ಐಸ್ ಕ್ರೀಂ ಕಪ್‌ನಲ್ಲಿ ‘ಹಲ್ಲಿನ ಸೆಟ್ ಹಲ್ಲು ಸಿಕ್ಕಿತೆಂದು ಆರೋಪ ಪರಸ್ಪರ ಹಲ್ಲೆ – ಠಾಣೆಯಲ್ಲಿ ರಾಜಿಯಲ್ಲಿ ಇತ್ಯರ್ಥ.‌

. . . . . .

ಐಸ್ ಕ್ರೀಂ ಪುಟಾಣಿ ಮಗುವಿಗೆ ಕೋಡಿಸಿದ ಸಂದರ್ಭದಲ್ಲಿ ಆ ಕಪ್ ನಲ್ಲಿ ಹಲ್ಲಿನ ಸೆಟ್ ನ ಹಲ್ಲು ಇದೆ ಎಂದು ಆರೋಪಿಸಿ ಪರಸ್ಪರ ಹಲ್ಲೆಯಾಗುತ್ತಿದ್ದನ್ನು ಗಮನಿಸಿದ ಇನ್ನೋರ್ವ ವ್ಯಕ್ತಿ ಹಲ್ಲೆ ಬಿಡಿಸಲು ಹೋಗಿ ಇಬ್ಬರಿಂದ ತಾನೇ ಹಲ್ಲೆಗೊಳಗಾಗಿದ್ದು ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಇಬ್ಬರನ್ನು ವಶಕ್ಕೆ ಪಡೆದುಕೊಂಡು ಠಾಣೆಗೆ ಕರೆದೊಯ್ದರು.

ಘಟನೆಯ ವಿವರ.

ಗ್ರಾಹಕನು ಜೂನಿಯರ್ ಕಾಲೇಜು ಬಳಿ ಇರುವ ಐಸ್ ಕ್ರೀಂ ಅಂಗಡಿಗೆ ಬಂದು ಐಸ್ ಕ್ರೀಂ ಖರೀದಿಸಿದ್ದಾನೆ. ಸ್ವಲ್ಪ ಹೊತ್ತಿನ ಬಳಿಕ ನಿಮ್ಮ ಐಸ್ ಕ್ರೀಂ ನಲ್ಲಿ ಹಲ್ಲಿನ ಸೆಟ್ ಬಿದ್ದು ಸಿಕ್ಕಿದೆ. ಎಂತಹ ಕೊಳಕು ಐಸ್ ಕ್ರೀಂ ಅಂಗಡಿ ನಿಮ್ಮದು ಎಂದು ಜಗಳ ಆರಂಭಿಸಿದ್ದಾನೆ. ನಿರಂತರವಾಗಿ ಅವಾಚ್ಯ ಶಬ್ಧಗಳಿಂದ ಅಂಗಡಿಯವರನ್ನು ನಿಂದಿಸಿದ್ದಾನೆ. ಈ ವೇಳೆ ಸ್ಥಳೀಯರು ಕೂಡ ಸ್ಥಳಕ್ಕೆ ಬಂದು ವಿಚಾರಿಸಿದ್ದಾರೆ. ಐಸ್ ಕ್ರೀಂ ಅಂಗಡಿಯವರ ಪರ ವ್ಯಕ್ತಿಯೊಬ್ಬರು ಮಾತನಾಡಿದ್ದಾರೆ ಎನ್ನಲಾಗಿದೆ. ಇದರಿಂದ ರೊಚ್ಚಿಗೆದ್ದ ಗ್ರಾಹಕ ಆತನ ಶರ್ಟ್ ಹರಿದು ಹಲ್ಲೆ ನಡೆಸಿದ್ದಾನೆ . ಇದಕ್ಕೆ ಪ್ರತಿಯಾಗಿ ನೆರೆದಿದ್ದ ಸ್ಥಳೀಯರು ಗ್ರಾಹಕನಿಗೆ ಚೆನ್ನಾಗಿ ಥಳಿಸಿದ್ದಾರೆ. ಗಲಾಟೆ ಮಾಡಿದ ವ್ಯಕ್ತಿ ಮದ್ಯಪಾನ ಮಾಡಿದ್ದ ಎಂದು ತಿಳಿದು ಬಂದಿದೆ. ಈ ವಿಚಾರ ತಿಳಿದು ಸ್ಥಳಕ್ಕೆ ಪೊಲೀಸರು ಆಗಮಿಸಿ ಇಬ್ಬರನ್ನೂ ಠಾಣೆಗೆ ಕರೆದುಕೊಂಡು ಹೋಗಿದ್ದು ಠಾಣೆಯಲ್ಲಿ ಪ್ರಕರಣದ ಕುರಿತು ವಿಚಾರಿಸಿ ಹಲ್ಲೆಗೊಳಗಾದ ಮತ್ತು ಗ್ರಾಹಕ ಹಾಗೂ ಅಂಗಡಿ ಮಾಲಿಕರು ಈ ಪ್ರಕರಣವನ್ನು ರಾಜಿಯಲ್ಲಿ ಇತ್ಯರ್ಥ ಪಡಿಸಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.