ಸೈನಿಕರಿಗೊಂದು ಸಲಾಂ…

ಸುಡುವ ಬಿಸಿಲಿನಲಿ
ಕೊರೆಯುವ ಚಳಿಯಲಿ
ದಿನನಿತ್ಯ ನಮ್ಮ ಕಾಯುವ
ಧೀರ ಸೈನಿಕನೇ
ನಿನಗೊಂದು ನನ್ನ ಸಲಾಂ..

. . . . . .

ನೀನಿದ್ದರೆ ಈ ಭೂಮಿಯಲ್ಲಿ
ನಮಗೆಲ್ಲ ಸುಖ ನಿದ್ರೆ
ನಮಗಾಗಿ ಹೋರಾಡುವ ಸೈನಿಕ
ನಿನಗೊಂದು ನನ್ನ ಸಲಾಂ..

ತನ್ನವರನ್ನು ಮರೆತು
ಕೈಯಲ್ಲಿ ಬಂದೂಕನ್ನು ಹಿಡಿದು
ದೇಶದ ಜನರಿಗಾಗಿ ನಿದ್ರೆ ಬಿಡುವ ಸೈನಿಕ
ನಿನಗೊಂದು ನನ್ನ ಸಲಾಂ..

ದೇಶದ ಮೂಲೆ ಮೂಲೆಗಳಲ್ಲಿ
ಇರುವ ಶತ್ರುಗಳನ್ನು ಸದೆ ಬಡಿಯಲು
ಎದೆ ಉಬ್ಬಿಸಿ ನಿಂತಿರುವ ಸೈನಿಕ
ನಿನಗೊಂದು ನನ್ನ ಸಲಾಂ..

ಸಾಗರದಂತಹ ಸುಳಿಗಳೆಡೆಯಲಿ
ಬೀಸುವ ಚಳಿ ಬಿಸಿ ಗಾಳಿಯಲಿ
ಭಯವಿಲ್ಲದೆ ಗೆಲ್ಲುವ ಛಲವಿರುವ ವೀರ ಸೈನಿಕ
ನಿನಗೊಂದು ನನ್ನ ಸಲಾಂ…

ಅನನ್ಯ ಹೆಚ್
ಎಸ್ ಎಸ್ ಪಿ ಯು ಕಾಲೇಜು ಸುಬ್ರಹ್ಮಣ್ಯ. 🙏🙏