ಸುಳ್ಯ : ವಾಣಿಜ್ಯ ಮತ್ತು ಕೈಗಾರಿಕೋದ್ಯಮಿಗಳ ಸಂಘಕ್ಕೆ ಪಾತಿಕಲ್ಲು ಸಹೋದರರಿಂದ ಭೋಜನಶಾಲೆ ಕೊಡುಗೆ

ಸುಳ್ಯ : ವಾಣಿಜ್ಯ ಮತ್ತು ಕೈಗಾರಿಕೋದ್ಯಮಿಗಳ ಸಂಘಕ್ಕೆ ಭಾರತ್ ಇಂಡಸ್ಟೀಸ್ ನ ಪಾತಿಕಲ್ಲು ಸಹೋದರರಾದ ಪದ್ಮನಾಭ, ಬಾಲಕೃಷ್ಣ ಹಾಗೂ ಆನಂದ ಇವರು ಭೋಜನ ಶಾಲೆಯನ್ನು ಕೊಡುಗೆಯಾಗಿ ನೀಡಿದ್ದಾರೆ.‌

. . . . . . . . .

ಭೋಜನ ಶಾಲೆಯ ಉದ್ಘಾಟನೆ ಸೆ.02 ರಂದು ನಡೆಯಿತು.‌ ಇದರ ಉದ್ಘಾಟನೆಯನ್ನು ಮಾಜಿ ತಾ.ಪಂ.ಅಧ್ಯಕ್ಷ ಜಯಪ್ರಕಾಶ್ ಕುಂಚಡ್ಕ ನೆರವೇರಿಸಿದರು.‌

. . . . . . .

ವಾಣಿಜ್ಯ ಮತ್ತು ಕೈಗಾರಿಕೋದ್ಯಮಿಗಳ ಸಂಘದ ಅಧ್ಯಕ್ಷ ಸುಧಾಕರ ರೈ ನೆಟ್ ಕಾಂ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಸಂಘದ ಪ್ರ.ಕಾರ್ಯದರ್ಶಿ
ಡಿ.ಎಸ್.ಗಿರೀಶ್ , ಖಜಾಂಜಿ ಹೇಮಂತ್ ಕಾಮತ್, ಉಪಾಧ್ಯಕ್ಷರುಗಳಾದ ರಾಮಚಂದ್ರ ಭಾರತ್ ಆಗ್ರೋ, ಸಿಎ ಗಣೇಶ್ ಭಟ್, ಪ್ರಭಾಕರ ನಾಯರ್, ಹಮೀದ್ ಜನತಾ ಹಾಗೂ ಆದಂ ಕಮ್ಮಾಡಿ, ಸಂಘದ ನಿರ್ದೇಶಕ ಜಾಲ್ಸೂರಿನ ನಿವೃತ್ತ ಡಿವೈಎಸ್ ಪಿ ಮಂಜುನಾಥ ರೈ ಸೇರಿದಂತೆ ಇತರ ನಿರ್ದೆಶಕರು ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ ಭೋಜನ ಶಾಲೆ ಕೊಡುಗೆಯಾಗಿ ನೀಡಿದ ಪಾತಿಕಲ್ಲು ಸಹೋದರರ ಪರವಾಗಿ ಪದ್ಮನಾಭ ಪಾತಿಕಲ್ಲು, ಸಂಘಕ್ಕೆ ಜಾಗ ಸಿಗುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಜಯಪ್ರಕಾಶ್ ಕುಂಚಡ್ಕ, ಭೋಜನಶಾಲೆಯನ್ನು ಸುಸಜ್ಜಿತವಾಗಿ ನಿರ್ಮಿಸಿದ ಇಂಜಿನಿಯರ್ ಶ್ಯಾಂ ಪ್ರಸಾದ್ ಅಡ್ಡಂತಡ್ಕ ಇವರನ್ನು ಸನ್ಮಾನಿಸಲಾಯಿತು.