ರಂಗಮನೆಯಲ್ಲಿ “ಕೋಲ” ಅರೆಬಾಸೆ ಚಿತ್ರದ ಪೂರ್ವ ತಯಾರಿ ಸಭೆ

ರಂಗಮನೆಯ ಖ್ಯಾತ ಯಕ್ಷಗಾನ ಕಲಾವಿದ ಸುಜನಾ ಸುಳ್ಯ ರ 84ನೇ ಜನ್ಮದಿನಾಚರಣೆಯನ್ನು ಸೆ.13 ರಂದು ರಂಗಮನೆ ಸುಳ್ಯದಲ್ಲಿ ಆಚರಿಸಲಾಯಿತು. ಕಾರ್ಯ ಕ್ರಮದಲ್ಲಿ ರಂಗ ಮಾಂತ್ರಿಕ ಜೀವನ್ ರಾಂ ಸುಳ್ಯ , ಅರೆಭಾಸೆ ಅಕಾಡೆಮಿಯ ಅಧ್ಯಕ್ಷ ಲಕ್ಷ್ಮೀನಾರಾಯಣ ಕಜೆಗದ್ದೆ, ಜಯಪ್ರಕಾಶ್ ಪೆರುಮುಂಡ , ರಾಜ್ ಮುಖೇಶ್ , ವಿನೋದ್ ಮೂಡಗದ್ದೆ, ರವೀಶ್ ಪಡ್ಡಂಬೈಲು, ಶ್ರೀಮತಿ ಮಮತಾ ರವೀಶ್ ಪಡ್ಡಂಬೈಲು ಮುಂತಾದವರು ಭಾಗವಹಿಸಿದ್ದರು.
ನಂತರ ಅರೆಭಾಸೆ ಕಿರುಚಿತ್ರ “ಕೋಲ” ಇದರ ಪೂರ್ವ ತಯಾರಿಯ ಸಭೆಯನ್ನು ರಂಗಮನೆ ಸುಳ್ಯದಲ್ಲಿ ಮಾಡಲಾಯಿತು. ಟೀಮ್ ಉತ್ತಮ್ ತಂಡದವರ ಈ ಅರೆಭಾಸೆ ಕಿರುಚಿತ್ರ “ಕೋಲ” ಸದ್ಯದಲ್ಲೇ ಶೂಟಿಂಗ್ ಸೆಟ್ಟೇರಲಿದ್ದು, ನವೆಂಬರ್ ನಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ನಿರ್ದೇಶಕ ಹವಿನ್ ಗುಂಡ್ಯರವರು ತಿಳಿಸಿದ್ದಾರೆ. ಹವಿನ್ ಗುಂಡ್ಯರು ಈಗಾಗಲೇ ಗೊಬ್ಬು , ಮಾರಣಹೋಮ, 5am ಎಂಬ ಮೂರು ಕಿರುಚಿತ್ರ ನಿರ್ದೇಶಿಸಿದ್ದು , ಗೊಬ್ಬು ಕಿರುಚಿತ್ರವು ಉತ್ತಾರಾಖಂಡದಲ್ಲಿ ನಡೆಯುವ ಕ್ಲಬ್ಬಿ ಇಂಡಿಯಾ ಮಿನಿಮೂವಿ ಫೆಸ್ಟಿವಲ್ ಗೆ ಆಯ್ಕೆಯಾಗಿ ಫೈನಲ್ ರೌಂಡ್ ನಲ್ಲಿದೆ.

. . . . . .