ಕಾರಣವೇನು…?

ಸುತ್ತಲಿನ ಪರಪಂಚ ಕತ್ತಲಾಗಿಹುದು, ನಾ ಸಾಗುವ ದಾರಿಯು ಮುಚ್ಚಿಹೋಗಿಹುದು…
ನನ್ನ ಬದುಕು ಇಂದು ಬೂದಿ ಮುಚ್ಚಿದ ಕೆಂಡದಂತಾಗಿಹುದು,
ಇದು ಸಿಡಿಯುವುದೋ ಶಮನಗೊಳ್ಳುವುದೋ ತಿಳಿಯದಾಗಿಹುದು…
ಸಿಡಿದರೆ ನನ್ನ ಬದುಕು ಅಂತ್ಯವಾಗುವುದು, ಶಮನಗೊಂಡರೆ ಹೊಸ ಬದುಕು ಆರಂಭವಾಗುವುದು…

. . . . . . . . .

ಪ್ರತಿಯೊಂದು ಅಂತ್ಯಕ್ಕೂ ಅರಂಭವಿಹುದು, ಪ್ರತಿಯೊಂದು ಘಟನೆಗೂ ಕಾರಣವೊಂದಿಹುದು…
ಆ ಕಾರಣವಿಂದು ನಿಗೂಢವಾಗಿಹುದು…
ಆ ನಿಗೂಢತೆಯ ಮೌನದಲ್ಲೂ ಉತ್ತರವೊಂದಡಗಿಹುದು…
ಆ ಉತ್ತರ ತಿಳಿಯುವ ದಾರಿಯು ಮುಚ್ಚಿ ಹೋಗಿಹುದು, ಯಾರ ಕಣ್ಣಿಗೂ ಕಾಣದಾಗಿಹುದು…
ಕಾಣದಿದ್ದರೂ ಹುಡುಕಬೇಕು ಕಾರಣವ ಇದಲ್ಲಾ ನಾಳೆ, ಹುಡುಕದಿದ್ದರೆ ಇಲ್ಲವಾಗುವುದು ನನ್ನ ಬದುಕಿನ ನಾಳೆ…

ನಾಳೆಗಳ ಯೋಚನೆಯಲ್ಲಿ ಇಂದು ಕಳೆದೋಗುವುದು…
ಇಂದು ನಾಳೆಗಳ ಜಂಜಾಟದಲ್ಲಿ ಬದುಕಿನ ಓಟ ಮುಗಿದೋಗುವುದು…
ಈ ಬದುಕಿನ ಓಟದಲ್ಲಿ ನನ್ನ ಪರಪಂಚ ಕತ್ತಲಾಗಿಯೇ ಉಳಿಯುವುದು…
ಕತ್ತಲಿನ ಅಂಧಕಾರದಲ್ಲಿ ನನ್ನ ಬದುಕು ಅಂತ್ಯವಾಗುವುದು, ಮುಂದೊಂದು ದಿನ ಅಂತ್ಯವಾಗುವುದು…

✍ಉಲ್ಲಾಸ್ ಕಜ್ಜೋಡಿ