ಎ.13: ಐವರ್ನಾಡು ಬಿರ್ಮುಕಜೆ ತರವಾಡು ಮನೆಯ ಧರ್ಮ ನಡಾವಳಿ

ಐವರ್ನಾಡಿನ ಬಿರ್ಮುಕಜೆ ತರವಾಡು ಮನೆಯ ಶ್ರೀ ರುದ್ರಚಾಮುಂಡಿ, ಧರ್ಮದೈವ ಮತ್ತು ಪರಿವಾರ ದೈವಗಳ ಧರ್ಮ ನಡಾವಳಿ ಹಾಗೂ ವಿವಿಧ ಧಾರ್ಮಿಕ ಕಾರ್ಯಕ್ರಮ ಎ.13 ರಂದು ಬಿರ್ಮುಕಜೆ ಕುಟುಂಬದ ತರವಾಡು ಮನೆಯಲ್ಲಿ ಜರುಗಲಿದೆ. ಎ.6 ರಂದು ಗೊನೆ ಕಡಿಯುವ ಕಾರ್ಯಕ್ರಮ ನಡೆಯಲಿದೆ. ಎ.13ರ ಬೆಳಿಗ್ಗೆಯಿಂದ ಗಣಹೋಮ, ನಾಗತಂಬಿಲ, ಮುನಿಸ್ವಾಮಿಗೆ ನೈವೇದ್ಯ, ಶ್ರೀ ವೆಂಕಟ್ರಮಣ ದೇವರ ಹರಿಸೇವೆ ನಡೆಯಲಿದೆ. ಸಂಜೆ 4.30ಯಿಂದ ದೈವಗಳ ಭಂಡಾರ ತೆಗೆಯುವುದು,ಕುಳೆ, ಜಾವತೆ, ಕಲ್ಲುರ್ಟಿ, ರಕೇಶ್ವರಿ, ಭವನ, ರಕೇಶ್ವರಿ ಗುಳಿಗ ದೈವ ನೇಮೋತ್ಸವ ನಡೆದು ರಾತ್ರಿ 9ಕ್ಕೆ ಅನ್ನಸಂತರ್ಪಣೆ ಯಾಗಿ ರಾತ್ರಿ 9:30ಕ್ಕೆ ಕುಪ್ಪೆ ಪಂಜುರ್ಲಿ, ವರ್ಣರ ಪಂಜುರ್ಲಿ, ಅಗ್ನಿಕೊರತಿ, ಕುಟ್ಟಿಜಾವತೆ, ಪಿಲಿಭೂತ, ಬೈ ಕೊರತಿ, ದೈವದ ನೇಮೋತ್ಸವ ನಡೆಯಲಿದೆ. ಎ.14 ರ ಬೆಳಿಗ್ಗೆ ಧರ್ಮದೈವ ರುದ್ರಚಾಮುಂಡಿ, ಅಬ್ಬೆಜಲಾಯ ದೈವಗಳ ನೇಮೋತ್ಸವ ನಡೆದು ಬೆಳಿಗ್ಗೆ 11:00ಕ್ಕೆ ಪ್ರಸಾದ ವಿತರಣೆಯಾಗಿ ಅನ್ನಸಂತರ್ಪಣೆ ಇರುತ್ತದೆ. ಮಧ್ಯಾಹ್ನ 2 ಗಂಟೆಯಿಂದ ಪೊಟ್ಟದೈವ, ಗುಳಿಗ, ಅಂಗಾರಬಾಕುಡ ದೈವಗಳ ನೇಮೋತ್ಸವ ನಡೆಯಲಿದೆ.

. . . . . . .