ಸುಳ್ಯದಲ್ಲಿ ಬ್ಲಡ್ ಬ್ಯಾಂಕ್ ಸ್ಥಾಪನೆಗೆ ಸರ್ವ ಪ್ರಯತ್ನ : ಭಾಗೀರಥಿ  ಮುರುಳ್ಯ

ಸುಳ್ಯದಲ್ಲಿ ಬ್ಲಡ್ ಬ್ಯಾಂಕ್ ಸ್ಥಾಪನೆಗೆ ಸರ್ವ ಪ್ರಯತ್ನ ಮಾಡಲಾಗುವುದು ಎಂದು ಶಾಸಕಿ ಭಾಗೀರಥಿ ಮುರುಳ್ಯ ಹೇಳಿದರು. ಅವರು ಭಾರತೀಯ  ರೆಡ್ ಕ್ರಾಸ್ ಸಂಸ್ಥೆ ಸುಳ್ಯ ಘಟಕ  ಮತ್ತು ಸುಳ್ಯ ವಾಣಿಜ್ಯ  ಮತ್ತು ಕೈಗಾರಿಕೋದ್ಯಮಿಗಳ  ಸಂಘದ  ವತಿಯಿಂದ ಸನ್ಮಾನ ಸ್ವೀಕರಿಸಿ ಮಾತನಾಡಿದರು.

. . . . . .

ಸುಳ್ಯ ವರ್ತಕರ  ಸಮುದಾಯ ಭವನದಲ್ಲಿ ನಡೆದ ಸಮಾರಂಭದ ಅಧ್ಯಕ್ಷತೆಯನ್ನು ಸುಳ್ಯ ವರ್ತಕ ಸಂಘದ  ಅಧ್ಯಕ್ಷ ಪಿ. ಬಿ. ಸುಧಾಕರ ರೈ  ವಹಿಸಿದ್ದರು. ಜಿಲ್ಲಾ ಪ್ರೆಸ್ ಕ್ಲಬ್ ಅಧ್ಯಕ್ಷ ಪಿ. ಬಿ. ಹರೀಶ್  ರೈ  ಪಟ್ಟೆ ಅಭಿನಂದನಾ  ಭಾಷಣ  ಮಾಡಿದರು.

ಈ ಸಂದರ್ಭದಲ್ಲಿ ನೆಹರು ಸ್ಮಾರಕ  ಮಹಾವಿದ್ಯಾಲಯದ  ಪ್ರಾದ್ಯಾಪಕ ಸಂಜೀವ  ಕುದ್ಪಾಜೆ, ವರ್ತಕರ  ಸಂಘದ  ಕಾರ್ಯದರ್ಶಿ ಗಿರೀಶ್ ದೆಂಗೋಡಿ, ರೆಡ್ ಕ್ರಾಸ್ ಕಾರ್ಯದರ್ಶಿ  ತಿಪ್ಪೇಶಪ್ಪ, ರೆಡ್ ಕ್ರಾಸ್ ಉಪಸಭಾಪತಿ  ಕೆ. ಎಂ. ಮುಸ್ತಫ, ಮಾಜಿ  ಜಿ. ಪಂ. ಸದಸ್ಯ  ಎಸ್. ಎನ್. ಮನ್ಮಥ, ಎ. ಪಿ. ಎಂ. ಸಿ. ಮಾಜಿ  ನಿರ್ದೇಶಕ ಆದಂ ಹಾಜಿ  ಕಮ್ಮಾಡಿ, ವರ್ತಕ  ಸಂಘದ  ಉಪಾಧ್ಯಕ್ಷ  ಹಮೀದ್ ಜನತ, ರಾಮಚಂದ್ರ  ಭಾರತ್ ಆಗ್ರೋ, ರೆಡ್ ಕ್ರಾಸ್ ಜಿಲ್ಲಾ ಪ್ರತಿನಿಧಿ ಗಣೇಶ್ ಭಟ್, ಶ್ರೀಮತಿ ಪ್ರಮೀಳಾ ಮತ್ತಿತರರು ಉಪಸ್ಥಿತರಿದ್ದರು.