ಬಳ್ಪ ಖಾಸಗಿ ಮೊಬೈಲ್ ಟವರ್‌ ಗ್ರಾಹಕರಿಗೆ ನಿರಾಸೆ – ಬಿಟ್ಟಿ ಬಿ ನೆಡುನೀಲಂ

ಬಳ್ಪ: ಆದರ್ಶ ಗ್ರಾಮ ಬಳ್ಪದ ಎಡೋಣಿ-ಪಾದೆ ಬಳಿಯಲ್ಲಿ ಉದ್ಘಾಟನೆಗೊಂಡ ನೂತನ ಜಿಯೋ ಟವರ್‌ ಮೂಲಕ ಮೊಬೈಲ್‌ ಸಿಗ್ನಲ್‌ ಲಭ್ಯವಾಗಬಹುದು ಎಂದು ನಿರೀಕ್ಷೆಯಲ್ಲಿದ್ದ ಗ್ರಾಹಕರಿಗೆ ಈಗ ನಿರಾಸೆಯಾಗಿದೆ.

. . . . . . .

ಉದ್ಘಾಟನೆಗೊಂಡ ಜೊಯೋ ಟವರ್‌ ಮೂಲಕ ಬಳ್ಪ ಪೇಟೆಯಲ್ಲಿಯೇ ಸರಿಯಾಗಿ ಸಿಗ್ನಲ್‌ ಸಿಗುತ್ತಿಲ್ಲ ಮಾತ್ರವಲ್ಲ ತೀರಾ ಗ್ರಾಮೀಣ ಪ್ರದೇಶ ಎಂದು ಗುರುತಿಸಲಾಗಿದ್ದ ಎಡೋಣಿ-ಪಾದೆ ಪರಿಸರ ದಿಂದ ಸ್ವಲ್ಪ ದೂರದಲ್ಲಿಯೇ ಇರುವ ಮಲ್ಕಜೆ, ಏರಣಗುಡ್ಡೆ ಪ್ರದೇಶದಲ್ಲೀ ಜಿಯೋ ಸಿಗ್ನಲ್‌ ಲಭ್ಯವಾಗುತ್ತಿಲ್ಲ ಎಂದು ಗ್ರಾಹಕರು ನಿರಾಸೆ ವ್ಯಕ್ತಪಡಿಸಿದ್ದಾರೆ.

ಎಡೋಣಿಯಿಂದ ಸ್ವಲ್ಪ ದೂರವರೆಗೆ ಸಿಗ್ನಲ್‌ ಲಭ್ಯವಾಗುತ್ತದೆ, ಈ ಹಿಂದೆಯೇ ಆ ಪ್ರದೇಶದಲ್ಲಿ ಸಿಗ್ನಲ್‌ ಇತ್ತು. ಈಗ ಹೊಸದಾಗಿ ಟವರ್‌ ಆದ ಬಳಿಕ ಮಲ್ಕಜೆಯವರೆಗೆ ಸಿಗ್ನಲ್‌ ಲಭ್ಯವಾಗಬಹುದು ಎಂಬ ನಿರೀಕ್ಷೆಯಲ್ಲಿ ಇದ್ದೆವು. ಇದೀಗ ನಿರಾಸೆಯಾಗಿದೆ ಎಂದು ಮೊಬೈಲ್‌ ಗ್ರಾಹಕ ಬಿಟ್ಟಿ ಬಿ ನೆಡುನೀಲಂ ಹೇಳಿದ್ದಾರೆ. ತಕ್ಷಣವೇ ಸಂಬಂಧಿತ ಕಂಪನಿಯ ಅಧಿಕಾರಿಗಳು ಈ ಬಗ್ಗೆ ಕ್ರಮ ಕೈಗೊಳ್ಳಬೇಕು, ಗ್ರಾಮೀಣ ಭಾಗಗಳಲ್ಲೂ ಸಿಗ್ನಲ್‌ ಸಿಗುವಂತಾಗಬೇಕು ಎಂದು ಬಿಟ್ಟಿ ಬಿ ನೆಡುನೀಲಂ ಹೇಳಿದ್ದಾರೆ.