ಐನೆಕಿದು : ಗ್ರಾಮ ಗೌಡ ಸಮಿತಿಯ ವತಿಯಿಂದ ದೀಪಾವಳಿ ಆಚರಣೆ

ಗ್ರಾಮ ಗೌಡ ಸಮಿತಿ ಐನೆಕಿದು ಇದರ ವತಿಯಿಂದ ನ.15 ರಂದು ಐನೆಕಿದು ಅಮೃತ ಸಂಭ್ರಮ ಸಮುದಾಯ ಭವನದಲ್ಲಿ ದೀಪಾವಳಿ ಆಚರಣೆ ಕಾರ್ಯಕ್ರಮ ನಡೆಯಿತು.ಊರ ಗೌಡರಾದ ನರೇಂದ್ರ ಕೂಜುಗೋಡು ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಗ್ರಾಮ ಗೌಡ ಸಮಿತಿ ಐನೆಕಿದು ಇದರ ಅಧ್ಯಕ್ಷರಾದ ದಾಮೋದರ ಗೌಡ.ಕೆ.ಎಸ್ ಕೂಜುಗೋಡು ಕಟ್ಟೆಮನೆ ಇವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.ಬೆಳಕಿನ ಹಬ್ಬ ದೀಪಾವಳಿಯನ್ನು ಸಾಮೂಹಿಕವಾಗಿ ಆಚರಿಸುವುದರೊಂದಿಗೆ ಈ ಸಂದರ್ಭದಲ್ಲಿ ಮಾದರಿ ಹೈನುಗಾರರು ಹಾಗೂ ಕೃಷಿಕರಾದ ಸವಿತಾ ಕೋಡಿಯಡ್ಕ ಅವರನ್ನು ಸನ್ಮಾನಿಸಲಾಯಿತು.ಕಡಬ ತಾಲೂಕು ಗೌಡ ಸಮಿತಿಯ ಸಂಘಟನಾ ಕಾರ್ಯದರ್ಶಿ ಶಿವರಾಮ ಗೌಡ ಏನೆಕಲ್ಲು, ಎಸ್.ಆರ್.ಕೆ ಲ್ಯಾಡರ್ಸ್ ಮಾಲಕರಾದ ಕೇಶವ ಅಮೈ, ಧರ್ಮಪಾಲ ಗೌಡ ಕಣ್ಕಲ್ಲು ಕಾರ್ಯಕ್ರಮದ ಅತಿಥಿಗಳಾಗಿ ಉಪಸ್ಥಿತರಿದ್ದರು.ಕಿಶೋರ್ ಕೂಜುಗೋಡು ಸ್ವಾಗತಿಸಿ ಪ್ರೀತಿಕಾ ಕೋನಡ್ಕ ಹಾಗೂ ವೇದಿಕ ಕೆದಿಲ ಪ್ರಾರ್ಥನೆ ನೆರವೇರಿಸಿದರು. ನವೀನ್ ಕಟ್ರಮನೆ ಕಾರ್ಯಕ್ರಮ ನಿರೂಪಿಸಿ ಜಯಪ್ರಕಾಶ್ ಕೂಜುಗೋಡು ಧನ್ಯವಾದ ಸಮರ್ಪಿಸಿದರು. ಈ ಸಂದರ್ಭದಲ್ಲಿ ಭವಾನಿಶಂಕರ ಪೈಲಾಜೆ, ಕಿರಣ್ ಪೈಲಾಜೆ, ಪ್ರಧಾನ್ ಕೂಜುಗೋಡು ಕಟ್ಟೆಮನೆ ಸೇರಿದಂತೆ ಮುಂತಾದವರು ಉಪಸ್ಥಿತರಿದ್ದರು.

. . . . .