ನು “ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)” ಇವರಿಂದ ಪಡೆದುಕೊಳ್ಳಲಾಗಿದೆ.

ಅಡಿಕೆ ಧಾರಣೆ
ಹೊಸ ಅಡಿಕೆ : 390 ರಿಂದ 475
ಹಳೆ ಅಡಿಕೆ : 390 ರಿಂದ 550
ಡಬಲ್ ಚೋಲ್ : 390 ರಿಂದ 550
ಫಟೋರಾ : 320 ರಿಂದ 370
ಉಳ್ಳಿಗಡ್ಡೆ : 250 ರಿಂದ 270
ಕರಿಗೋಟು : 225 ರಿಂದ 255
ಕ್ಯಾಂಪ್ಕೋ ಅಡಿಕೆ ಮಾರುಕಟ್ಟೆಯಲ್ಲಿ ಇಂದು(ಜುಲೈ 24) ಅಡಿಕೆಯ ಉಪ ಉತ್ಪನ್ನಗಳ ಬೆಲೆಯಲ್ಲಿ ಸತತ ಎರಡನೇ ದಿನವೂ ಇಳಿಕೆಯ ಹಾದಿ ಮುಂದುವರಿದಿದೆ. ಪ್ರಮುಖ ವಿಭಾಗಗಳಾದ ಹೊಸ ಅಡಿಕೆ ಮತ್ತು ಹಳೆ ಅಡಿಕೆ ಧಾರಣೆಗಳು ಬಲಿಷ್ಠ ಮಟ್ಟದಲ್ಲೇ ಭದ್ರವಾಗಿದ್ದರೂ, ಫಟೋರಾ, ಉಳ್ಳಿಗಡ್ಡೆ ಮತ್ತು ಕರಿಗೋಟು ಬೆಲೆಗಳು ನಿನ್ನೆಗೆ ಹೋಲಿಸಿದರೆ ಇಂದು ಗಣನೀಯವಾಗಿ ಕುಸಿದಿವೆ.
ಮುಖ್ಯ ವಿಭಾಗಗಳು ಎಂದಿನಂತೆ ಭದ್ರ : ಹೊಸ ಅಡಿಕೆಯ ಗರಿಷ್ಠ ಬೆಲೆ ಪ್ರತಿ ಕೆಜಿಗೆ ₹475 ಹಾಗೂ ಹಳೆ ಅಡಿಕೆ ಮತ್ತು ಡಬಲ್ ಚೋಲ್‌ನ ಗರಿಷ್ಠ ಬೆಲೆ ₹550 ರ ಮಟ್ಟದಲ್ಲೇ ಮುಂದುವರಿದು ಮಾರುಕಟ್ಟೆಗೆ ಆಸರೆಯಾಗಿವೆ.
ಉಪ ಉತ್ಪನ್ನಗಳ ಮಾರುಕಟ್ಟೆಯಲ್ಲಿ ಕುಸಿತ : ನಿನ್ನೆಗೆ ಹೋಲಿಸಿದರೆ ಇಂದು ಫಟೋರಾ ಬೆಲೆಯ ಕನಿಷ್ಠ ಮಟ್ಟದಲ್ಲಿ ₹15 ಹಾಗೂ ಗರಿಷ್ಠ ಮಟ್ಟದಲ್ಲಿ ₹5 ರಷ್ಟು ಇಳಿಕೆಯಾಗಿದೆ. ಉಳ್ಳಿಗಡ್ಡೆ ಕನಿಷ್ಠ ದರ ₹10 ಮತ್ತು ಗರಿಷ್ಠ ದರ ₹5 ರಷ್ಟು ಕುಸಿದಿದೆ. ಕರಿಗೋಟು ಗರಿಷ್ಠ ಮಟ್ಟದಲ್ಲಿ ಸ್ಥಿರವಾಗಿದ್ದರೂ, ಕನಿಷ್ಠ ದರದಲ್ಲಿ ₹10 ರಷ್ಟು ಕುಸಿತ ಕಂಡಿದೆ.
(ಅಡಿಕೆಯ ಗಾತ್ರ ಮತ್ತು ಗುಣಮಟ್ಟದ ಆಧಾರದಲ್ಲಿ ದರವನ್ನು ನಿಗದಿಪಡಿಸಲಾಗುವುದು)

ಇತರ ಪ್ರಮುಖ ಕೃಷಿ ಉತ್ಪನ್ನಗಳ ಧಾರಣೆ
ಕಾಳುಮೆಣಸು : 590 ರಿಂದ 685
ಹಸಿ ಕೊಕ್ಕೋ : 70 ರಿಂದ 100
ಒಣ ಕೊಕ್ಕೋ : 290 ರಿಂದ 320
ಕೊಬ್ಬರಿ : 130 ರಿಂದ 162
ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಇಂದು(ಜುಲೈ 24) ಕೊಬ್ಬರಿ ಬೆಲೆಯಲ್ಲಿ ಕೊಂಚ ಹಿನ್ನಡೆ ಕಂಡುಬಂದಿದೆ. ಕಳೆದ ಕೆಲವು ದಿನಗಳಿಂದ ಗರಿಷ್ಠ ಹಾಗೂ ಕನಿಷ್ಠ ಮಟ್ಟದಲ್ಲಿ ಭದ್ರವಾಗಿದ್ದ ಕೊಬ್ಬರಿ ದರವು, ಇಂದು ಕನಿಷ್ಠ ದರದಲ್ಲಿ ಕೆಜಿಗೆ 8 ರೂಪಾಯಿ ಕಳೆದುಕೊಂಡಿದೆ. ಆದರೆ, ಕಾಳುಮೆಣಸು ಮತ್ತು ಕೊಕ್ಕೋ ಮಾರುಕಟ್ಟೆಗಳು ಯಾವುದೇ ಬದಲಾವಣೆ ಇಲ್ಲದೆ ನಿನ್ನೆಯ ದರಗಳನ್ನೇ ಕಾಯ್ದುಕೊಂಡಿವೆ.
ಕೊಬ್ಬರಿ ಕನಿಷ್ಠ ದರ ಕುಸಿತ : ನಿನ್ನೆ ₹138 ರಷ್ಟಿದ್ದ ಕೊಬ್ಬರಿಯ ಕನಿಷ್ಠ ಧಾರಣೆ ಇಂದು ₹130 ಕ್ಕೆ ಇಳಿದಿದೆ. ಆದರೆ ಗರಿಷ್ಠ ದರ ₹162 ರ ಮಟ್ಟದಲ್ಲೇ ಮುಂದುವರಿದಿದೆ.
ಸ್ಥಿರತೆಯ ಹಾದಿಯಲ್ಲಿ ಮೆಣಸು : ಕಾಳುಮೆಣಸಿನ ದರವು ಪ್ರತಿ ಕೆಜಿಗೆ ಕನಿಷ್ಠ ₹590 ರಿಂದ ಗರಿಷ್ಠ ₹685 ರ ತನ್ನ ಬಲಿಷ್ಠ ಮಾರುಕಟ್ಟೆ ಬೆಲೆಯನ್ನು ಇಂದೂ ಅಬಾಧಿತವಾಗಿ ಕಾಯ್ದುಕೊಂಡಿದೆ.
ಬದಲಾಗದ ಕೊಕ್ಕೋ : ಹಸಿ ಕೊಕ್ಕೋ ಗರಿಷ್ಠ ₹100 ಹಾಗೂ ಒಣ ಕೊಕ್ಕೋ ಗರಿಷ್ಠ ₹320 ರ ಎಂದಿನ ಸ್ಥಿರ ದರದಲ್ಲೇ ಇಂದೂ ವಹಿವಾಟು ನಡೆಸುತ್ತಿವೆ.
(ಕಾಳುಮೆಣಸಿನ ತೇವಾಂಶ ಮತ್ತು ಲೀಟರ್ ತೂಕದ ಆಧಾರದಲ್ಲಿ ದರದಲ್ಲಿ ವ್ಯತ್ಯಾಸವಾಗುವುದು)
(ಮಿಲ್ಲಿಂಗ್ ಕ್ವಾಲಿಟಿ ಕೊಬ್ಬರಿಯನ್ನು ಮಾತ್ರ ಖರೀದಿ ಮಾಡಲಾಗುವುದು)

ರಬ್ಬರ್ ಧಾರಣೆ
ಗ್ರೇಡ್ : 278
ಲಾಟ್ : 243
ಸ್ಕ್ರ್ಯಾಪ್ ಪ್ರಥಮ ದರ್ಜೆ : 169
ಸ್ಕ್ರ್ಯಾಪ್ ದ್ವಿತೀಯ ದರ್ಜೆ : 159
ಕಳೆದ ಕೆಲವು ದಿನಗಳಿಂದ ಮಂದಗತಿಯಲ್ಲಿದ್ದ ಕ್ಯಾಂಪ್ಕೋ ರಬ್ಬರ್ ಮಾರುಕಟ್ಟೆಯು ಇಂದು(ಜುಲೈ 24) ಪುಟಿದೆದ್ದಿದೆ. ನಿನ್ನೆಯ(ಜುಲೈ 23) ದರಕ್ಕೆ ಹೋಲಿಸಿದರೆ ಇಂದು ಎಲ್ಲಾ ವಿಭಾಗಗಳ ರಬ್ಬರ್ ಬೆಲೆಯೂ ಸಕಾರಾತ್ಮಕ ಚಲನವಲನ ದಾಖಲಿಸುವ ಮೂಲಕ ಕೃಷಿಕರ ಮುಖದಲ್ಲಿ ಮಂದಹಾಸ ಮೂಡಿಸಿದೆ.
₹278 ಕ್ಕೆ ಏರಿದ ಗ್ರೇಡ್ ರಬ್ಬರ್ : ನಿನ್ನೆ ₹277 ರಷ್ಟಿದ್ದ ಗ್ರೇಡ್ ರಬ್ಬರ್ ಇಂದು 1 ರೂಪಾಯಿ ಏರಿಕೆ ಕಂಡು ಪ್ರತಿ ಕೆಜಿಗೆ ₹278 ಕ್ಕೆ ತಲುಪಿದೆ.
ಲಾಟ್ ರಬ್ಬರ್ ₹2 ಜಿಗಿತ : ರಬ್ಬರ್ ಮಾರುಕಟ್ಟೆಯಲ್ಲೇ ಇಂದು ಲಾಟ್ ರಬ್ಬರ್ ಗಮನಾರ್ಹ ಚೇತರಿಕೆ ಕಂಡಿದ್ದು, ಪ್ರತಿ ಕೆಜಿಗೆ ₹2 ಹೆಚ್ಚಳವಾಗಿ ₹243 ಕ್ಕೆ ತಲುಪಿದೆ.
ಸ್ಕ್ರ್ಯಾಪ್‌ನಲ್ಲೂ ಚೇತರಿಕೆ : ಸ್ಕ್ರ್ಯಾಪ್ ಪ್ರಥಮ ದರ್ಜೆ ₹169 ಹಾಗೂ ದ್ವಿತೀಯ ದರ್ಜೆ ₹159 ಕ್ಕೆ ಏರಿಕೆ ಕಂಡಿದೆ.

ಕೃಷಿಕರ ಗಮನಕ್ಕೆ : ಈ ಮೇಲಿನ ಮಾರುಕಟ್ಟೆ ಧಾರಣೆಯು ಇಂದಿನ ಮಾರುಕಟ್ಟೆ ಸ್ಥಿತಿ-ಗತಿಯನ್ನು ಆಧರಿಸಿದ್ದು, ಉತ್ಪನ್ನಗಳ ಗುಣಮಟ್ಟ, ತೇವಾಂಶ ಹಾಗೂ ಮಾರುಕಟ್ಟೆ ಅವಕಕ್ಕೆ ಅನುಗುಣವಾಗಿ ವಿವಿಧ ಸಹಕಾರಿ ಸಂಸ್ಥೆಗಳಲ್ಲಿ ಹಾಗೂ ಖಾಸಗಿ ಮಂಡಿಗಳಲ್ಲಿ ದರಗಳು ಅಲ್ಪಮಟ್ಟಿಗೆ ವ್ಯತ್ಯಾಸವಿರಬಹುದು. ನಿಖರ ಮಾಹಿತಿಗಾಗಿ ಕೃಷಿಕರು ತಮ್ಮ ಸಮೀಪದ ಕ್ಯಾಂಪ್ಕೋ ಶಾಖೆ, ಮಾರುಕಟ್ಟೆ ಕೇಂದ್ರ ಅಥವಾ ಪರಿಚಿತ ವರ್ತಕರನ್ನು ಸಂಪರ್ಕಿಸಬಹುದಾಗಿದೆ.