ಅದೈತ್ ಮಕ್ಕಳ ಬೇಸಿಗೆ ಶಿಬಿರ “ಪಂಜ ಮಕ್ಕಳ ಹಬ್ಬ 2024” ಉದ್ಘಾಟನೆ – 130ಕ್ಕೂ ಹೆಚ್ಚು ಮಕ್ಕಳು ಭಾಗಿ

ಪಂಜದ ಡಾನ್ಸ್ ಅಂಡ್ ಬೀಟ್ಸ್ ನೇತೃತ್ವದಲ್ಲಿ ಅದೈತ್ ಮಕ್ಕಳ ಬೇಸಿಗೆ ಶಿಬಿರ “ಪಂಜ ಮಕ್ಕಳ ಹಬ್ಬ 2024” ಇಂದು ಉದ್ಘಾಟನೆಗೊಂಡಿತು.

. . . . .

ಶಿಬಿರದ ಉದ್ಘಾಟನೆಯನ್ನು ಪಂಜ ಪರಿವಾರ ಪಂಚಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಡಾ.ದೇವಿಪ್ರಸಾದ್ ಕಾನತ್ತೂರು ನೆರವೇರಿಸಿದರು. ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯ ಲಕ್ಷ್ಮೀಶ ಗಬ್ಬಲಡ್ಕ, ಶಾರದಾಂಬ ಭಜನಾ ಮಂಡಳಿ ಅಧ್ಯಕ್ಷ ಬಾಲಕೃಷ್ಣ ಪುತ್ಯ, ಲಯನ್ಸ್ ಕ್ಲಬ್ ಅಧ್ಯಕ್ಷ ದಿಲೀಪ್ ಬಾಬ್ಲುಬೆಟ್ಟು, ಹಸಿರುದಳ ಫೆಡರೇಶನ್ ನಿರ್ದೇಶಕ ನಾಗರಾಜ್ ಭಜಾಲು ಉಪಸ್ಥಿತರಿದ್ದರು. ಡ್ಯಾನ್ಸ್ ಬೀಟ್ ಬೆಳ್ಳಾರೆ ಇದರ ನಿರ್ದೇಶಕ ಜೀವನ್ ಬೆಳ್ಳಾರೆ ಶಿಬಿರದ ನಿರ್ದೇಶನ ಮಾಡಿದ್ದಾರೆ. ಮೇಧಾ ನಾರಾಯಣ ಭಟ್ ಪ್ರಾರ್ಥಿಸಿದರು. ತನ್ವಿ ಸ್ವಾಗತಿಸಿ, ಅಸ್ಮಿ ವಂದಿಸಿ, ಧನುಷ್ ಎಣ್ಮೂರು ನಿರೂಪಿಸಿದರು. ಸುಮಾರು 130ಕ್ಕೂ ಹೆಚ್ಚು ಮಕ್ಕಳು ಶಿಬಿರದಲ್ಲಿ ಭಾಗವಹಿಸಿದ್ದಾರೆ.