ಕೊಲ್ಲಮೊಗ್ರದ ದಾನಿಗಳಿಂದ ಸಂಗ್ರಹಿಸಿದ ರೂ.56 ಸಾವಿರವನ್ನು ಸಮೀಕ್ಷಾಳ ಮನೆಯವರಿಗೆ ಹಸ್ತಾಂತರ

ಎಲುಬು ಕ್ಯಾನ್ಸರ್ ನಿಂದ ಬಳಲುತ್ತಿರುವ ವಳಲಂಬೆಯ ಸಮೀಕ್ಷಾ ಎಂಬ ಬಾಲಕಿಗೆ ಸುಮಾರು 56800 ರೂ ಹಣವನ್ನು ಕೊಲ್ಲಮೊಗ್ರ ಗ್ರಾಮದಿಂದ “ಸಹಾಯ ಹಸ್ತ” ಎಂಬ ವಾಟ್ಸಪ್ ಗ್ರುಪ್ ಮೂಲಕ ಸಂಗ್ರಹವಾಗಿತ್ತು. ಉದಯ ಶಿವಾಲ ಈ ವಾಟ್ಸಪ್ ಗ್ರುಪ್ ನ್ನು ರಚಿಸಿ ಸಹಾಯ ಮಾಡುವಂತೆ ಮನವಿ ಮಾಡಿದ್ದರು. ನೆರೆ ಹಾನಿ ಮತ್ತು ಪ್ರವಾಹಕ್ಕೆ ಸಿಲುಕಿ ಚೇತರಿಸಿಕೊಳ್ಳುತ್ತಿರುವ ಈ ಗ್ರಾಮದಲ್ಲಿ ಇಷ್ಟು ಮೊತ್ತ ಕೆಲವೇ ಗಂಟೆಗಳಲ್ಲಿ ಸಂಗ್ರಹವಾಗಿತ್ತು. ಇದಕ್ಕೆ ಸಹಕರಿಸಿದ ಊರಿನ ಜನರಿಗೆ ಉದಯ ಶಿವಾಲ ಕೃತಜ್ಞತೆ ಸಲ್ಲಿಸಿದ್ದಾರೆ. ಈ ಹಣವನ್ನು ಇಂದು ಸಮೀಕ್ಷಾ ಮನೆಯವರಿಗೆ ಹಸ್ತಾಂತರಿಸಲಾಯಿತು. ಈ ಸಂದರ್ಭದಲ್ಲಿ ಕಮಲಾಕ್ಷ ಮುಳುಬಾಗಿಲು,ಶೇಖರಪ್ಪ ಬೆಂಡೋಡಿ,ಗಣೇಶ್ ಶಿವಾಲ,ಮಾಧವ ಚಾಂತಳ,ಗಣೇಶ್ ಶಿವಾಲ,ಲವಿತ್ ಪಡ್ಪು, ಹೇಮಂತ್ ಚಾಳೆಪ್ಪಾಡಿ, ರಾಕೇಶ್ ಮುಳ್ಳುಬಾಗಿಲು ಮತ್ತು ಉದಯ ಶಿವಾಲ ಉಪಸ್ಥಿತರಿದ್ದರು.

. . . . . .