ಇಂದಿನ(ಜೂನ್ 26) ಕ್ಯಾಂಪ್ಕೋ ಮಾರುಕಟ್ಟೆ ಮಾಹಿತಿ - ಕಾಳುಮೆಣಸು ಬೆಲೆಯಲ್ಲಿ ಭಾರಿ ಜಿಗಿತ..!! ; ಗ್ರೇಡ್ ರಬ್ಬರ್ ಬೆಲೆಯಲ್ಲಿ ಮತ್ತೆ ಕುಸಿತ..! ಅಡಿಕೆ, ಕಾಳುಮೆಣಸು, ರಬ್ಬರ್, ಕೊಕ್ಕೋ ಹಾಗೂ ಕೊಬ್ಬರಿ ಬೆಳೆಗಳ ಇಂದಿನ ಮಾರುಕಟ್ಟೆ ಧಾರಣೆಯನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ

ದಿನಾಂಕ : 26 ಜೂನ್ 2026
ವಾರ : ಶುಕ್ರವಾರ
ಮಾಹಿತಿ ಕೃಪೆ : ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)

ಸುಳ್ಯ ತಾಲೂಕಿನ ಕೃಷಿಕರಿಗೆ ಸಹಾಯಕವಾಗಲಿ ಎನ್ನುವ ಸದುದ್ದೇಶದಿಂದ ಪ್ರಮುಖ ಕೃಷಿ ಉತ್ಪನ್ನಗಳ ಇಂದಿನ(ಜೂನ್ 26) ಮಾರುಕಟ್ಟೆ ಧಾರಣೆಯನ್ನು ಇಲ್ಲಿ ನೀಡಲಾಗಿದ್ದು, ಈ ಮಾಹಿತಿಯನ್ನು “ಕ್ಯಾಂಪ್ಕೋ ನಿ. ಮಂಗಳೂರು(ಸುಳ್ಯ ಶಾಖೆ)” ಇವರಿಂದ ಪಡೆದುಕೊಳ್ಳಲಾಗಿದೆ.

ಅಡಿಕೆ ಧಾರಣೆ
ಹೊಸ ಅಡಿಕೆ : 390 ರಿಂದ 470
ಹಳೆ ಅಡಿಕೆ : 390 ರಿಂದ 550
ಡಬಲ್ ಚೋಲ್ : 390 ರಿಂದ 550
ಫಟೋರಾ : 335 ರಿಂದ 380
ಉಳ್ಳಿಗಡ್ಡೆ : 260 ರಿಂದ 280
ಕರಿಗೋಟು : 235 ರಿಂದ 265
(ಅಡಿಕೆಯ ಗಾತ್ರ ಮತ್ತು ಗುಣಮಟ್ಟದ ಆಧಾರದಲ್ಲಿ ದರವನ್ನು ನಿಗದಿಪಡಿಸಲಾಗುವುದು)
ಕ್ಯಾಂಪ್ಕೋ ಅಡಿಕೆ ಮಾರುಕಟ್ಟೆಯಲ್ಲಿ ಇಂದು(ಜೂನ್ 26) ಕೂಡ ಸ್ಥಿರತೆಯ ವಾತಾವರಣ ಮುಂದುವರಿದಿದೆ. ನಿನ್ನೆಯ(ಜೂನ್ 25) ದರಕ್ಕೆ ಹೋಲಿಸಿದರೆ ಇಂದು ಹೊಸ ಅಡಿಕೆ, ಹಳೆ ಅಡಿಕೆ ಸೇರಿದಂತೆ ಎಲ್ಲಾ ಪ್ರಮುಖ ಹಾಗೂ ಉಪ ಉತ್ಪನ್ನಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ.
ಭದ್ರವಾಗಿ ನಿಂತ ಪ್ರಮುಖ ದರಗಳು : ಹೊಸ ಅಡಿಕೆ ಗರಿಷ್ಠ ₹470 ರ ಮಟ್ಟದಲ್ಲೇ ಮುಂದುವರಿದಿದೆ. ಹಳೆ ಅಡಿಕೆ ಮತ್ತು ಡಬಲ್ ಚೋಲ್ ಧಾರಣೆಗಳು ಪ್ರತಿ ಕೆಜಿಗೆ ಗರಿಷ್ಠ ₹550 ರ ಉತ್ತಮ ಬೆಲೆಯನ್ನು ಕಾಯ್ದುಕೊಳ್ಳುವ ಮೂಲಕ ಮಾರುಕಟ್ಟೆಯಲ್ಲಿ ದೃಢತೆ ಪ್ರದರ್ಶಿಸಿವೆ.
ಉಪ ಉತ್ಪನ್ನಗಳಲ್ಲೂ ಯಥಾಸ್ಥಿತಿ : ಫಟೋರಾ(ಗರಿಷ್ಠ ₹380), ಉಳ್ಳಿಗಡ್ಡೆ(₹260 – ₹280) ಹಾಗೂ ಕರಿಗೋಟು(₹235 – ₹265) ವಿಭಾಗಗಳಲ್ಲಿ ಇಂದು ಯಾವುದೇ ರೀತಿಯ ಏರಿಳಿತಗಳು ಸಂಭವಿಸದೆ ವಹಿವಾಟು ಎಂದಿನಂತೆ ಸಾಗಿದೆ.

ಇತರ ಪ್ರಮುಖ ಕೃಷಿ ಉತ್ಪನ್ನಗಳ ಧಾರಣೆ
ಕಾಳುಮೆಣಸು : 590 ರಿಂದ 680
ಹಸಿ ಕೊಕ್ಕೋ : 70 ರಿಂದ 100
ಒಣ ಕೊಕ್ಕೋ : 290 ರಿಂದ 320
ಕೊಬ್ಬರಿ : 120 ರಿಂದ 145
(ಕಾಳುಮೆಣಸಿನ ತೇವಾಂಶ ಮತ್ತು ಲೀಟರ್ ತೂಕದ ಆಧಾರದಲ್ಲಿ ದರದಲ್ಲಿ ವ್ಯತ್ಯಾಸವಾಗುವುದು)
(ಮಿಲ್ಲಿಂಗ್ ಕ್ವಾಲಿಟಿ ಕೊಬ್ಬರಿಯನ್ನು ಮಾತ್ರ ಖರೀದಿ ಮಾಡಲಾಗುವುದು)
ಕ್ಯಾಂಪ್ಕೋ ಕೃಷಿ ಮಾರುಕಟ್ಟೆಯಲ್ಲಿ ಕಾಳುಮೆಣಸು ಧಾರಣೆಯ ಭರ್ಜರಿ ಜಿಗಿತ ಇಂದೂ ಮುಂದುವರಿದಿದೆ. ನಿನ್ನೆಗೆ(ಜೂನ್ 25) ಹೋಲಿಸಿದರೆ ಇಂದು ಕಾಳುಮೆಣಸಿನ ಕನಿಷ್ಠ ದರದಲ್ಲಿ ಭರ್ಜರಿ ₹15 ಹಾಗೂ ಗರಿಷ್ಠ ದರದಲ್ಲಿ ₹5 ಏರಿಕೆ ದಾಖಲಾಗಿದೆ. ಇನ್ನುಳಿದಂತೆ ಕೊಬ್ಬರಿ ಮತ್ತು ಕೊಕ್ಕೋ ಮಾರುಕಟ್ಟೆ ಸ್ಥಿರತೆಯನ್ನು ಕಾಯ್ದುಕೊಂಡಿವೆ.
ಕಾಳುಮೆಣಸು ಮಾರುಕಟ್ಟೆಯಲ್ಲಿ ಜಿಗಿತ : ಕಾಳುಮೆಣಸಿನ ಕನಿಷ್ಠ ದರವು ಪ್ರತಿ ಕೆಜಿಗೆ ₹15 ಭಾರಿ ಜಿಗಿತ ಕಂಡು ₹575 ರಿಂದ ₹590 ಕ್ಕೆ ತಲುಪಿದೆ. ಹಾಗೆಯೇ ಗರಿಷ್ಠ ದರದಲ್ಲೂ ₹5 ಏರಿಕೆಯಾಗಿ ₹680 ಕ್ಕೆ ತಲುಪುವ ಮೂಲಕ ಕೃಷಿಕರಿಗೆ ಲಾಭ ತಂದಿದೆ.
ಕೊಬ್ಬರಿ ಧಾರಣೆ ಸ್ಥಿರ : ನಿನ್ನೆ ₹5 ಜಿಗಿತ ಕಂಡಿದ್ದ ಕೊಬ್ಬರಿ ಮಾರುಕಟ್ಟೆ ಇಂದು ಯಾವುದೇ ಬದಲಾವಣೆ ಕಾಣದೆ ಕನಿಷ್ಠ ₹120 ರಿಂದ ಗರಿಷ್ಠ ₹145 ರ ಅತ್ಯುತ್ತಮ ಮಟ್ಟದಲ್ಲೇ ಸ್ಥಿರವಾಗಿದೆ.
ಕೊಕ್ಕೋ ವಹಿವಾಟು ಯಥಾಸ್ಥಿತಿ : ಕೊಕ್ಕೋ ಮಾರುಕಟ್ಟೆ ಇಂದು ಸಂಪೂರ್ಣ ಶಾಂತವಾಗಿದ್ದು, ಹಸಿ ಕೊಕ್ಕೋ ಗರಿಷ್ಠ ₹100 ಹಾಗೂ ಒಣ ಕೊಕ್ಕೋ ಗರಿಷ್ಠ ₹320 ರ ಎಂದಿನ ಮಟ್ಟದಲ್ಲೇ ವಹಿವಾಟು ಮುಗಿಸಿವೆ.

ರಬ್ಬರ್ ಧಾರಣೆ
ಗ್ರೇಡ್ : 266
ಲಾಟ್ : 227
ಸ್ಕ್ರ್ಯಾಪ್ ಪ್ರಥಮ ದರ್ಜೆ : 154
ಸ್ಕ್ರ್ಯಾಪ್ ದ್ವಿತೀಯ ದರ್ಜೆ : 145
ಕ್ಯಾಂಪ್ಕೋ ರಬ್ಬರ್ ಮಾರುಕಟ್ಟೆಯಲ್ಲಿ ಗ್ರೇಡ್ ರಬ್ಬರ್ ಬೆಲೆಯ ಇಳಿಮುಖ ಪ್ರವೃತ್ತಿ ಇಂದೂ ಮುಂದುವರಿದಿದೆ. ನಿನ್ನೆಯ(ಜೂನ್ 25) ಧಾರಣೆಗೆ ಹೋಲಿಸಿದರೆ ಇಂದು ಗ್ರೇಡ್ ರಬ್ಬರ್ ಬೆಲೆಯಲ್ಲಿ ಪ್ರತಿ ಕೆಜಿಗೆ ₹1.50 ಪೈಸೆ ಇಳಿಕೆಯಾಗಿದ್ದು, ಉಳಿದೆಲ್ಲಾ ವಿಭಾಗಗಳ ರಬ್ಬರ್ ದರಗಳು ಯಾವುದೇ ಬದಲಾವಣೆ ಕಾಣದೆ ಯಥಾಸ್ಥಿತಿ ಮುಂದುವರಿದಿವೆ.
ಗ್ರೇಡ್ ರಬ್ಬರ್‌ನಲ್ಲಿ ಮತ್ತೆ ಕುಸಿತ : ರಬ್ಬರ್ ಮಾರುಕಟ್ಟೆಯ ಪ್ರಮುಖ ವಿಭಾಗವಾದ ಗ್ರೇಡ್ ರಬ್ಬರ್ ಬೆಲೆಯಲ್ಲಿ ಕಳೆದ ಕೆಲವು ದಿನಗಳಿಂದ ಸಣ್ಣ ಇಳಿತ ಕಾಣುತ್ತಿದ್ದು, ಇಂದು ಪ್ರತಿ ಕೆಜಿಗೆ ₹1.50 ರಷ್ಟು ಇಳಿಮುಖ ಕಂಡು ₹266 ಕ್ಕೆ ತಲುಪಿದೆ.
ಸ್ಥಿರತೆ ಕಾಯ್ದುಕೊಂಡ ಲಾಟ್ ರಬ್ಬರ್ : ನಿನ್ನೆ ₹227 ರಷ್ಟಿದ್ದ ಲಾಟ್ ರಬ್ಬರ್ ಬೆಲೆ ಇಂದು ಯಾವುದೇ ಬದಲಾವಣೆ ಕಾಣದೆ ಅದೇ ಮಟ್ಟದಲ್ಲಿ ತನ್ನ ಸ್ಥಿರತೆಯನ್ನು ಮುಂದುವರಿಸಿದೆ.
ಸ್ಕ್ರ್ಯಾಪ್ ವಿಭಾಗದಲ್ಲೂ ಯಥಾಸ್ಥಿತಿ : ಸ್ಕ್ರ್ಯಾಪ್ ರಬ್ಬರ್ ಮಾರುಕಟ್ಟೆ ಇಂದು ಸಂಪೂರ್ಣ ಶಾಂತವಾಗಿದೆ. ಪ್ರಥಮ ದರ್ಜೆ ಸ್ಕ್ರ್ಯಾಪ್ ರಬ್ಬರ್ ₹154 ಹಾಗೂ ದ್ವಿತೀಯ ದರ್ಜೆ ಸ್ಕ್ರ್ಯಾಪ್ ರಬ್ಬರ್ ಪ್ರತಿ ಕೆಜಿಗೆ ₹145 ರ ನಿನ್ನೆಯ ಮಟ್ಟದಲ್ಲೇ ವಹಿವಾಟು ಮುಗಿಸಿವೆ.

ಕೃಷಿಕರ ಗಮನಕ್ಕೆ : ಈ ಮೇಲಿನ ಮಾರುಕಟ್ಟೆ ಧಾರಣೆಯು ಇಂದಿನ ಮಾರುಕಟ್ಟೆ ಸ್ಥಿತಿ-ಗತಿಯನ್ನು ಆಧರಿಸಿದ್ದು, ಉತ್ಪನ್ನಗಳ ಗುಣಮಟ್ಟ, ತೇವಾಂಶ ಹಾಗೂ ಮಾರುಕಟ್ಟೆ ಅವಕಕ್ಕೆ ಅನುಗುಣವಾಗಿ ವಿವಿಧ ಸಹಕಾರಿ ಸಂಸ್ಥೆಗಳಲ್ಲಿ ಹಾಗೂ ಖಾಸಗಿ ಮಂಡಿಗಳಲ್ಲಿ ದರಗಳು ಅಲ್ಪಮಟ್ಟಿಗೆ ವ್ಯತ್ಯಾಸವಿರಬಹುದು. ನಿಖರ ಮಾಹಿತಿಗಾಗಿ ಕೃಷಿಕರು ತಮ್ಮ ಸಮೀಪದ ಕ್ಯಾಂಪ್ಕೋ ಶಾಖೆ, ಮಾರುಕಟ್ಟೆ ಕೇಂದ್ರ ಅಥವಾ ಪರಿಚಿತ ವರ್ತಕರನ್ನು ಸಂಪರ್ಕಿಸಬಹುದಾಗಿದೆ.

ಮಾಹಿತಿ ಸಂಗ್ರಹ ಮತ್ತು ವರದಿ : ಉಲ್ಲಾಸ್ ಕಜ್ಜೋಡಿ (ವರದಿಗಾರರು, ಅಮರ ಸುಳ್ಯ ಸುದ್ದಿ ವಾರಪತ್ರಿಕೆ)