ಕೊಲ್ಲಮೊಗ್ರು :- ಅ.23 ರಂದು ಹುಚ್ಚುನಾಯಿ ರೋಗ ನಿರೋಧಕ ಲಸಿಕಾ ಶಿಬಿರ

. . . . . .

ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್, ಪಶುಪಾಲನಾ ಮತ್ತು ಪಶುವೈದ್ಯಕೀಯ ಸೇವಾ ಇಲಾಖೆ ಸುಳ್ಯ ಇವರಿಂದ ಗ್ರಾಮಪಂಚಾಯತ್ ಕೊಲ್ಲಮೊಗ್ರು ಇದರ ಸಹಯೋಗದಲ್ಲಿ ಆಜಾದಿ ಕಾ ಅಮೃತ್ ಮಹೋತ್ಸವ್ ದ ಪ್ರಯುಕ್ತ ಕೊಲ್ಲಮೊಗ್ರು ಗ್ರಾಮಪಂಚಾಯತ್ ವ್ಯಾಪ್ತಿಯಲ್ಲಿ ಅ.23 ರ ಶನಿವಾರದಂದು ಹುಚ್ಚು ನಾಯಿ ರೋಗ ನಿರೋಧಕ ಲಸಿಕಾ ಶಿಬಿರ ನಡೆಯಲಿದೆ.

ಈ ಕಾರ್ಯಕ್ರಮವು ಅ.23 ರಂದು ಪೂರ್ವಾಹ್ನ 10:30 ಕ್ಕೆ ಉದ್ಘಾಟನೆಗೊಂಡು ಪೂರ್ವಾಹ್ನ 10:30 ರಿಂದ 11:15 ರವರೆಗೆ ಕೊಲ್ಲಮೊಗ್ರು ಗ್ರಾಮಪಂಚಾಯತ್ ವಠಾರದಲ್ಲಿ ಲಸಿಕೆ ನೀಡಲಾಗುವುದು.
ನಂತರ ಪೂರ್ವಾಹ್ನ 11:30 ರಿಂದ 12:00 ರವರೆಗೆ ಬೆಂಡೋಡಿ ಶಾಲೆಯ ಬಳಿ ಲಸಿಕೆ ನೀಡಲಾಗುವುದು.
ಪೂರ್ವಾಹ್ನ 12:10 ರಿಂದ 12:40 ರವರೆಗೆ ಕಟ್ಟ ಗೋವಿಂದನಗರ ಶಾಲೆಯ ಬಳಿ ಲಸಿಕೆ ನೀಡಲಾಗುವುದು.
ಅಪರಾಹ್ನ 12:50 ರಿಂದ 1:15 ರವರೆಗೆ ಪನ್ನೆ ಬಸ್ಸು ತಂಗುದಾಣದ ಬಳಿ ಲಸಿಕೆ ನೀಡಲಾಗುವುದು.
ಅಪರಾಹ್ನ 1:20 ರಿಂದ 1:40 ರವರೆಗೆ ಕಲ್ಮಕಾರು ಶಾಲೆಯ ಬಳಿ ಲಸಿಕೆ ನೀಡಲಾಗುವುದು.
ಅಪರಾಹ್ನ 1:45 ರಿಂದ 2:15 ರವರೆಗೆ ಅಗಲಡ್ಕ ಬಳಿ ಲಸಿಕೆ ನೀಡಲಾಗುವುದು.

ಎಲ್ಲಾ ನಾಯಿಗಳಿಗೂ ಉಚಿತವಾಗಿ ಲಸಿಕೆ ನೀಡಲಾಗುವುದು. ನಾಯಿಗಳನ್ನು ಲಸಿಕೆಗಾಗಿ ಕರೆತರುವವರು ನಾಯಿಯ ಮಾಲೀಕರ ಆಧಾರ್ ಸಂಖ್ಯೆ ಮತ್ತು ಮೊಬೈಲ್ ಸಂಖ್ಯೆಯನ್ನು ಕಡ್ಡಾಯವಾಗಿ ತರತಕ್ಕದ್ದು ಎಂದು ಕೊಲ್ಲಮೊಗ್ರು ಗ್ರಾಮಪಂಚಾಯತ್ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ವರದಿ :- ಉಲ್ಲಾಸ್ ಕಜ್ಜೋಡಿ