ಸುಳ್ಯ ಹಬ್ಬದ ಅಂಗವಾಗಿ ಆರು ಸಾಧಕರಿಗೆ ಕೆವಿಜಿ ಯುವ ಸಾಧಕ ಪ್ರಶಸ್ತಿ ಪ್ರದಾನ

. . . . . .

ಕೆ.ವಿ.ಜಿ ಸುಳ್ಯ ಹಬ್ಬ ಸಮಾಜ ಸೇವಾ ಸಂಘದ ವತಿಯಿಂದ ಆಧುನಿಕ ಸುಳ್ಯದ ನಿರ್ಮಾತೃ ಡಾ. ಕುರುಂಜಿ ವೆಂಕಟ್ರಮಣ ಗೌಡರ 94ನೇ ಜಯಂತ್ಯೋತ್ಸವ ‘ಕೆ.ವಿ.ಜಿ. ಸುಳ್ಯ ಹಬ್ಬ’ ಆಚರಣೆಯ ಅಂಗವಾಗಿ ಡಿ.25ರಂದು ಯುವ ಸಾಧಕರಿಗೆ ಅಭಿನಂದನಾ ಕಾರ್ಯಕ್ರಮ ನಡೆಯಿತು. ಯುವ ಸಾಧಕರಾದ ಸಚಿನ್ ಪ್ರತಾಪ್-ಕ್ರೀಡೆ, ಮೇಜರ್ ಡಾ.ಕುಶ್ವಂತ್ ಕೋಳಿಬೈಲ್-ವೈದ್ಯಕೀಯ, ಸಂತೋಷ್ ಕೊಡೆಂಕಿರಿ-ಚಿತ್ರರಂಗ, ಭವ್ಯಶ್ರೀ ಕುಲ್ಕುಂದ- ಯಕ್ಷಗಾನ, ಮಂಜುನಾಥ ಬಂಗ್ಲೆಗುಡ್ಡೆ- ಸಾಂಸ್ಕೃತಿಕ, ಜಿತೇಂದ್ರ ಎಂ.ಎಂ- ಉದ್ಯಮ ಅವರಿಗೆ ಕೆವಿಜಿ ಯುವ ಸಾಧಕ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಕರ್ನಾಟಕ ಮೀನುಗಾರಿಕಾ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಎ.ವಿ.ತೀರ್ಥರಾಮ ಪ್ರಶಸ್ತಿ ಪ್ರದಾನ‌ ಮಾಡಿದರು.

ಮುಖ್ಯ ಅತಿಥಿಯಾಗಿ ಕೆವಿಜಿ ಸುಳ್ಯ ಹಬ್ಬ ಸಮಾಜ‌ ಸೇವಾ ಸಂಘದ ಗೌರವಾಧ್ಯಕ್ಷ ಡಾ.ಕೆ.ವಿ.ಚಿದಾನಂದ ಉಪಸ್ಥಿತರಿದ್ದರು.

ಕೆವಿಜಿ ಸುಳ್ಯ ಹಬ್ಬ ಸಮಾಜ‌ ಸೇವಾ ಸಂಘದ ಅಧ್ಯಕ್ಷ ದೊಡ್ಡಣ್ಣ ಬರೆಮೇಲು ಅಧ್ಯಕ್ಷತೆ ವಹಿಸಿದ್ದರು. ಪ್ರಧಾನ ಕಾರ್ಯದರ್ಶಿ ಹರೀಶ್ ಉಬರಡ್ಕ ಉಪಸ್ಥಿತರಿದ್ದರು. ಚಂದ್ರಶೇಖರ ಪೇರಾಲು ಸ್ವಾಗತಿಸಿದರು. ವೀರಪ್ಪ ಗೌಡ ಕಣ್ಕಲ್, ಭವಾನಿ ಶಂಕರ ಅಡ್ತಲೆ,ಚಂದ್ರಾಕ್ಷಿ ರೈ‌ ಪ್ರಶಸ್ತಿ ವಿಜೇತರ ಪರಿಚಯ ಮಾಡಿದರು. ಸುಳ್ಯ ಹಬ್ಬ ಸಮಾಜ ಸೇವಾ ಸಂಘದ ಖಜಾಂಜಿ ಆನಂದ‌ ಖಂಡಿಗ ವಂದಿಸಿದರು. ಚಂದ್ರಮತಿ.ಕೆ. ಕಾರ್ಯಕ್ರಮ ನಿರೂಪಿಸಿದರು.ವಿವಿಧ ಶಾಲಾ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ವೈವಿಧ್ಯ ಕಾರ್ಯಕ್ರಮ ನಡೆಯಿತು.