ಅಜ್ಜಾವರ : ವಿಶ್ವ ಹಿಂದೂ ಪರಿಷದ್ ಬಜರಂಗದಳ, ಮಾತೃಶಕ್ತಿ ದುರ್ಗವಾಹಿನಿ ಶಿವಾಜಿ ಶಾಖೆಯ ನೇತೃತ್ವದಲ್ಲಿ ನಡೆದ ಭಜನಾ ತರಬೇತಿ ಶಿಬಿರದ ಸಮರೋಪ

ವಿಶ್ವ ಹಿಂದೂ ಪರಿಷದ್ ಬಜರಂಗದಳ ಮಾತೃಶಕ್ತಿ ದುರ್ಗವಾಹಿನಿ ಶಿವಾಜಿ ಶಾಖೆ ಅಜ್ಜಾವರ- ಸುಳ್ಯ ಪ್ರಖಂಡ ಇದರ ನೇತೃತ್ವದಲ್ಲಿ ಭಜನಾ ತರಬೇತಿ ಶಿಬಿರವು ನಿರಂತರವಾಗಿ ಎಂಟು ದಿನಗಳ ಕಾಲ ಅಜ್ಜಾವರದ ಶ್ರೀ ಮಹಿಷಮರ್ಧಿನಿ ದೇವಾಲಯದಲ್ಲಿ ಸಭಾಂಗಣದಲ್ಲಿ ನಡೆದು ಅ. 10 ರಂದು ಸಮರೋಪ ಸಮಾರಂಭ ನಡೆಯಿತು .

. . . . . . . . .

ಸಮಾರಂಭ ಅಧ್ಯಕ್ಷತೆಯನ್ನು ಭಾಸ್ಕರ್ ರಾವ್ ಬಯಂಬು ದಂಪತಿಗಳು ವಹಿಸಿದ್ದರು. ಸಭಾ ವೇದಿಕೆಯಲ್ಲಿ ಸೋಮಶೇಖರ ಪೈಕ , ಶಿವಪ್ರಕಾಶ್ ಅಡ್ಪಂಗಾಯ , ವಿಶಾಲಕ್ಷಿ ಕರ್ಲಪ್ಪಾಡಿ , ಹರಿಪ್ರಸಾದ್ ಎಲಿಮಲೆ , ರಾಜೇಶ್ ಶೆಟ್ಟಿ ಮೇನಾಲ , ಸತೀಶ್ ಟಿ ಎನ್ , ರಾಘವ ಪಾಲ್ತಾಡು ಉಪಸ್ಥಿತರಿದ್ದರು.ಮುಖ್ಯ ಅಥಿತಿಗಳಾಗಿ ಆಗಮಿಸಿದ್ದ ಗೀತಾ ಕಡಬ ಹಾಗೂ ರಾಜರಾಮ್ ಐತಾಳ್ ಶಿಬಿರಾರ್ಥಿಗಳಿಗೆ ಮುಂದಿನ ದಿನಗಳಲ್ಲಿ ದಿನಚರಿಗಳು ಹೇಗಿರಬೇಕು, ಸಂಸ್ಕಾರವಂತರಾಗಿ ಬದುಕಲು ಹೇಗೆ ಸಾಧ್ಯವೆಂದು ಭೋದಿಸಿದರು.

. . . . . . .

ಭಜನಾ ತರಬೇತಿ ಶಿಬಿರವು 1ನೇ ತರಗತಿಯಿಂದ 10ನೇ ತರಗತಿವರೆಗಿನ ಮಕ್ಕಳಿಗೆ ನಡೆಸಿದ್ದು ಈ ತರಬೇತಿಯು ಸಂಪೂರ್ಣವಾಗಿ ಉಚಿತವಾಗಿದ್ದು ಭಜನಾ ತರಬೇತಿ ಜೊತೆಗೆ ಸಂಸ್ಕಾರ ಶಿಬಿರವನ್ನು ಕೂಡ ನೀಡಲಾಯಿತು. ತರಬೇತಿಯಲ್ಲಿ ಪ್ರತಿನಿತ್ಯವು ಸಾವಿತ್ರಿ ಕಣೆಮರಡ್ಕ ಯೋಗಾಸನ ತರಬೇತಿಯನ್ನು ನೀಡಿದರು. ಬಳಿಕ ಶಿಬಿರ ಗೀತೆ , ಭಜನೆ ತರಬೇತಿ , ಕುಣಿತ ಭಜನೆ ತರಬೇತಿ ಬಳಿಕ ಆದ್ಮಾತ್ಮ ಗಳ ಬಗ್ಗೆ ಉಪನ್ಯಾಸ ಕಾರ್ಯಕ್ರಮ ನಡೆಯಿತು.

ಸಮಾರೋಪ ಸಮಾರಂಭಕ್ಕೆ ಮುನ್ನ ಅಜ್ಜಾವರ ಮುಖ್ಯ ರಸ್ತೆಯಲ್ಲಿ ಶಿಬಿರಾರ್ಥಿಗಳು ಮೆರವಣಿಗೆ ಜೊತೆಗೆ ಕುಣಿತ ಭಜನೆ ಪ್ರದರ್ಶನ ನೀಡಿದರು. ಈ ಸಂದರ್ಭದಲ್ಲಿ ಪ್ರಮುಖರಾದ ನವೀನ್ ಎಲಿಮಲೆ , ನಾರಾಯಣ ಬಂಟ್ರಬೈಲು , ವಿನಯ ಕರ್ಲಪ್ಪಾಡಿ , ಸುಭೋದ್ ಶೆಟ್ಟಿ ಮೇನಾಲ ,ಸೀತರಾಮ ಕರ್ಲಪ್ಪಾಡಿ , ಶಶ್ಮಿ ಭಟ್ ಅಜ್ಜಾವರ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು. ರಾಜೇಶ್ ಶೆಟ್ಟಿ ಮೇನಾಲ ಸ್ವಾಗತಿಸಿ ವಿಶಾಲ ಕರ್ಲಪ್ಪಾಡಿ ವಂದಿಸಿ ಬಾಲಕೃಷ್ಣ ಮೇನಾಲ ನಿರೂಪಿಸಿದರು.