ನ.16 : ಒಕ್ಕಲಿಗ ಗೌಡ ಸೇವಾ ವಾಹಿನಿ ಸಂಸ್ಥೆಯ ಲೋಕಾರ್ಪಣೆ – ಮನೆ  ನಿರ್ಮಾಣಕ್ಕೆ ಕೆಂಪುಕಲ್ಲಿನ ಹಸ್ತಾಂತರ ಕಾರ್ಯಕ್ರಮ

ಗೌಡ ಸಮುದಾಯದ ಬಡ ಕುಟುಂಬಗಳಿಗೆ ನೆರವಾಗುವ ದೃಷ್ಟಿಯಿಂದ ಯುವ ಸಮುದಾಯ ಸೇರಿ ರಚಿಸಿರುವ ಒಕ್ಕಲಿಗ ಗೌಡ ಸೇವಾ ವಾಹಿನಿ ಕರ್ನಾಟಕ ಇದರ ಲೋಕಾರ್ಪಣೆ  ಮತ್ತು ಗುಡ್ಡೆ ಕುಸಿತದಿಂದ ಮನೆ ಕಳೆದುಕೊಂಡ ಪುಣಚ ಗ್ರಾಮದ ಬಾಳೆಕುಮೇರಿ ನಿವಾಸಿ ಪಾಂಬಾರು ತೀರ್ಥರಾಮ ಗೌಡರಿಗೆ ಹೊಸ ಮನೆಯು ನಿರ್ಮಾಣಕ್ಕೆ ಬೇಕಾದ ಕೆಂಪುಕಲ್ಲಿನ ಹಸ್ತಾಂತರ ಕಾರ್ಯಕ್ರಮ ನ.16 ರಂದು ಸಂಜೆ ಗಂಟೆ 4.00 ಕ್ಕೆ ವಿಟ್ಲಮುಡ್ನೂರು ಗ್ರಾಮದ ಆಲಂಗಾರಿನ ತೀರ್ಥರಾಮ ಗೌಡ’ರ ಪಾಂಬಾರು ಮನೆ ಆವರಣದಲ್ಲಿ ನಡೆಯಲಿದೆ. 

. . . . .

ಕಾರ್ಯಕ್ರಮದಲ್ಲಿ ಮಂಗಳೂರಿನ ಶ್ರೀ ಆದಿಚುಂಚನಗಿರಿ ಮಹಾಸಂಸ್ಥಾನ ಶಾಖಾ ಮಠದ ಡಾ| ಧರ್ಮಪಾಲನಾಥ ಸ್ವಾಮೀಜಿಗಳು ದಿವ್ಯ ಉಪಸ್ಥಿತರಿರಲಿದ್ದಾರೆ.

ಈ ಸಂದರ್ಭದಲ್ಲಿ ಒಕ್ಕಲಿಗ ಗೌಡ ಸೇವಾ ವಾಹಿನಿಯ ವತಿಯಿಂದ ಎರಡು ಸಾವಿರದ ಐನೂರು ಕೆಂಪು ಕಲ್ಲನ್ನು ನೀಡಲಿದ್ದಾರೆ. ಸಂಸ್ಥೆಯು ಮುಂದಿನ ಪ್ರಮುಖವಾಗಿ ಗೌಡ ಸಮುದಾಯದ ಬಡ ಕುಟುಂಬಗಳಿಗೆ ನೆರವಾಗುವ ಯೋಜನೆ ಹಾಕಿಕೊಳ್ಳಲಾಗಿದೆ ಎಂದು ಸಂಘಟಕರು ತಿಳಿಸಿದ್ದಾರೆ.