ಕಡ್ಲಾರು : ಜಲಶ್ರೀ ಪ್ರತಿಷ್ಠಾನ ರಚನೆ – ಅಧ್ಯಕ್ಷ ನಿರಂಜನ ಕಡ್ಲಾರು, ಕಾರ್ಯದರ್ಶಿ ಪ್ರತೀಕ್ ಕಂದ್ರಪ್ಪಾಡಿ,

amarasuddi - November 27, 2021 at 14:04 0

ಸಾಹಿತ್ಯ, ಸಾಂಸ್ಕೃತಿಕ ಹಾಗೂ ಜನಪದ ಕ್ಷೇತ್ರಗಳಲ್ಲಿ ಸೇವೆ ಮಾಡುವ ದೃಷ್ಟಿಯನ್ನಿಟ್ಟು ಸುಳ್ಯ ತಾಲೂಕಿನ ದೇವಚಳ್ಳ ಗ್ರಾಮದ ವಾಲ್ತಾಜೆ ಎಂಬಲ್ಲಿ ಜಲಶ್ರೀ ಪ್ರತಿಷ್ಠಾನ ಕಡ್ಲಾರು ಎಂಬ ಟ್ರಸ್ಟ್ ಒಂದು ನೋಂದಾವಣೆಗೊಂಡಿದೆ. ಇದರ ಸಭೆಯು ಇತ್ತೀಚೆಗೆ ಕಡ್ಲಾರುವಿನಲ್ಲಿ ನಡೆಯಿತು. ಈ ಸಭೆಯಲ್ಲಿ ಟ್ರಸ್ಟಿನ ಕಾರ್ಯಚಟುವಟಿಕೆಗಳನ್ನು ಸಾರ್ವಜನಿಕರ ಸಹಕಾರದೊಂದಿಗೆ ಮುಂದುವರಿಸುವುದರ ಬಗ್ಗೆ ನಿರ್ಧರಿಸಲಾಯಿತು.
ಈ ಟ್ರಸ್ಟ್ ನ ಅಧ್ಯಕ್ಷರಾಗಿ ನಿರಂಜನ ಕಡ್ಲಾರು, ಉಪಾಧ್ಯಕ್ಷರಾಗಿ ಧನಂಜಯ ಕಡ್ಲಾರು, ಕಾರ್ಯದರ್ಶಿಯಾಗಿ ಪ್ರತಿಕ್ ಕಂದ್ರಪ್ಪಾಡಿ, ಕೋಶಾಧಿಕಾರಿಯಾಗಿ ರಕ್ಷಿತ್ ಕಡ್ಲಾರು, ಮತ್ತು ನಿರ್ದೇಶಕರುಗಳಾಗಿ ಕುಸುಮಾಧರ ಗೌಡ ಕೊಂಬೆಟ್ಟು, ಪ್ರಮೀಳಾ.ಕೆ.ಕಡ್ಲಾರು, ಶರತ್ ಮರ್ಗಿಲಡ್ಕ ನೇಮಕಗೊಂಡಿದ್ದಾರೆ. ವಿನಯಕುಮಾರ್ ಮುಳುಗಾಡು, ಮತ್ತು ಪ್ರವೀಣ ಕಾಟೂರು ಗೌರವ ಸಲಹೆಗಾರರಾಗಿ ಸಹಕರಿಸಲಿದ್ದಾರೆ.