ಹಾಡು ಕೋಗಿಲೆ-2023 ಅಂತರ್ ಜಿಲ್ಲಾ ಸಂಗೀತ ಸ್ಪರ್ಧೆ – ಶಾಸಕಿ ಭಾಗೀರಥಿ ಮುರುಳ್ಯರಿಗೆ ಸನ್ಮಾನ

ಸುಳ್ಯದ ವಾಷ್ಠರ್ ಫೈವ್ ಸ್ಟಾರ್ ಸಂಗೀತ ಬಳಗವು ಆಯೋಜಿಸಿದ್ದ ಹಾಡು ಕೋಗಿಲೆ ಅಂತರ್ ಜಿಲ್ಲಾ ಸಂಗೀತ ಸ್ಪರ್ಧೆಯು ಇತ್ತೀಚಿಗೆ ಸುಳ್ಯದ ಕೃಷಿ ಉತ್ಪನ್ನ ಮಾರುಕಟ್ಟೆ ಸಭಾಂಗಣದಲ್ಲಿ ನೆರವೇರಿತು . ವಾಷ್ಠರ್ ಫೈವ್ ಸ್ಟಾರ್ ಸಂಗೀತ ಬಳಗದ ಅಧ್ಯಕ್ಷರು , ಗಾಯಕರು ಮತ್ತು ಖ್ಯಾತ ಜ್ಯೋತಿಷ್ಯರಾದ ಎಚ್ .ಭೀಮರಾವ್ ವಾಷ್ಠರ್ ರವರು ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು . ಗಾಯಕರು ಹಾಗೂ ಪೊಲೀಸ್ ಅಧಿಕಾರಿಯಾದ ಸುಬ್ರಾಯ ಕಲ್ಪನೆ ಯವರು ಕರೋಕೆ ಸಂಗೀತ ಸ್ಪರ್ಧೆಯನ್ನು ಉದ್ಘಾಟಿಸಿದರು.

. . . . . . .

ವಿಶೇಷ ಆಹ್ವಾನಿತರಾಗಿ ಆಗಮಿಸಿದ್ದ ಸುಳ್ಯ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಕುಮಾರಿ ಭಾಗೀರಥಿ ಮುರುಳ್ಯ ರವರು ಗಾಯಕ ಮತ್ತು ಖ್ಯಾತ ಜ್ಯೋತಿಷ್ಯರಾದ ಎಚ್ .ಭೀಮರಾವ್ ವಾಷ್ಠರ್ ರವರು ಸಾಹಿತ್ಯ ಬರೆದು ಹಾಡಿದ್ದ ಧರೆಗಿಳಿದ ರತಿದೇವಿ ಭಾವಗೀತೆಯನ್ನು ಬಿಡುಗಡೆಗೊಳಿಸಿ ಶುಭ ಹಾರೈಸಿದರು . ಶಾಸಕರಾದ ಭಾಗೀರಥಿ ಮುರುಳ್ಯ ಅವರನ್ನು ಸಮ್ಮಾನಿಸಲಾಯಿತು . ಮುತ್ತು ಕೃಷಿಯ ಖ್ಯಾತ ಕೃಷಿಕರಾದ ನವೀನ ಚಾತುಬಾಯಿಯವರು ಮುಖ್ಯ ಅತಿಥಿಗಳಾಗಿದ್ದರು . ಬೆಂಗಳೂರಿನ ಖ್ಯಾತ ಗಾಯಕರಾದ ಪ್ರಕಾಶ್ ಪಾವಂಜೆ ಮತ್ತು ಕಬಕದ ಕರುನಾಡ ಗಾನಗಂಧರ್ವ ಬಿರುದಾಂಕಿತ ಮಿಥುನ್ ರಾಜ್ ವಿದ್ಯಾಪುರ ಅವರು ಸಂಗೀತ ಸ್ಪರ್ಧೆಯ ತೀರ್ಪುಗಾರರಾಗಿದ್ದರು. ಇದೇ ಸಂದರ್ಭದಲ್ಲಿ ಖ್ಯಾತ ಗಾಯಕರಾದ ರವಿ ಪಾಂಬಾರ್ , ವಸಂತ್ ಕೇಪು ವಿಟ್ಲ , ವಸಂತ್ ಬಾರಡ್ಕ ಮತ್ತು ಶಶಿ ಗಿರಿವನ ಕಡಬ ಅವರಿಗೆ ರಾಜ್ಯಮಟ್ಟದ ಸಂಗೀತ ರತ್ನ ಪ್ರಶಸ್ತಿಗಳನ್ನು ನೀಡಿ ಸನ್ಮಾನಿಸಿ ಗೌರವಿಸಲಾಯಿತು. ಖ್ಯಾತ ಗಾಯಕರಾದ ಪ್ರಕಾಶ್ ಪಾವಂಜೆ ಅವರಿಗೆ ಕರುನಾಡ ಸಂಗೀತ ಮಾಂತ್ರಿಕ ಬಿರುದು ನೀಡಿ ಸನ್ಮಾನಿಸಲಾಯಿತು. ಹಾಡು ಕೋಗಿಲೆ -2023 ಕರೋಕೆ ಸಂಗೀತ ಸ್ಪರ್ಧೆಯಲ್ಲಿ 6 ಜಿಲ್ಲೆಗಳಿಂದ ಒಟ್ಟು 38 ಜನ ಗಾಯಕರು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು . ಸುಧಾ ಕೋಟೆ ಪಂಜ ಅವರು ವಿನ್ನರ್ ಆಗಿ ಮೂಡಿಬಂದರು. ತನ್ಮಯ್ ಸೋಮಯಾಗಿ ಮತ್ತು ಆರಾಧ್ಯ ಮುಂಡೂರು ಪುತ್ತೂರು ರವರು ರನ್ನರ್ ಆಗಿ ಮೂಡಿಬಂದರು. ಅಶ್ವಿಜ್ ಆತ್ರೇಯ ಮತ್ತು ಪ್ರಕಾಶ್ ಕಿನ್ನಿಗೋಳಿ ಮೂರನೆಯ ಬಹುಮಾನ ಪಡೆದುಕೊಂಡರು. ಯಜೀಶ್ ಮಂಜೆಶ್ವರ್ , ಹರಿಪ್ರಸಾದ್ ಸುರತ್ಕಲ್ , ಅರ್ಪಿತಾ ಮುಳ್ಳೇರಿಯಾ , ಕಾವ್ಯ ಕೆ ವಿ ಕಾಸರಗೋಡು , ಭವ್ಯಾ ಭಾಗಮಂಡಲ , ಮಹೇಶ್ ಪೈ ಸುಳ್ಯ , ಪೂಜಾಶ್ರೀ ಬಳ್ಳಡ್ಕ ಸುಳ್ಯ, ಪ್ರಸಾದ್ ಬೆಳುವಾಯಿ , ಹರ್ಷಿತಾ ಸುಳ್ಯ , ವಂದನಾ ಮಂಗಳೂರು ರವರು ಸೂಪರ್ ಸ್ಟಾರ್ ಆಫ್ ಸಿಂಗರ್ ಅವಾರ್ಡ್ ಪಡೆದುಕೊಂಡರು . ಸ್ಪರ್ಧೆಯಲ್ಲಿ ಶಿವಪ್ರಸಾದ್ ಶೆಟ್ಟಿ ಪುತ್ತಿಗೆ , ವಿಶ್ವನಾಥ್ ಪುತ್ತಿಗೆ , ಪೆರುಮಾಳ್ ಲಕ್ಷ್ಮಣ್ , ಪುಷ್ಪಾ ಎಡಮಂಗಲ , ಸಂದೀಪ್ ಸುಳ್ಯ, ಕಾವೇರಿ ಸೋಮವಾರಪೇಟೆ , ಮಹೇಶ್ ಮಂಜೆಶ್ವರ್ , ಮಮತಾ ಮಡಿಕೇರಿ , ಉಷಾ ಮಂಗಳೂರು , ಸಂಗೀತಾ ಶೆಟ್ಟಿ ಕಾಸರಗೋಡು , ಮೌಲ್ಯ ಮಾಜಿಕೋಡಿ , ಪ್ರವೀಣ್ ಡಿ ದೇವ , ಸುರೇಶ ಕುಮಾರ್ ಚಾರ್ವಾಕ , ಜಯರಾಜ್ ಕೆ ಮಂಗಳೂರು , ಪ್ರವೀಣ್ ಕುಮಾರ್ ಪುತ್ತಿಗೆ , ನವೀನ ಉಪ್ಪಿನಂಗಡಿ ಇನ್ನಿತರರು ಭಾಗವಹಿಸಿದ್ದರು. ಕವಯಿತ್ರಿ ಪೂರ್ಣಿಮಾ ಪೆರ್ಲಂಪಾಡಿ ರವರು ಸರ್ವರನ್ನು ಸ್ವಾಗತಿಸಿದರು . ಗಾಯಕ ಪೆರುಮಾಳ್ ಲಕ್ಷ್ಮಣ್ ಐವರ್ನಾಡು ವಂದಿಸಿದರು . ಭಾಗವಹಿಸಿದ ಎಲ್ಲಾ ಗಾಯಕರಿಗೂ ಆಕರ್ಷಕ ನೆನಪಿನ ಕಾಣಿಕೆ ಮತ್ತು ಪ್ರಮಾಣ ಪತ್ರಗಳನ್ನು ನೀಡಿ ಗೌರವಿಸಲಾಯಿತು . ಬಿ ಪ್ರಜ್ವಲ್ ವಾಷ್ಠರ್ ಸಹಕರಿಸಿದರು .