ಡಿ.13 ರಂದು ಪಂಜದಲ್ಲಿ ಪಂಚಶ್ರೀ ಪಂಜ ಸ್ಪೋರ್ಟ್ಸ್ ಕ್ಲಬ್ ನೇತೃತ್ವದಲ್ಲಿ PPL -2020 ಕ್ರಿಕೆಟ್ ಪಂದ್ಯಾಟ

ಪಂಜದ ಇತಿಹಾಸದಲ್ಲಿ ಇದೇ ಮೊತ್ತ ಮೊದಲ ಬಾರಿಗೆ ವಿನೂತನ ಮಾದರಿಯ PPL -2020 ಅಂಡರ್ ಆರ್ಮ್ ಕ್ರಿಕೆಟ್ ಪಂದ್ಯಾಟ ಪಂಜ ಶ್ರೀ ಪರಿವಾರ ಪಂಚಲಿಂಗೇಶ್ವರ ದೇವಸ್ಥಾನದ ಮುಂಭಾಗದ ಮೈದಾನದಲ್ಲಿ ಡಿ.13 ರಂದು ನಡೆಯಲಿದೆ

. . . . . . .

ಸದಾ ಕ್ರೀಡೆಯ ಜೊತೆ ಜೊತೆಯಲ್ಲಿ ಸಮಾಜ ಸೇವೆಗೂ ಮಹತ್ವವನ್ನು ನೀಡಿ ತನ್ನದೇ ಆದ ವಿಶಿಷ್ಟ ಸ್ಥಾನಮಾನವನ್ನು ಹೊಂದಿರುವ ಪಂಚಶ್ರೀ ಪಂಜ ಸ್ಪೋರ್ಟ್ಸ್ ಕ್ಲಬ್ ನ ‌ಕನಸಿನ PPL -2020 ಕ್ರಿಕೆಟ್ ಪಂದ್ಯಾಕೂಟದಲ್ಲಿ ಒಟ್ಟು ಎಂಟು ತಂಡಗಳು ಭಾಗವಹಿಸಲಿವೆ.
ನ.29 ರಂದು ವಿ.ಕೆ. ರೆಸಿಡೆನ್ಸಿ ಯ ಸರ್ವಮಂಗಲ ಸಭಾಂಗಣದಲ್ಲಿ ನಡೆದ ಆಟಗಾರ ಆಯ್ಕೆ ಪ್ರಕ್ರಿಯೆಯಲ್ಲಿ ಜನತಾ ಚಿಕನ್ ಸೆಂಟರ್ ನ ರತೀಶ್ ಪಲ್ಲೋಡಿ ಮಾಲಕತ್ವದ ಜನತಾ ಸ್ಟ್ರೈಕರ್ಸ್ ,ರೈತ ಚಿಕನ್ ಸೆಂಟರ್ ನ ಜೀವನ್ ಪೈಸಾರಿ ಮಾಲಕತ್ವದ ರೈತ ರಾಯಲ್ಸ್ ,ಪ್ರಗತಿ ಚಿಕನ್ ಸೆಂಟರ್ ನ ಉದಯಕುಮಾರ್ ಹುದೇರಿ ಮಾಲಕತ್ವದ ಪ್ರಗತಿ ವಾರಿಯರ್ಸ್, ಲಿಖಿತ್ ಪಲ್ಲೋಡಿ ಮಾಲಕತ್ವದ ದುರ್ಗಾಪರಮೇಶ್ವರಿ ಫ್ಯುಯೆಲ್ಸ್ ,ಭರತ್ ಪೊಳೆಂಜ ಹಾಗೂ ಜಸ್ವಿತ್ ಪೊಳೆಂಜ ಮಾಲಕತ್ವದ ಜೆ ಬಿ ಅಟಾಕರ್ಸ್, ಪರಿವಾರ್ ಸ್ವೀಟ್ಸ್ ಕಾರ್ನರ್ ನ ಪ್ರಶಾಂತ್ ಎಣ್ಣೆಮಜಲು ಮತ್ತು ಪ್ರವೀಣ್ ಎಣ್ಣೆಮಜಲು ಮಾಲಕತ್ವದ ಪರಿವಾರ್ ಈಗಲ್ಸ್, ಅಟಲ್ ಜೀ ಫ್ರೆಂಡ್ಸ್ ಕೂತ್ಕುಂಜ ಮಾಲಕತ್ವದ ಅಟಲ್ ಜೀ ಕ್ರಿಕೆಟರ್ಸ್ ,ರಂಜಿತ್ ಜಬಲೆ ಮಾಲಕತ್ವದ ಮಂಗಳ ಸೂಪರ್ ಕಿಂಗ್ಸ್ ಈ ಎಂಟು ತಂಡಗಳಿಗೆ ಬಿಲ್ಡಿಂಗ್ ಮುಖಾಂತರ 8 ಆಟಗಾರರನ್ನು ಆಯಾ ತಂಡದ ನಾಯಕರು ಹಾಗೂ ಮಾಲಕರ ಸಮ್ಮುಖದಲ್ಲಿ ಅವರಿಗೆ ನೀಡಲಾದ 500 ನಾಣ್ಯಗಳಿಂದ ಖರೀದಿಸಲಾಯಿತು. ಸುಬ್ರಹ್ಮಣ್ಯ, ಅಲೆಕ್ಕಾಡಿ ,ಏನೆಕಲ್ ಮತ್ತು ಕಾಣಿಯೂರು ತಂಡಗಳ ಪ್ರತಿಭಾನ್ವಿತ ಆಟಗಾರರನ್ನು ಆಯ್ಕೆ ಮಾಡಿ ಪ್ರತಿ ತಂಡಕ್ಕೆ 3 ಆಟಗಾರರಂತೆ ಮತ್ತು ಸ್ಥಳೀಯ ಆಟಗಾರರ ಪಟ್ಟಿಯಲ್ಲಿ ಒಬ್ಬ ಹೋಮ್ ಐಕಾನ್ ನಂತೆ ಎಲ್ಲಾ ತಂಡಗಳಿಗೆ ನೀಡಲಾಗಿತ್ತು. ಈ ಸಂದರ್ಭದಲ್ಲಿ ಎಲ್ಲಾ ತಂಡಗಳ ಮಾಲಕರು ನಾಯಕರು ಮತ್ತು ಪಂದ್ಯಾಕೂಟದ ಆಯೋಜಕರು ಹಾಜರಿದ್ದರು.