ಚೀನಾದಲ್ಲಿ ವಿಚಿತ್ರ ಜ್ವರ – ಸಣ್ಣ ಮಕ್ಕಳೇ ಟಾರ್ಗೇಟ್- ಭಾರತೀಯರಲ್ಲಿ ಆತಂಕ

ಚೀನಾದಲ್ಲಿ ಇದಕ್ಕಿದ್ದಂತೆ ವಿಚಿತ್ರ ಸೋಂಕು ಕಂಡು ಬಂದಿದ್ದು, ಇದು ಹೆಚ್ಚಾಗಿ ಮಕ್ಕಳನ್ನೇ ಗುರಿ ಮಾಡುತ್ತಿರುವುದು ಭಾರತೀಯರಲ್ಲಿ ನಡುಕ ಹುಟ್ಟಿಸಿದೆ. ಮಕ್ಕಳ ಈ ಜ್ವರದ ಲಕ್ಷಣಗಳೇನು ಮತ್ತು ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆ ಕ್ರಮ.ಟೆಕ್ನಾಲಜಿಯಲ್ಲಿ ಎಲ್ಲರನ್ನೂ ಮೀರಿಸುವಂತೆ ಇರುವ ಚೀನಾ ದೇಶ ಜಗತ್ತಿಗೆ ಕಾಯಿಲೆಗಳನ್ನು ಕೊಡುಗೆಯಾಗಿ ಕೊಡುವಲ್ಲಿ ಕೂಡ ಆಗಾಗ ಸುದ್ದಿ ಮಾಡುತ್ತಲೇ ಇರುತ್ತದೆ. ಯಾವುದಕ್ಕೆ ಹೆದರದಿದ್ದರೂ ಸೋಂಕಿನ ವಿಚಾರಕ್ಕೆ ಚೀನಾ ದೇಶಕ್ಕೆ ನಾವೆಲ್ಲರೂ ಹೆದರಲೇಬೇಕು. ಏಕೆಂದರೆ ಅಷ್ಟು ಭಯಾನಕ ರೋಗಗಳನ್ನು ಪರಿಚಯ ಮಾಡಿಕೊಡುವಂತಹ ಸಾಮರ್ಥ್ಯ ಚೀನಾ ದೇಶಕ್ಕೆ ಕರಗತವಾಗಿ ಹೋಗಿದೆ.ಸದ್ಯ ಈಗ ಸುದ್ದಿಯಲ್ಲಿರುವುದು ಅಲ್ಲಿ ಮಕ್ಕಳಲ್ಲಿ ಕಾಣಿಸಿಕೊಳ್ಳುತ್ತಿರುವ ವಿಚಿತ್ರ ಜ್ವರದ ಪ್ರಕರಣಗಳು. ಪುಟ್ಟ ಕಂದಮ್ಮಗಳನ್ನು ಆಸ್ಪತ್ರೆಗೆ ದಾಖಲಿಸುವ ಅನೇಕ ಪ್ರಕರಣಗಳು ನಡೆಯುತ್ತಿದೆ. ಇದು ಕೇವಲ ಚೀನಾ ದೇಶವನ್ನು ಮಾತ್ರವಲ್ಲ ಅದರ ಪಕ್ಕದಲ್ಲಿ ಇರುವ ನಮ್ಮ ದೇಶದ ಜನರಿಗೂ ನಿದ್ದೆಗೆಡಿಸಿದೆ. ಏಕೆಂದರೆ ಈಗಾಗಲೇ ಕೋರೋನಾ ಸಂದರ್ಭವನ್ನು ನಾವೆಲ್ಲರೂ ನೋಡಿದ್ದೇವೆ . ಮಕ್ಕಳನ್ನೇ ಗುರಿಯಾಗಿಸುವ ವೈರಸ್!• ಮಕ್ಕಳಲ್ಲಿ ಕಂಡು ಬರುತ್ತಿರುವ ಈ ಜ್ವರ ಸೋಂಕಿನAತೆ ಅಲ್ಲಿ ಹಬ್ಬುತ್ತಿದ್ದು, ಬೇರೆ ದೇಶಗಳಿಗೆ ಹರಡುವುದರಲ್ಲಿ ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ ಎಂಬುದು ತಜ್ಞರ ಲೆಕ್ಕಾಚಾರ.• ಮಕ್ಕಳಲ್ಲಿ ಉಸಿರಾಟದ ತೊಂದರೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದು ಕೋವಿಡ್ ಮೊದಲನೇ ಅಲೆಯನ್ನು ನೆನಪಿಸುವಂತಿದೆ. ಚೀನಾದ ಆರೋಗ್ಯ ಅಧಿಕಾರಿಗಳು ಹೇಳುತ್ತಿರುವ ಹಾಗೆ ಸದ್ಯ ಅಲ್ಲಿ ಜ್ವರಕ್ಕೆ ಕಾರಣವಾಗಿರುವುದು pneumonia, RSV, adenovirus, ಮತ್ತು influenza ವೈರಸ್ ಹರಡುವಿಕೆ.• ನಮ್ಮ ಭಾರತದಲ್ಲಿ ಕೂಡ ಚೀನಾದ ಜ್ವರ ನಡುಕ ಹುಟ್ಟಿಸಿದೆ ಎಂದು ಇಲ್ಲಿನ ಆರೋಗ್ಯ ತಜ್ಞರು ಹೇಳುತ್ತಾರೆ. ಮುಂದಿನ ದಿನ ಗಳಲ್ಲಿ ಎದುರಾಗುವ ಈ ಸೋಂಕಿನ ತೊಂದರೆಗೆ ಭಾರತ ಮೊದಲೇ ತಯಾರಾಗಬೇಕಾಗಿದೆ ಎಂಬುದಾಗಿ ಹೇಳುತ್ತಾರೆ.• ಇಷ್ಟು ಮಾತ್ರವಲ್ಲದೆ, ಜನರು ಕೂಡ ಈ ಕಾಯಿಲೆಯ ಬಗ್ಗೆ ಎಚ್ಚ ರಿಕೆಯಿಂದ ಇರಬೇಕು ಮತ್ತು ಒಂದು ವೇಳೆ ಜ್ವರಕ್ಕೆ ಸಂಬಂಧಪಟ್ಟ ರೋಗ ಲಕ್ಷಣಗಳು ಕಂಡು ಬಂದರೆ ತಕ್ಷಣವೇ ಡಾಕ್ಟರ್ ಭೇಟಿ ಮಾಡುವುದನ್ನು ಮರೆಯಬಾರದು ಎಂದು ಸಲಹೆ ನೀಡುತ್ತಾರೆ. ಚೀನಾದ ಮಕ್ಕಳು ಹುಷಾರು ತಪ್ಪುವಂತೆ ಮಾಡಿರುವ ಜ್ವರದ ರೋಗ ಲಕ್ಷಣಗಳು ಈ ರೀತಿ ಇರುತ್ತವೆ.• ಅಲ್ಲಿನ ಆರೋಗ್ಯ ತಜ್ಞರು ಹೇಳುವ ಹಾಗೆ ಆಸ್ಪತ್ರೆಗಳಿಗೆ ದಾಖಲಾ ಗುತ್ತಿರುವ ಬಹುತೇಕ ಮಕ್ಕಳಲ್ಲಿ ಜ್ವರ, ಗಂಟಲು ನೋವು, ಸುಸ್ತು ಹೆಚ್ಚಾಗಿ ಕಂಡು ಬರುತ್ತಿದೆ. ಇದರ ಜೊತೆಗೆ ಕೆಮ್ಮು ಮತ್ತು ಉಸಿರಾಟದ ತೊಂದರೆ ಕೂಡ ಅವರಲ್ಲಿ ಕಾಣಿಸುತ್ತಿದೆ.• ಮುಖ್ಯವಾಗಿ ನಿಮೋನಿಯಾ ಎನ್ನುವುದು ಶ್ವಾಸಕೋಶದ ಸೋಂಕು ಎನ್ನಲಾಗಿದ್ದು, ಶ್ವಾಸಕೋಶದ ಒಳಭಾಗದಲ್ಲಿ ನೀರು ಅಥವಾ ಕೀವು ತುಂಬಿಕೊAಡು ಬ್ಯಾಕ್ಟೀರಿಯಾ ಅಥವಾ ವೈರಸ್ ಸೋಂಕು ಎಂಬ ಹಣೆ ಪಟ್ಟಿ ಪಡೆದುಕೊಳ್ಳುತ್ತದೆ.ಮಕ್ಕಳಲ್ಲಿ ವಾಂತಿ, ಭೇದಿ ಸಮಸ್ಯೆ• ಇನ್ನು ಕೆಲವು ಮಕ್ಕಳಲ್ಲಿ ವಾಂತಿ, ಭೇದಿ ಸಮಸ್ಯೆ ಕೂಡ ಹೆಚ್ಚಾಗಿ ಕಾಣಿಸುತ್ತಿದೆ. ಇತ್ತೀಚೆಗೆ ಬೀಜಿಂಗ್ ಮತ್ತು ಲೈನಿಂಗ್ ಪ್ರಾಂತ್ಯ ಗಳಲ್ಲಿ ಕಂಡು ಬರುತ್ತಿರುವ ಮಕ್ಕಳ ಜ್ವರ ಯಾವ ಕಾಯಿಲೆ ಎಂದು ಗೊತ್ತಾಗಿಲ್ಲ. ಹಾಗಾಗಿ ಇದರ ಬಗ್ಗೆ ಇನ್ನಷ್ಟು ಸಂಶೋಧನೆ ನಡೆಯುತ್ತಲೇ ಇದೆ.• ಅಲ್ಲಿನ ತಜ್ಞರು ಹೇಳುತ್ತಿರುವ ಹಾಗೆ ಇದು ಆರ್‌ಎಸ್‌ವಿ, ಬ್ಯಾಕ್ಟೀರಿಯಾ ಅಥವಾ ಮೈಕೋಪ್ಲಾಸ್ಮಾ ಆಗಿರಬಹುದು ಎಂಬ ಸಂಶಯವನ್ನು ವ್ಯಕ್ತಪಡಿಸುತ್ತಾರೆ.ಮುನ್ನೆಚ್ಚರಿಕೆಗಳು• ಅವರು ಹೇಳಿರುವ ಹಾಗೆ ಉಸಿರಾಟದ ತೊಂದರೆ ಚಳಿಗಾಲದಲ್ಲಿ ಸಾಮಾನ್ಯವಾಗಿ ಕಾಡುತ್ತದೆ.• ಹೀಗಾಗಿ ವಿಶ್ವ ಆರೋಗ್ಯ ಸಂಸ್ಥೆ ಹೇಳಿರುವ ಪ್ರಕಾರ ಚಳಿಗಾಲದ ತೊಂದ ರೆಗಳಿಂದ ಪಾರಾಗಲು ಮುಖಕ್ಕೆ ಮಾಸ್ಕ್ ಧರಿಸುವುದು ಮತ್ತು ಬೆಳಗಿನ ಸಂದರ್ಭದಲ್ಲಿ ಮನೆಯಿಂದ ಆಚೆ ಬರದೇ ಇರುವುದು, ಹುಷಾರು ತಪ್ಪಿ ದಾಗ ಒಳ್ಳೆಯ ವಿಶ್ರಾಂತಿ ತೆಗೆದುಕೊಳ್ಳು ವುದು, ಕೈಗಳಿಗೆ ಪದೇ ಪದೇ ಸೋಪು ಹಾಕಿ ತೊಳೆದುಕೊಳ್ಳುವುದು ಇವೆಲ್ಲವನ್ನೂ ಅನುಸರಿಸಬೇಕು.• ಇಂತಹ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದರಿಂದ ಕೇವಲ ನಮ್ಮ ಆರೋಗ್ಯ ಮಾತ್ರವಲ್ಲ ಮನೆಯವರೆಲ್ಲರ ಆರೋಗ್ಯ ರಕ್ಷಣೆಯಾಗುತ್ತದೆ.

. . . . . . .