ಕೆ ಎಫ್ ಡಿ ಸಿ ಕ್ವಾಟರ್ಸ್ ನಲ್ಲಿ ಮನೆಯ ಬಾಗಿಲು ಮುರಿದು ನಗ ನಾಣ್ಯ ಕಳ್ಳತನ , ಪ್ರಕರಣ ದಾಖಲು.

ಸುಳ್ಯ : ಸುಳ್ಯ ಕೆ ಎಫ್ ಡಿ ಸಿ ಕ್ವಾಟರ್ಸ್ ನಲ್ಲಿ ಮನೆಯಲ್ಲಿ ಇರಿಸಿದ್ದ ನಗ ನಾಣ್ಯವನ್ನು ಮನೆಯ ಬಾಗಿಲು ಮುರಿದು ಕಳ್ಳರು ಕದ್ದೋಯ್ದ ಘಟನೆ ವರದಿಯಾಗಿದೆ.

. . . . .

ನಾಚಪ್ಪ.ಎ.ಸಿ ಎಂಬುವವರು ಕೆ.ಎಫ್.ಡಿ.ಸಿ ಕ್ವಾಟ್ರಸ್, ವಾಸ್ತವ್ಯವಿದ್ದು ಇವರು ದಿನಾಂಕ 29.04.2024 ರಂದು ಸಮಯ ಸುಮಾರು 09:00 ಗಂಟೆಗೆ ನಾಚಪ್ಪರು ಮತ್ತು ಅವರ ಪತ್ನಿ ಮನೆಗೆ ಬೀಗ ಹಾಕಿ ಕೆಲಸಕ್ಕೆ ಹೋಗಿದ್ದು ಇವರು ತಮ್ಮ ಕೆಲಸ ಮುಗಿಸಿ ಮಧ್ಯಾಹ್ನ ದ ವೇಳೆಗೆ ಮನೆಗೆ ಬಂದು ಒಳಗಡೆ ಹೋದಾಗ ಮನೆಯ ಹಿಂಬದಿಯ ಬಾಗಿಲಿನ ಕೆಳಬದಿಯನ್ನು ಯಾರೋ ಮುರಿದಿರುವುದನ್ನು ಕಂಡು ಬಂದಿದ್ದು, ಗಾಬರಿಗೊಂಡ ಮಹಿಳೆಯು ಮನೆಯ ಬೆಡ್ ರೂಮ್ ಗೆ ಹೋಗಿ ನೋಡಿದಾಗ ಬೆಡ್ ರೂಮ್ ನಲ್ಲಿದ್ದ ಕಪಾಟಿನ ಬಾಗಿಲನ್ನು ತೆರೆದಿದ್ದು, ಕರಡಿಕೆಯಲ್ಲಿ ಇಟ್ಟಿದ್ದ 2 ಗ್ರಾಂ ತೂಕದ ಹಳೆಯ ಬೆಂಡೋಲೆ – 1 ಜೊತೆ, ತಲಾ 2 ಗ್ರಾಂ ತೂಕದ ಹಳೆಯ ಚಿನ್ನದ ಉಂಗುರ -2, 8 ಗ್ರಾಂ ತೂಕದ ಹಳೆಯ ಚಿನ್ನದ ತಾಳಿ ಚೈನು -1 , 2 ಗ್ರಾಂ ತೂಕದ ಹಳೆಯ ಚಿನ್ನದ ಸರ -1, ಹಾಗೂ ಅಲ್ಲೇ ಇಟ್ಟಿದ 30000/- ರೂ ನಗದು ಹಣವನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿರುತ್ತಾರೆ, ಒಟ್ಟು ಚಿನ್ನವು 16 ಗ್ರಾಂ ಇದ್ದು, ಅದರ ಅಂದಾಜು ಮೌಲ್ಯ 64000/- ರೂ ಆಗಿರುತ್ತದೆ. ನಗದು ಸೇರಿ ಒಟ್ಟು 94000/- ರಷ್ಟು ಆಗಬಹುದು. ಈ ಬಗ್ಗೆ ಸುಳ್ಯ ಪೊಲೀಸ್ ಠಾಣಾ ಅ.ಕ್ರ 69/2024 ಕಲಂ: 454.380 ಐಪಿಸಿ ಪ್ರಕರಣದಂತೆ ದಾಖಲಾಗಿದ್ದು ತನಿಖೆ ಮುಂದುವರೆಸಲಾಗಿದೆ.