ಸುಳ್ಯ: ಮಹಿಳೆಯ ಮೊಬೈಲ್ ಫೋನ್ ಎಗರಿಸಿದ ಸಿಸಿಟಿವಿ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್

ಸುಳ್ಯದ ಲ್ಯಾಂಪ್ ಸೊಸೈಟಿ ಪಡಿತರ ಕೇಂದ್ರದ ಮಹಿಳಾ ಸಿಬ್ಬಂದಿಯ ಮೊಬೈಲ್ ಫೋನನ್ನು ಅಕ್ಕಿ ಪಡೆಯಲೆಂದು ಬಂದ ಮಹಿಳೆಯೋರ್ವರು ಕಳ್ಳತನ ಮಾಡಿದ ಸಿ ಸಿ ಟಿವಿ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ಲಾಗಿದೆ.

. . . . . . .

ಈ ಘಟನೆಯು ಸೆ. 24ರಂದು ಸಂಜೆ ಘಟನೆ ನಡೆದಿದ್ದು ಸೊಸೈಟಿಯಲ್ಲಿ ಬಿಲ್ ಕೌಂಟರಿನ ಮೇಲೆ ಇರಿಸಿದ್ದ ಸಿಬ್ಬಂದಿಯ ಮೊಬೈಲ್ ಫೋನನ್ನು ಮಹಿಳೆ ತಾನು ಸೊಸೈಟಿಯಿಂದ ಖರೀದಿಸಿದ್ದ ಬಟ್ಟೆಯನ್ನು ಫೋನಿನ ಮೇಲೆ ಮುಚ್ಚಿ ನಂತರ ಬಟ್ಟೆಯನ್ನು, ಬ್ಯಾಗನ್ನು ಮತ್ತು ಫೋನನ್ನು ಒಟ್ಟಿಗೆ ತೆಗೆದು ಅಲ್ಲಿಂದ ತೆರಳುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಸಿ ಸಿ ಕ್ಯಾಮರಾ ಫೂಟೇಜ್ ಸಹಾಯದಿಂದ ಮಹಿಳೆ ಪತ್ತೆ ಮೊಬೈಲ್ ವಶ

ಸ್ವಲ್ಪ ಸಮಯ ಕಳೆದು ಸಿಬ್ಬಂದಿ ನೋಡಿದಾಗ ಫೋನ್ ಮೇಜಿನ ಮೇಲೆ ಇರಲಿಲ್ಲ. ಹುಡುಕಾಡಿದರೂ ಎಲ್ಲಿಯೂ ಕಾಣಸಿಗಲಿಲ್ಲ. ಆ ಫೋನಿಗೆ ಎಷ್ಟೇ ಕರೆ ಮಾಡಿದರೂ ಯಾರೂ ರಿಸೀವ್ ಮಾಡದೆ ಇರುವುದನ್ನು ಗಮನಿಸಿ ಸೊಸೈಟಿಯ ಸಿ.ಸಿ. ಟಿವಿಯಲ್ಲಿ ಪರಿಶೀಲನೆ ನಡೆಸಿದಾಗ ಮಹಿಳೆಯೊಬ್ಬರು ಮೊಬೈಲ್ ಎಗರಿಸಿ ಕಳ್ಳತನ ಮಾಡಿದ್ದಾರೆ ಎಂದು ತಿಳಿದುಬಂದಿದೆ. ಆ ಮಹಿಳೆ ಜಯನಗರ ಮೂಲದವರೆಂದು ಗೊತ್ತಾಗಿ, ಆ ಮಹಿಳೆಯ ಮನೆಗೆ ಹೋಗಿ ವಿಚಾರಿಸಿದಾಗ ಮಹಿಳೆ ಫೋನನ್ನು ಹಿಂತಿರುಗಿಸಿದ್ದಾರೆ.