ಅಜ್ಜಾವರ ಹಾಲು ಸೊಸೈಟಿಗೆ ಚುನಾವಣೆ – ಸಹಕಾರ ಭಾರತಿ ಗೆಲುವು

ಅಜ್ಜಾವರ ಹಾಲು ಉತ್ಪಾದಕರ ಸಹಕಾರ ಸಂಘ ಇದರ ಮುಂದಿನ 5 ವರ್ಷದ ಆಡಳಿತ ಮಂಡಳಿಗೆ ಜೂ. 21ರಂದು ಚುನಾವಣೆ ನಡೆಯಿತು. ಸಂಘದ ಒಟ್ಟು 2 ಸ್ಥಾನಗಳಿಗೆ ಅವಿರೋಧ ಆಯ್ಕೆಯಾದರೇ ಉಳಿದ 9 ಸ್ಥಾನಗಳಿಗೆ ಚುನಾವಣೆ ನಡೆಯಿತು.‌ ಇದರಲ್ಲಿ ಸಹಕಾರ ಭಾರತೀಯ ಎಲ್ಲಾ ಅಭ್ಯರ್ಥಿಗಳು ಗೆಲುವು ಸಾಧಿಸಿದ್ದಾರೆ. ಹಿಂದುಳಿದ ವರ್ಗ ಎ. ಮೀಸಲು ಕ್ಷೇತ್ರದ 1 ನಿರ್ದೇಶಕ ಸ್ಥಾನಕ್ಕೆ ಗುರುರಾಜ್ ಅಜ್ಜಾವರ ಹಾಗೂ ಹಿಂದುಳಿದ ವರ್ಗ ಬಿ ಮೀಸಲು ಕ್ಷೇತ್ರದ 1 ನಿರ್ದೇಶಕ ಸ್ಥಾನಕ್ಕೆ ದಯಾನಂದ ಅಡ್ಪಂಗಾಯ ಮಾತ್ರ ನಾಮಪತ್ರ ಸಲ್ಲಿಸಿರುವುದರಿಂದ ಅವರಿಬ್ಬರೂ ಅವಿರೋಧವಾಗಿ ಆಯ್ಕೆಯಾಗಿದ್ದರು.

. . . . . . . . .

7 ಸಾಮಾನ್ಯ ಮೀಸಲು ನಿರ್ದೇಶಕ ಸ್ಥಾನಕ್ಕೆ 13 ಮಂದಿ ನಾಮಪತ್ರ ಸಲ್ಲಿಸಿದ್ದು ಚುನಾವಣೆಯಲ್ಲಿ ಬಾಲಕೃಷ್ಣ ಮುಡೂರು, ಲವಕುಮಾ‌ರ್ ಅಡ್ಪಂಗಾಯ, ರೇಖಾ ಜಯರಾಮ ಗುರುವಮೊಟ್ಟೆ,  ಪರಮೇಶ್ವರ ನಾರಾಲು, ನಾರಾಯಣ ಬಂಟ್ರಬೈಲು,  ರಾಜ್ ಕುಮಾರ್ ಅತ್ಯಾಡಿ, ಕೆ. ಕೇಶವ, ಮಹಿಳಾ ಮೀಸಲು 2 ನಿರ್ದೇಶಕ ಸ್ಥಾನದಿಂದ ಧನ್ಯ, ನಳಿನಾಕ್ಷಿ  ಗೆಲುವು ಸಾಧಿಸಿದ್ದಾರೆ.

. . . . . . .

ರಾಹುಲ್ ಅಡ್ಪಂಗಾಯ, ಬಾಲಚಂದ್ರ ಮುಡೂರು, ಜನಾರ್ದನ ನಾರಾಲು,  ಸುಲೋಚನಾ ರವೀಶ್ ಮಾವಿನಪಳ್ಳ, ಯತಿರಾಜ ಅಡ್ಪಂಗಾಯ,  ಶ್ವೇತಾ ಪುರುಷೋತ್ತಮ ಶಿರಾಜೆ ಪರಾಭವಗೊಂಡಿದ್ದಾರೆ.