ಗುತ್ತಿಗಾರು : ವೀರಮಾರುತಿ ಸ್ಪೋರ್ಟ್ಸ್ ಕ್ಲಬ್ ವತಿಯಿಂದ ಕಬಡ್ಡಿ ಪಂದ್ಯಾಟ – ಪಂಚಶ್ರೀ ಪಂಜ ಪ್ರಥಮ

ಗುತ್ತಿಗಾರಿನ ವೀರಮಾರುತಿ ಸ್ಪೋರ್ಟ್ಸ್ ಕ್ಲಬ್ ವತಿಯಿಂದ ಪುರುಷರ 62 ಕೆಜಿ ವಿಭಾಗದ ಮುಕ್ತ ಹೊನಲು ಬೆಳಕಿನ ಮ್ಯಾಟ್ ಕಬಡ್ಡಿ ಪಂದ್ಯಾಟ ಸೆ.21 ರಂದು ನಡೆಯಿತು. ಉದ್ಘಾಟನಾ ಕಾರ್ಯಕ್ರಮದಲ್ಲಿ ವಳಲಂಬೆ ಶ್ರೀ ಶಂಖಪಾಲ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಬಿ.ಕೆ. ಬೆಳ್ಯಪ್ಪ ಗೌಡ, ಪ್ರಾ.ಕೃ. ಪ.ಸಹಕಾರಿ ಸಂಘದ ಅಧ್ಯಕ್ಷ ವೆಂಕಟ್ ದಂಬೆಕೋಡಿ, ತಾ.ಪಂ. ಮಾಜಿ ಸದಸ್ಯ ಅಶೋಕ್ ನೆಕ್ರಾಜೆ, ನಿವೃತ್ತ ಶಿಕ್ಷಕ ದಯಾನಂದ ಮುತ್ಲಾಜೆ, ಗಿರಿಧರ ಸ್ಕಂದ, ಸುಮಂತ್ ಶೀರಡ್ಕ, ಮಾಧವ ಎರ್ದಡ್ಕ, ಅಚ್ಚುತ ಗುತ್ತಿಗಾರು, ಜಯಪ್ರಕಾಶ್ ಬಾಕಿಲ ಉಪಸ್ಥಿತರಿದ್ದರು. ಕಬಡ್ಡಿ ಪಂದ್ಯಾಟದಲ್ಲಿ ಪ್ರಥಮ ಪಂಚಶ್ರೀ ಪಂಜ, ದ್ವಿತೀಯ ಅಪ್ಪೆ ಜಕ್ಕೆಲ್ ಕಲ್ಲುಗುಡ್ಡೆ, ತೃತೀಯ ಸಪ್ತಶ್ರೀ ಗುತ್ತಿಗಾರು, ಚತುರ್ಥ ಸ್ಥಾನವನ್ನು ಯುವಕ ಮಂಡಲ ಮಡಪ್ಪಾಡಿ ತಂಡ ಪಡೆದುಕೊಂಡಿತು. ಅಚ್ಚುತ ಗುತ್ತಿಗಾರು ಸ್ವಾಗತಿಸಿ, ಅಜಿತ್ ಬಾಕಿಲ ವಂದಿಸಿದರು.

. . . . . .