ದೇವ : ವಾಲಿಬಾಲ್ ಪಂದ್ಯಾಟ : ಟೀಮ್ ಸಿಗ್ನೇಚರ್ ವಾಲ್ತಾಜೆ ಪ್ರಥಮ – ವಿಷ್ಣು ಯುವಕ ಮಂಡಲ ಮಾವಿನಕಟ್ಟೆ ದ್ವಿತೀಯ

ದೇವಚಳ್ಳ ಗ್ರಾಮದ ದೇವ ಗೆಳೆಯರ ಬಳಗದ ವತಿಯಿಂದ “ಗೆಳೆಯರ ಬಳಗ ಟ್ರೋಫಿ 2022” ವಾಲಿಬಾಲ್ ಪಂದ್ಯಾಟ ಎ.23 ರಂದು ನಡೆಯಿತು. ಪಂದ್ಯಾವಳಿಯ ಉದ್ಘಾಟನೆಯನ್ನು ಗುತ್ತಿಗಾರು ಪ್ರಕೃತಿ ಸ್ಟುಡಿಯೋ ಮಾಲಕ ಶಿವರಾಮ್ ದೇವ ನೆರವೇರಿಸಿ ಶುಭಹಾರೈಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಯೋಗೀಶ್ ದೇವ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಗ್ರಾ.ಪಂ.ಸದಸ್ಯ ಭವಾನಿಶಂಕರ್ ಮುಂಡೋಡಿ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ದೇವ ಒಕ್ಕೂಟದ ಅಧ್ಯಕ್ಷ ನಳಿನಾಕ್ಷ ಹಿರಿಯಡ್ಕ, ನಿವೃತ್ತ ದೈಹಿಕ ಶಿಕ್ಷಣ ಶಿಕ್ಷಕ ಜಯರಾಮ ಕಡ್ಲಾರ್, ಗೌರವಾಧ್ಯಕ್ಷ ದುರ್ಗೆಶ್ ಪಾರೆಪ್ಪಾಡಿ, ಉಮೇಶ್ ಬಿರ್ಮಕಜೆ, ಭವಿತೆಷ್ ಹಿರಿಯಡ್ಕ, ಜಯಂತ ದೇವ, ಪ್ರಶಾಂತ್ ದೇವ, ಕಾರ್ತಿಕ್ ದೇವ, ರೋಶನ್ ಹಿರಿಯಡ್ಕ, ರಾಜೇಶ್ ಕನ್ನಡಕಜೆ ಹಾಗೂ ಸರ್ವ ಸದಸ್ಯರು ಉಪಸ್ಥಿತರಿದ್ದರು. ಟೀಮ್ ಸಿಗ್ನೇಚರ್ ವಾಲ್ತಾಜೆ ಪ್ರಥಮ ಹಾಗೂ ವಿಷ್ಣು ಯುವಕ ಮಂಡಲ ಮಾವಿನಕಟ್ಟೆ ದ್ವಿತೀಯ ಸ್ಥಾನ ಪಡೆದುಕೊಂಡಿತು. ತೀರ್ಥೆಶ್ ಪಾರೆಪ್ಪಾಡಿ ಸ್ವಾಗತಿಸಿ, ಮುಕುಂದ ಹಿರಿಯಡ್ಕ ವಂದಿಸಿದರು.

. . . . . .